تقييم
للرجوع الي صفحة نوكيا XL الرئيسية اضغط
هنا
sohail
2014-08-11 (02:47:04AM)
بعد استخدام نوكيا XL احب اقولكم المميزات والعيوب بالتفصيل عشان لو حد حابب يشتريه ومتردد :) المميزات: 1- شاشة كبيرة 5 بوصة وفى نفس الوقت مناسبة انك تحطه فى جيبك 2- صوته عالى جدا سواء الرنات او صوت السماعة وانت بتكلم حد 3- شغال عليه كل تطبيقات الاندرويد بالكامل حتى الواتس اب 4- البطارية بتفضل شغالة اكتر من 8 ساعات شغل متواصل انترنت ومكالمات واغانى لو الاستخدام عادى .. ممكن يفضل شغال يوم و نص او يومين كمان 5- الكاميرا اكتر من رائعة مقارنة بأى 5 ميجا بيكسل تانية 6- الفلاش قوى جدا وهتحس ده اوى لما تشغله كأنه كشاف 7- مفيش حاجة اسمها تهنيج نهائى ولا انه يخرج من برنامج او لعبة فجآة مع العلم انى مليته برامج والعاب اكتر من اللى بستخدمه بكتير 8- التاتش سريع وبيتشحن بالكامل فى حوالى ساعة ونص العيوب: 1-اول ما تمسك الموبايل هتحس انك تايه ومش فاهم فيه حاجة وهتلاقى برامج كتيرة مش شغاله زى الواتس والعاب كتير يقولك الذاكرة ممتلئة لكن فيه طريقة تخلى الواتس يشتغل وفيه طريقة تانية تخليك تشغل اى حاجة براحتك وبسرعة و كل ده بتعرفه اثناء الاستخدام وهتظبط موبايلك زى ما انت حابب بعد كده هتلاقيه فى منتهى السهولة واى حاجة عاوزها هتوصلها بسرعة جداً 2- لو البطارية مثلاً 30% وانت حطيته فى الشاحن واستخدمته وهو بيتشحن هتلاقى البطارية ثابته على 30% ومش بتزيد ولا بتقل يعنى الشاحن بيحافظ على الشحن اللى باقى فقط ومش بيزوده طول ما انت شغال عليه 3- فى التصوير الليلى هتلاقى الوان الصورة مايله للأخضر الخفيف كده 4- الاشعارات بتاعة الفيس والواتس واى برامج تانية مش بتظهر فى الشريط اللى فوق زى موبايلات الاندرويد التانية لكن بتلاقيها كلها بره خالص فى قايمة كده قبل ما تفتح القفل وطبعاً دى حاجة غبية خصوصا للى متعود على نظام الاندرويد العادى 5- الهاند فرى اللى جايه معاه صوتها واطى شوية عن الطبيعى فى الاغانى لكن فى المكالمات عالية بغباء ( ازاى؟!! O.o .. مش عارف :D ) 6- مش بييجى معاه كابل داتا دى كده نظرة شاملة ومختصرة جدا عن الموبايل كله اى حد عنده سؤال او استفسار عن الموبايل يقول وتحت امركم :)
ahmadnabeel
2014-08-27 (06:06:45PM)
ممكن اعرف بيقعد ازاي ساعة ونص بس في الشحن انا بيقعد معايا 3 ساعات على الاقل لحد ما يشحن 100% هوا بيوصل ل 99% ويفضل كدا حوالي ساعة لحد ما الشحن يكمل
sohail
2014-08-29 (06:19:37PM)
هو فعلا اول ما بيجي عند 99% بيقعد حوالي ربع ساعة مش ساعة خالص بعد كده الشحن بيكتمل
sohail
2014-08-29 (06:23:41PM)
هو كان بيعمل الحكاية دي فعلا بس لما كنت لسه شاريه جديد عمل الحكاية دي حوالي اسبوع بعد كده اتعدل وبقي تمام :)
monat
2014-08-30 (10:05:00PM)
ياريت تقولي اشغل الواتس اب ازاي والالعاب علشان انا مش عارفه خالص
megadeath
2014-09-25 (11:07:45AM)
من فضلكم مش عارف اخصص نغمة للاسماء من على الميموري كارد ومش بيظهر ادامي غير نغمات الجهاز
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
معلومات سريعة عن Nokia XL
-
Android
-
480 x 800 pixels, 5.0 inches (~187 ppi pixel density)
-
3G
2G / 3G -
5 MP, 25...