بدون عنوان

للرجوع الي صفحة سامسونج Galaxy Ace Plus S7500 الرئيسية اضغط هنا

amrelfr3on

2012-05-13 (01:08:35AM)

السلام عليكم ورحمة الله وبركاته
ارجو من الاخوة الاعضاء اللي جربو الموبايل ده يذكرو عيوبه ومميزاته وخصوصا البطارية بتقعد قد ايه علشان الموضوع ده بيهمني قوي وكنت بسال ايه الاحسن ال Galaxy Ace Plus S7500 وله Xperia neo V لاني محتار بين الاتنين ويهمني قوي موضوع البطارية والدعم زي قطع الغيار وياريت تردو عليا ضروري لاني عايز اشتري الموبايل ده فياريت محدش يبخل عليا بلرد عن تجربة وخصوصا وقت انتظار البطارية
وشكرا

ahmed_romio717

2012-05-15 (12:35:57PM)

فى الحقيقة انا مجربتش سونى بس انا جربت ايس الى هوه نازل قبل بلس ده واحب اقولك ان اذا كان ايس موبايل محترم مقابل سعره الا ان الموبايل ده فاشل من عده نواحى

اولا قلة رزيلوشن الشاشة مع كبر حجمها وبالتالى الصور هتبقى متبكسله ومش نقية

ثانيا النظام مالوش تحديث وبالتالى دعمة تقريبا وقف على عكس النيو فى بيتحدث لأيس كريم ساندوتش اندرويد 4

كمان الشاشة مش عليها طبقة حماية وعليها بلاستيك عادى

وسعره 1750 وسعر النيو 1710

فى المقابل النيو شاشة اكبر رزيلوشن انقى وفيديو اتش دى اعلى

والشاشة عليها طبقة مقاومة للخدش غير ان نوع الشاشة LED يعنى موفر فى الطاقة

وفوق ده كله بطارية النيو فى 1500 مقابل الأيس بلس 1300 وده معناه ان قدرة البطارية اعلى

بس احب اقولك ان السمارت فونز الى بتشتغل بنظام ذكى البطارية بتخلص بسرعة لو انت شغلت اغانى مع نت و ثرى جى الخ زى اللاب بالظبط لكن لو استعمالك عادى ممكن يقعد معاك باليومين او 3

الخلاصة انا شايف ان الكفة فى صالح النيو فى سعر اقل امكانيات تقابل 2000 جنيه مش 1710

كمان قابل لأخر تحديث اندرويد و صناعته انضف وموضع قطع الغيار مش تقلق نفسك الى هيخليك تدور على سامسونج لقدر الله هتلاقى سونى فعادى من الناحية دى مش تقلق.....

تلك الخدمة مخصصة للأعضاء فقط