بدون عنوان

للرجوع الي صفحة نوكيا Lumia 720 الرئيسية اضغط هنا

madongeer

2013-09-17 (01:33:33PM)

بعض الأسئلة يا أستاذ abdowins

1- صوت الموبايل أخباره إيه؟

2- خاصية الدولبى للسماعات بس ولا لمكبر الصوت برضو؟

3- وهل يختلف محتويات وبرمجة الموبايل من دولة لدولة، يعنى اللى جاى من الإمارات مثلا غير اللى من مصر؟

4- إيه ميزة NFC عن البلوتوث؟

5- جربت تقرا ملفات بي دى إف؟ وسرعتها عاملة إيه؟

وشكرا ^_^

abdowins

2013-09-17 (03:29:26PM)

1- صوت الموبايل رائع جدا و جودة الصوت جميلة و تحس انه Beats Audio معرفش ليه ☺ ^_^

2- خاصية الدولبي للسماعات بس ... لكن من رأيي انها بتوحش الصوت مش بتحسنه .. بفضل عدم استخدامها ...

3- معتقدش انها بتختلف بس لو تقصد حاجة تانية زي مثلا لما بتغير الدولة في ال Settings ... البرامج والالعاب المتاحة يتختلف ... يعني لو اخترت مصر هتلاقي حاجات مش موجوده

abdowins

2013-09-17 (03:33:38PM)

4- مجربتهاش صراحة بس هي اصلا بتعتمد ع البلوتوث اعتقد يعني ...

5- ملفات ال PDF ليها 3 برامج ريدر ممكن تنزلهم و السرعة كويسة ... بس المشكلة انك لما تنزل ملف PDF مينفعش تبعته لحد او لما توصل الموبايل بالكمبيوتر او اللاب مش بتلاقي الملف .. لان مفيش File-Manager :(

mizmizty

2013-09-20 (02:25:21PM)

ال NFC بتشتغل بمجرد لمس الهاتفين ببعض بدون بحث و أعطاء موافقة من الهاتف الأخر و المفروض انها أسرع من البلوتوث و ده بالنسبة لنقل البيانات أو مشاركة معلومات بين الهواتف و لكن ليها استخدامات أخر خارج مصر زي فى الصين مثلا بيتم دفع تذاكر الأوتوبيس عن طريق الهاتف و ال NFC لأنك بتكون رابطه ببطاقة الأئتمان الخاصة بيك و فى حاجات كتير لأستخدام ال NFC

تلك الخدمة مخصصة للأعضاء فقط