بدون عنوان

بص ياصاحبي لو جبت موبايل 1000 او اكتر من غير ضمان حرام عليك بجد الفلوس ال هاتدفعها لان بكل بساطه دي حكايه نصيب يعني ممكن يبقي جديد وتاني يوم يحصل فيه حاجة يبقي فلوسك كدا راحت ف ماتبش حاجة من غير ضمان يا صاحبي ولو فلوسك 1500 السعر ال يناسبها سوني اريكسون لايف دا ف الرنج دا بتهيقلي لانو ف رايه عامل 1700 برة هايبقي ارخص طبعا بمبلغ

طب و xperia mini او htc wild fire
بكام؟؟

بالضمان الميني من 1300 الى 1450 حسب المحل.
الويلدفير ب 1550 منغير ضمان.
و للي يقولك الايس احسن من الميني قولو عفوا ايش جاب لجاب من ناحية مواصفات و أداء و دعم.

لا ياصاحبي اكسبلولر حلو وتمام بس الكاميرا اقل ف خليه ف حاجة بالسعر دا وتبقي احسن ف احسن اختيار ليه اللايف

أيه ياجيمي الثقه دي انت متأكد ان دعم السوني احسن من سامسونج هههههه لا دي تبقي نكتة الموسم معلش يعني
انت جهازك نوعة ايه يا جيمي اكيد سوني صح؟
طيب اشتغلت على اي جهاز سامسونج جديد؟

وبعدين كفايه ان الايس يا صاحبي اتشفك من السوق بسرعه رهيبه دا اعتقد يعني اكبر دليل على انو موبايل اساسا فاجر ومن رأيي مش الايس بس الايس واى موبايل سامسونج لازم يبقي فاجر ماعدا جهاز واحد عاملي عقده نفسيه وجهاز عقيم الy

انا دخلت لقيت ان جهازك اكسبريا ري يا جيمي تمام اوي انا كدا هاستغلك يامعلم ههههه عايز بقي منك تقرير شامل للجهاز دا بص تقرير مافهوش حرف ناقص هاتعبك بقي بس استحملني شوية لان ابن خالتي بيفكر يجيب الجهاز دا ف هاستني لما تظبطلي تقرير شامل عن الجهاز وارفعه على اي رابط وهاتلي اللينك بعد ازنك ولو عملت كدا هاعمل دعايا للسوني وبص هاصيتها هههههه

اولا يا محمود..
لو عمال اتكلم عن رايي فممكن اهزر و اقول حاجات كوميدية بس لم ايكون واحد طالب نصيحة مينفعش اقول اي كلام و لازم احاسب فكل كلمة بقولها.
تانيا ايوة دعم سوني للميني احسن من دعم سامسونج للايس...ولو عايز تحكم على دعم السامسونج لاجهزتها فعندك مثال بسيط و هو كل اجهزة الويف الي تباعت وكل شهر سامسونج بتكدب و تقول التحديث جاي !!!!
و مش معنا ان جهاز عجبك يبق احسن من اجهزة تانية اعلى منو لانك عايز كدة...
ولو بتتكلم من منظور انا استعملت ايه و اني عشان كدا بنصح بالسوني فدا 100% نوع تصرفك انتا مش انا و معلش مدامنا منهزر و منقول اي كلام يبق انتا الي شكلك مستعملتش غير الايس و عشان كدا عملو احسن جهاز بالكون.
ايوة معايا راي دلوقت و جمبو ويف 3 و قبلهم htc hd7 و قبلو htc titan و قبلو نوكياe7 و قبلو samsung galaxy s2 و قبلو iphone 4 و قبلو iphone 3gs وقبلو iphone 3g .
قول رايك بس متتعداش على غيرك..
راجل بيسال بين سوني و htc !!!! لازم تلزقو الايس بالوسط !!! مهو عشان كدا مبيعاتو حلوة...وانا مش بقول انو وحش بس قلتلك قبل كدا انا يهمني ان اي واحد يشتري اعلى مواصفات بتجبهالو فلوسو...ولو الموضوع راي شخصي و عن تجربة شخصية فانا برضو حخش للناس فكل مكان وانصح بالويف 2 لاني مجرب الويف 3 و عارف يعني ايه بادا 2 و حقولهم دا سامسونج 100% و التحديث لبادا 2 جاي بعد بكرة و اصيت و اضلل الناس.
و بعتذر منك بموضوع التقرير الي انتا عايزو...لان مدامو ابن خالتك حتسيبو يجيب سوني ازاي.. دنت دكتاتور..ولو اي حد عايز اي تفاصيل عن الراي يسأل فالصفحة بتاعتو...لسة منزل لعبة 500 ميجا عشان ارد على راجل سالني الالعاب عليه شكلها ازاي.

السلام عليك
اولا يا صاحبي انا هارد على النقط من حيث الاهميه من ناحيتي تمام يعني مش هارد بالترتيب واتمني انك تقبل الكلام وتقبل الرأي
ثانيا انا مابتكلمش اي كلام ولا بقول اي راي وخلاص انا بتكلم عن واقع تجربه وتقدر تسال هنا اي حد كان بيستفسر لو حد شاف اني قولت رأيي بمجرد كلام وخلاص اقسم بالله هاخرج من المنتدي يا سيدي .

ثالثاانت مش هاتحكم على دعم شركة كامله عن طريق موبايل واحد دانا بقولك الايس هاتقولي ويف 2 طيب دا ماجاش ف الكلام بتزكره ليه انت بتفاضل بين جهازين وفعلا دعم سامسونج ف مصر هنا قرب يوصل انو هايتقارن بدعم نوكيا وطبعا مش بقول نوكيا من جمال الشركة بس لانها رقم واحد ف الدعم يليها سامسونج انما هاتحكم على سامسونج من خلال موبايل واحد يبقي انا كدا اقول دي سوني دي مش شركة موبايلات اساسا من خلاص حكمي على الفيفاز والفيفاز برو والارك يبقي لا الصح وال انا قولته قبل كدا رايي فيهم انها فقدت كثير من ثقه العملاء وليس الثقه الكامله يبقي مابصتش من منظور ضيق تمام ف ماتبصش من منظور ضيق ابدا

رابعابقي ياسيدي ان مش معني ان جهاز عجبني يبقي مافيش احسن ليه بتقول كدا طيب مانت عندك اس واس 2 والاس ال والوندر امكانياتهم اعلي واحسن بكتير بس مع ملاحظة مشكله البدي ف الوندر وعندك اتش تي سي سنستف والاكس ال والكلام دا والسوني راي والاكتف اعلي ولو حد سالني عليهم هاقوله كدا

خامسا نقطه ان شكلي ماستعملتش غيره ف بجد اكتر نقطه ضحكتني ودي مش هزار انا بتكلم جد والله انا من رأيي ان اسيب اي حد يعرفني هنا يرد بس هاوضحلك بس مش اكتر لاني لو قعدت اتكلم ف دي هاتزهق من كتر الكلام بص يا صاحبي انت استعملت 9 موبايلات تمام اوي واكيد خدت خبره بس معلش مش معني كدا ان مافقيش غيرك بيفهم انا على كدا مفروض ادي محاضرات ولا ايه رايك اصلي اشتريت اقسم بالله الايس دا موبايل رقم 18 معايا دا ال اشتريتهم لكن لو جينا للاستعمال انا استعملت اجهزة ماحدش ف مصر مسكها لان ابن خالي ف ايطاليا بينزل بموبايلات مابتنزلش اساسا هنا وببقي اول مرة اشوفها تمام اظن النقطه دي كفايه كلام لحد كدا فيها عشان ماطولش عليك وماقولش استعملت ايه وايه لاني انا نفسي هازهق والله

سادسا ابقي بص على الكلام كويس قبل ماتتسرع بتقولي راجل بيسال على اتش تي سي و وسوني وبتقولي لازم تلزقلوا الايس طيب بزمتك ودينك ابقي انزل على اول تعليق شوف انا كاتبله اي السوني لايف ابقي اوزن وركز ف الكلام قبل ماتقوله يا صاحبي بعد ازنك انما نقطه مبيعاته دي اه مبيعاته احلي من اي جهاز لان ال بيستخدمة اسال اي حد جربه وجرب موبايل اعلي منه الايس فعلا راحة رهيبه ف استخدامة كفايه انك ماسك موبايل بص حااسس انو ابنك والله ياجدعان دا ف ناس الموبايل دا معاها هاتتجنن بيه وبرضو ياجيمي دا مش الموبايل الوحيد ال استعملوه دا فيه ناس استعملت احسن منو وجابوه اكيد هايرد لما يشوف النقطه دي كان مستعمل اس 2 ها اس 2 ودا طبعا مش تقليل للاس انا واحد من الناس ال بفكر اجيبه بعد الامتحانات

سابعا بقي ياسيدي نقطه ديكتاتور اه على فكرة انا ديكتاتور جدا جدا واتصدق بعشق شخصيه اسمها هتلر بفكر اعمل حزب هنا حزب سامسونجاوي جديده دي صح بس ماتستغربش انا دكتاتور بقي ياسيدي عقبال عندك

اخر حاجة دي حاجة بيني وبينك يا صاحبي بالنسبه لابن خالتي اتصدق وتؤمن ب ايه نصحته بسامسونج وهوا مقتنع انها احسن بس للاسف مش هاينفعه اجهزة سامسونج هاتقولي ليه هاقولك لانو مابيحبش الاجهزة الكبيرة يعني قولتله الاس والاس اتنين سيبك من دولت الايس ياعم حجمه انا شايفه عادي مارضيش يجيبه بيقول كبير للاسف بقي عندك اتش تي سي نفس المشكله بالنسبه ليه الحجم ف دخل على السوني ولو اني نصحته بسامسونج افضل مش بالايس ها مش الايس بس المهم الراي بقي بالنسبه ليه انا ماحدش سألني عليه قبل كدا ولو حد سألني هاقول رأيي وكل واحد حر يتقبله او لا هاقول رأيي من منظور معين ال هوا الامكانيات تمام واعتقد ان الراي والاكتف هما دلوقتي ال توب ف السوني وبالذات الاكتف دا ممكن ياكلوا السوق بيه والله بس بدعم كويس & والنقطه الاخيره يا صاحبي المشكله فينا كلنا ومش انت ولا اي حد لا كلنا وانا زيكوا اننا ماعندناش بص تقبل السخريه مع ان دي مش حاجة عيب لا ابقي اعمل اي ابحاث وكدا واقري وشوف مانت عندك برامج ف امريكا فيها فن السخريه وبيجيب الرئيس وكدا هل دا تقليل دا لا ياصاحبي بس الناس هنا مش فهمه ولا عندها تقبل للكلام دا وف النهايه ياصاحبي اتمني ان كلام ولا يزعلك ولا يزعل اي حد وف نقطه اني هاخرج من المنتدي صدقني هاعملها بس عايز حد من ال كلموني او طلب رايي ف موبايل واجيتله كلمه غلط او رجع ندم على كلامي

سلااااااام

اه نسيت ارد انت بتقول اضلل الناس وبتاع على فكرة انا بص اكتر واحد يضلل حتي اسال الناس كدا المضللاتي اهو هههه ياعم الحاج ابوس دماغك طالما انت مش متقبل السخريه يبقي خلاص ليه تقبلها على غيرك
وبالنسبه للعبه ال 500 ميجا طيب وايه يعني ايه المشكله يا صاحبي

تمام يا كابتن محمود...بس كل ما تكبر بالسن بتقل درجة تقبلك للسخرية و البادئ اظلم.
انا قلت الي عندي و مش حزود حاجة و ليك كامل الاحترام حتى و انا مختلف معاك بشدة.

مع احترامى للجميع بس الأختلاف فى الرأى لا يفسد للود قضية ولا ايه
وزى ما بيقول المئل كل واحد بينام على الجمب الى يريحه بمعنى انا ارتحت مع ايس اكيد هقول عنه المزايا و ممكن مش الاحظ العيوب مع ان اكيد فيه عيوب ونفس الكلام على الراى و غيره وغيره

الفكره فى التقبل اما علشان نبقى واقعيين كلهم كويسين وكلهم مش كامليين يعنى الراى امكانيات كوبسه وشاشه صغيره ومش اموليد هتلاقى على النقيض ويف نظام بادا واموليد و شاشة اكبر واتش تى سى جسم معدنى وشاشه عاديه وهكذا .......

كل حاجه بترجع لطبيعه استخدامك ومستحيل تلاقى حاجه كاملة والكمال لله

مش شرط انى اكون استعملت انى اكون بفهم او مش بفهم الفكره انى مش بتذاكى يعنى اقول الى انا عارفه وشوفته ومدعيش على الغير انه مش بيفهم حاجه بس تجربتى بتدينى خبره جايز مش تكون عنده وبرده اكيد هوه كمان ليه تجربه برده جايز مش تكون عندى ......يعنى محمود راجل محترم بصراحه ومن ضمن الناس الى مش بتتأخر عن حد كذلك انا معرفكش بصراحه يا جيمى ولا اعرف سنك بس احب اقولك انك برده راجل محترم واسلوبك فى الكلام بيوضح ده ولكن انا بعترض معاك فى نقطه انك واخد الامور بجدبة اكتر من اللازم المسأله مسالة اراء انت بتحب حاجه او شايف انها كويسه جايز غيرك شايف العكس كذلك بالنسبه ليا او لغيرى علشان لو مش اختلفت ارائنا مكنش انا هيبقى معايا ايس وواحد تانى معاه بلاك بيرى وواحد معاه عدة 1100

انا معايا ايس و اكيد فيه احسن من الايس وعارف ان الايس فيه عيوب بس مقتنع بيه علشان عاوز شاشة اكبر على عكس الايف مع انى برده عارف ان الايف بروسيسور اعلى ورام ومساحة وكئافة وصوت وفديو
بس انا عاوز جوريلا جلاس وشاشه برده ماشاء الله اقدر اشتغل عليها
كمان هى مش تعصب لسامسونج ولكن سامسونج ليها ضمان هنا كويس و مضمونة
وبرده مقولتش ان سونى وحشة ولا ال جى ولا حتى نوكيا بس هى مسأله راحه نفسيه جايز فى حاجات تانيه افضل ماركات غير سامسونج ياريت تكون فاهم قصدى زى ما انت ممكن تكون مرتاح لسونى عن سامسونج او لبادا 2 عن اندرويد

معلش انا طولت وبحترم كل الناس الى هنا بس احنا مش هناخد فرق ونحارب بعض احنا بنضيف لبعض جايز حاجه نقاصنى تضيفهالى او العكس

وسلامى للجميع :)

بص يا جيمي بس افهم منك حاجة واحده ال هاتجنني لحد دلوقتي هاتجنن والاقي فين الايس ال لزقته ف النص دا بأمانة يعني وبص يا جيمي زي ماقال احمد اختلاف الرأي لا يفسد للود قضيه وانت لو اكبر مني علي راسي من فوق وحتي لو اصغر علي راسي من فوق احترام الطرف الاخر محفوظ بس انا بتكلم على السخرية طبعا عمري ماسخر منك او من اي حد وعمرها ما حصلت حتي لو اختلف معايا دا رأيه وهوا حر لكن قصدي السخريه ف الكلام مع احترامي للسن ولكلامك دي مالهاش دعوة بالسن يعني لما بتقولي الدعم وضحكت وقولتلك كذا دي عمرها ماتقلل من احترامك وعموما اتمني انك ماتزعلش من رأيي .
وفي حاجة تانيه انا لما قولت عايز تقرير شامل ماقصدش مواصفات لان كل دا معروف عادي انا اقصد من واقع تجربتك مع الجهاز زي انا لو حد طلب مني تقرير هاكتبله تقرير عن واقع تجربتي البطاريه بتقعد معايا قد ايه ف المكالمات الموسيقي النت والكاميرا ايه نظامها الصوت لما حد بيتصل والحاجات دي كلها واتمني انك تكون فهمت قصدي ومافيش زعل كلنا هنا اخوات

وماردتش عليا ف حوار اللعبه دي اني لعبه وممكن تسيبلنا الرابط؟
وقولي رايك ف GTA لو ماجربتهاش ابقي جربها وسنه سعيده عليك وعلى الجميع ان شاء الله

ومش عايزك تبقي زعلان مني يا صاحبي ماشي ف الاول والاخر دي اختلاف وجهاز نظر

ربنا مايجيب زعل
ايه .. بتقول ايه ...كابتن شيكاااا...ههه
والله وانا كمان مش عارف الايس اتلزق فين !!!
Asphalt 6 Adrenaline HD

اصل انا عمري منزلت لعبة على جهاز اكبر من 9 ميجا و كانت صدمة بالنسبالي ان لعبة على موبايل حجمها 500 ميجا !!!

ههههه اندرويد بقي يامعلم والله الاندرويد دا اساسا لوحده نقله ف حياه الواحد ف استخدام التكنولوجيا الواحد لما يبقي بيستخدم سمبيان او جافا ويجي على دا بيحس انو كان مابيستخدمش موبايلات اساسا او كان بيتعامل مع مخلفات حروب

جار تحميل اللعبه بصراحة شكلها فاجر

شلتها من الجهاز..معرفش العب حاجة سريعة منغير زراير..محتاجة خبرة و طولة بال مش عندي.