سعر و مواصفات Nokia X6

فعلا عندك حق فى النقطة دى السى 7 شكلا مش حلو بس امكانياته كويسه

الله يبارك فيك يا cindrella وع فكره x6 جامد اوى اوى والله وانا فعلا كنت رايح عليه عشان اجيبه

وكمان عاوز اقولكم x6 ال8 جيجا عامل 1675 م عند الشناوى انا سألت بردو عليه امبارح

انا يا جماعه روحت اجيب الموبايل دا م عند الشناوى امبارح ال16 جيجا قالى ب 1840 يعنى كان ممكن يخلص ع 1400 بس للاسف لقيته نوكيا صينى مش مجرى
فاشتريت بدل منه c7 ب 2120 بس اكتشفت يا جماعه انه موبايل جمييييييييييييل اوى وفيه كل حاجه وشاشته روعه والتاتش عالى اوى
والله اللى عاوز يجيب x6 م وجهه نظرى يحط عليه 200 جنيه كمان ويجيب ال c7 احلى م x6 بكتير وشاشته اكبر وكاميرته عاليه وروعه
وشكرا ولو اى حد عاوز يسأل ف حاجه انا موجود

الموبايل ا جمييييييييييييييييييل اوى

اخ عمر اية رايك فى موبايل سامسونج مونتى اكتر من واحد شابلة و جميل قوى

الموبيله ده كلمه تحفه قليله عليه بجد اللى ناوى يجيبه يجيبه وهو مطمن

الصراحه أكتر منافس للموبايل ده في نفس السعر من رأيي HTC wildfire و حعملك مقارنه انا اللي عاملهالك من وجهه نظري ممكن عضو تاني يبقي ليه رأي تاني

من ناحيه الــresolution الشاشه فالX6 يتفوق علشان الــX6 360 x 640 pixels اما الإتش تي سي wildfire 240 x 320 pixels و ديه عدد مربعات الشاشه لو معاك موبايل دلوقتي دقق في الشاشه حتشوف مربعات الأرقام ديه عدد المربعات بالطول و العرض
بس الــhtc wildfire فيه امكانيات في الشاشه اكتر و ديه امكانياته بالتفصيل

- Gorilla Glass display
ديه طبعا شاشه قويه و الميزه ديه موجوده في الموبايلين
- Multi-touch input method
يعني ينفع تعمل زووم بصباعين زي الآي فون كدا و حاجات تانيه كتير و دي ميزه جامده الصراحه
- Accelerometer sensor for UI auto-rotate
ده سنسور حركه علشان تعوج الشاشه بالعرض و انت بتكتب مثلا يظهرلك كيبورد كامله و بتنفع في اللعب بتبقي جامده و دي برضو موجوده في الموبايلين
- Touch-sensitive controls
الزراير اللي تحت الشاشه تاتش
- Proximity sensor for auto turn-off
ده سنسور فوق علشان اما تحط الموبايل علي وشك و انت بتتكلم يقفل الشاشه علشان متدوسش علي اي زرار و دي برضو موجوده في الموبايلين
- HTC Sense UI
انا معرفش و الله ايه ديه :$
- Turn-to-mute and lift-to-dim-out a call
دي ميزه جامده الــturn-to-mute يعني لو حد بيكلمك و الموبايل علي المكتب اقلب الموبايل علي وشه حيعمل الصوت silent علشان لو في اجتماع او حاجه
و الـــlift-to-dim-out-a-call لللآسف معرفش و الله :$:$

الذاكره الداخليه بتاعه الــX6 32,16,8 GB storage, 128 MB RAM اما الـhtc wildfire 384 MB RAM; 512 MB ROM يعني الرامات اكتر في الإتش تي سي

الذاكره الخارجيه الــhtc wildfire بياخد حتي 32 جيجا اما الــX6 مش بيتحطله ميموري

الــــثري حي سرعته في الـX6 3.6 Mbps اما بقي الــhtc wildfire 7.2 Mbps يعني النت أسرع بكتيير في الــhtc wildfire

الكاميرا بقي الــX6 جامد جدا في الكاميرا كاميرته 5 MP, 2592x1944 pixels, Carl Zeiss optics, autofocus, Dual LED flash اما بقي الــhtc wildfire 5 MP, 2592 x 1944 pixels, autofocus, LED flash فالإكس 6 يتفوق هنا جامد

ندخل بقي علي السوفتوير و ديه الحاجه اللي خلتني اجيبلك الإتش تي سي ده

الــhtc السوفتوير بتاعه : Android OS, v2.1 (Eclair), upgradable to v2.2 اما الــX6 : Symbian OS v9.4, Series 60 rel. 5 طبعا الاندرويد احساًًً من السيمبيان بــ100 مره الأندرويد هو أكبر منافس للسوفت وير بتاع الآي فون و هو الصراحه تحفه و ليه برامج و العاب كتيره جداًًً

ندخل علي البروسيسور : في الــX6 البروسيسور 434 MHz ARM 11 processor اما الــhtc wildfire 528 MHz ARM 11 processor, Adreno 200 GPU, Qualcomm MSM7225 chipset أظن تفوق الــhtc واضح بجداره في النقطه ديه

ندخل بقي علي الامكانيات التانيه يعني مثلا الــhtc wildfire فيه بوصله إلكترونيه يعني لو عايز تعرف الشمال فين الموبايل حيعرفك دي ميزه جامده جدا

و الــX6 صوته اعلي و بييجي معاه سماعه جامده جدا ممكن تشوفها في الصوره اللي في اللينك ده و حتلاقي كمان في اللينك محتويات العلبه بتاعته



السعر بقي

سعر الــhtc wildfire عند رايه 1899 جنيه اما الـــX6 عملين خصم من 2399 لــ2222 ده سعر الــ16 جيجا

يا ريت اكون افدتك و انا الموبايل اللي عاجبني أوي بقي هو سامسونج galaxy mini بجد ده البروسيسور بتاعه اعلي من الاتنين دول و بوصله و نفس الريزوليوشن و حجم شاشه الإتش تي سي و ثري جي أسرع من الإكس 6 و واي فاي اسرع من الاتنين دول ده كله بـــ1250 عند رايه الصراحه عاجبني أوي و أرجو إني أكون أفدتك

يبقى خلينا ف ال16 ياعم عمر وخلاص
طب انت شايف موبايل بالسعر دا احلى م x6 ولا ال x6 احلى

هما الاتنين واحد مفيش فرق مش محتاجه دماغ يعني