بدون عنوان

للرجوع الي صفحة سامسونج Galaxy Ace S5830 الرئيسية اضغط هنا

w305

2011-12-27 (07:39:22PM)

ياجماعه انا خلاص اتجننت عايزه اجيب موبيل وكل شويه بختار حاجه شكل وبرجع تانى للموبيل ده ، ممكن حد يفدنى لو سمحتوا انا عايزة موبيل صوته يكون عالى وكاميرته حلوه وشكله حلوه

hanan_romans

2011-12-27 (07:46:15PM)

ده فوق الروعة بشويتين تلاته موبايل تحفة وامكانيات خيال فرق رهيب بينه وبين النوكيا بصراحة كرهنى ف النوكيا وانا ما كنتش بستعمل الا النوكيا سبحان الله

Mahmoud Samir

2011-12-27 (08:00:20PM)

والله لو ثبتي علي الموبايل دا مش هاتندمي ولو جبتيه وقولتي وحش او اي حد جابه وشافه انو مش حلو وانا قولتله حلو يقولي واقسم بالله مستعد ارمي ال معايا بس حد يجربه ويقولي وحش

ahmed_romio717

2011-12-27 (09:31:26PM)

بصى كلام محمود صح الموبايل ممتاز بس لو انتى بتسعى للتصوير والميوزيك يبقى قدامك احسن حاجه للتصوير هى النوكيا كذلك الصوت احسن حاجه السونى اريكسون لو بتحبى تشغلى الموبايل من غير هاند فرى كذلك النوكيا بس ركزى معايا فى الى جاى مع الوقت اكيد هتستخدمى الموبايل عاوز اقولك ان الاوبشن ساعات بيغنى عن حاجات تانيه كتير كذلك نقاء الصوت بيكون افضل من الصوت العالى ومش نقى سامسونج اوبشن ماشاء الله ممتاز وبشهادة ناس كتير صوت نفى مش هفولك عالى والا هقولك اشترى صينى احسن :) لكن نقى وبالهاند فرى هتعيشى فى عالم تانى
الكاميرا 5 ميجا بالمقارنه بالنوكيا فى نفس السعر نوكيا احسن بس مفيش حاجه كامله فأنتى هتاخدى كاميرا 5 ميجا بتقضى غرضك على فكرة واكتر كمان فيها اوتو فوكس وفلاش ماشاء الله كويس فديو 480p يعتبر زى الدفى دى وعملى برده نيجى لحاجه وهى حمايه الشاشه عليها طبقه جوريلا ودى طبعا بتحمى شاشه الموبايل

قدامك كذا اختيار نوكيا سى 7 و 6
سونى اريكسون لايف ووكمان
جلاجسى ايس فى نفس الفئة السعريه كلهم بس صدقينى اكتر واحد عملى هوه الايس خصوصا انه تصغير لجلاكسى اس وده واخد ترتيب متقدم على مستوى العالم واشيك شكل هوه الايس اما الى تحسى انه شبابى شويه هوه لايف ووكمان ونصيحه النوكيا كويسه بس عيبها الاوبشن والدعم مش هتلاقى برامج كتير على عكس الاندرويد :)

Mahmoud Samir

2011-12-27 (09:53:16PM)

صح يا أحمد بس اختلف معاك يا احبي ف نقطه التصوير ان نوكيا افضل لاني استخدمت نوكيا 5 ميجا وقارنت بالايس ال معايا لو كبرت الصورة الايس افضل بكتير اوي ومن رأيي السامسونج احسن ف التصوير لما كان معايا ستار واي فاي كاميرا 3 وكان فيه نوكيا وبيصور بليل الصورة ماكانتش حلوة وصورت بالستار كانت احسن بكتير طبعا مش واضحة ونقيه جامد بس صورت احسن من نوكيا

ahmed_romio717

2011-12-29 (11:21:59PM)

بص ياعم محمود مع احترامى لكلامك طبعا بس انت جزء من كلامك صح اكيد عن تجربه وجزء حبيت اضيفه ليه قولت النوكيا احسن فى التصوير ده بيرجع لسبب مهم :
- ان الاهم قبل حجم الكاميرا سواء 5 او حتى 13 ميجا هى العدسة الى بتصور بيها وهى الى بتخلى الصورة نقيه او مش نقيه يعنى الحجم دى بكسلات بس مش اكتر لكن ممكن تلاقى تصوير 720p انضف من 1080p والعكس وده بيرجع لنوع العدسه طيب قولى ازاى اقولك ان نوكيا بتستعمل عدسات كارل زيوس ودى انضف عدسات للكاميرا وكنت قريت انها بتستخدم فى الكاميرات الى بره وفى نوكيا لو لاحظت كارل زيوس دى مش بتكون غير فى التليفونات العاليه حتى زمان كانت نازله فى 95 و 82 ال n series بصفه عامه وصعب تقارن اى تليفون فى الفترة دى بتصوير نوكيا.... دلوقتى اعلى حاجه فى نوكيا هى 12 ميجا بكسل توشيبا نزلت تليفون تاتش 13 ميجا ومش نجح ولا حد سمع عنه الخلاصه يا صاحبى انا معاك بس كنت بختلف معاك فى نوع العدسه علشان مش لاحظت شركات تانيه بتضيف النوع ده من العدسات

- النقطه التانيه اكيد هتلاقى تليفونات سامسونج اروع من نوكيا لأن سامسونج مجالاتها اكتر كتلفوزيونات وكاميرات الخ بس انا كنت بتكلم عن الفئة السعريه فى نفس الفئة بتاعه الايس كان فيه c7 وده كاميرا 8 ميجا بس مع ذلك الايس احسن لأنه اوتو فوكس يعنى تركيزه اعلى فى الصورة وبيعمل ضباب على الحاجات الى ورا الصورة ودى ميزة فى صالح الايس

يبقى انا فى الاخر بتفق معاك يا صاحبى الايس افضل على الرغم من ان ال سى 7 كاميرا 8 ودبل فلاش بس 8 من 5 مش هتفرق اهم حاجه التركيز على الصورة بس انا كنت عاوز اوضح ان نوع العدسه بيفرق وعليه قولت النوكيا احسن ....اما سى 7 بيتفوق فى الفيديو وده عادى لأن ايس بيصور دفى دى و 25 فريم ريت او اقل حاجات بسيطه بس مع الاندرويد ممكن تعمل حاجات اكتر من ال سى 7 اكيد :)

Mahmoud Samir

2011-12-30 (12:59:13AM)

صح يا صاحبي انا كان قصدي دا يوضحلة وويعرف ان برضو سامسونج هاتديله صورة انقي بكتير لاني برضو استخدمت سي 6-1 كاميرا 8 مش نفس نقاء الايس والله اه نوع العدسه نضيفه وشغاله وتمام بس السامسونج نقائها عالي جدا زي حته البكسلات كاميرا سوني 10 ميجا وكاميرا سامسونج 12 ميجا هتلاقي السوني تدوس على السامسونج ف مش بكتر البكسلات فعلا المشكله ان فيه ناس كتير يقولك دا 8 بكسل دا فااااااااجر وف الاخر يتصدم

Mahmoud Samir

2011-12-30 (01:05:38AM)

ومش معني كلامي ان الكارل زيوس وحشه لحد يفتكر كدا دي شركة فاجرة اساسا بس لو كانت شركة تانيه غير نوكيا بتتعامل معاها كانت خدت صيت احسن المهم ان فيه عندك كمان ال شنايدر وهي المانيه زي كارل والاتنين جامدين اوي بس زي ماتقول كارل اقدم وليها تاريخ جامد جدا ف واخده صيت جامد اوي عامله زي هنا ف مصر لما تقول لحد نوكيا ولا سامسونج فيه ناس كدا يقولك دا نوكيا دي اجمد حاجة سامسونج ايه بس والكلام دا.

تلك الخدمة مخصصة للأعضاء فقط