سعر و مواصفات Nokia Lumia 620

انا الحمد لله اشتريت الموبايل وهو رائئئئئئع و انا هقولكوا على بعض النقاط من خبرتى معاه :)
1.الlivetileدى لوحدها روعة ومش موجودة غير فى الويندوز وهتلاقى عليها الnotification للتطبيقات اللى بتتيح دة زى التويتر والفيس والايميل و غيره
2.pepole hubدى فيها كل الاشخاص سواء من على الشريحة او من الموبايل او من الفيس او من التويتر او من الايميل و تقدر كمان تشوف اخر حاجة عملها الشخص دة حتى لو مكنش عندك نت و الصورة بتتغير تلقائى كل ما صاحب الاكونت بيغيرها او ممكن انت تختار صورة ليه
3.mehubدى بتيجى تلقائى فىpeople hubاول ما تضيف اكونت لموبايلك زى الفيس او تويتر دى من خلالها تقدر تخلى نفسك اون لاين او اوف لاين او انفيسيبل وغيرها على كل اكونتاتك اللى ربطها بالموبيل وتقدر تعمل post على كل الاكونتات فى وقت واحد او اكونت واحد بس وتقدر تشوف اخر حاجة على بروفايلك (notification) من كل الاكونتات
4.massaging و دى تقدر تعمل شات من خلالها او تشوف مين اون لاين او ترسل ايميل او رسالة
5.الموبايل شغال على 10Internet Explorer بس جميل جدا وسريع
6.الزراير اللى تحت اولهم search منbing و التانى الصفحة الرئيسية والتالت back ودة رائع لانك لو فضلت دايس عليه هيجبلك اخر خمس او ست شاشات انت فتحنها فتقدر عادى تتنقل بين الصفحات
7.xbox الالعاب عليه حلوة بس اغلبها بفلوس بس مش فارق لان فى العاب كتيير فى الstore تانى حاجة ان الxbox life مبيشتغلش فى البلاد العربية اللى هو عبارة عن بعض اللعب والxbox music بس عادى لان الموبايل معاه nokia music ومستيين باة الxbox يتكرم علينا و يدعمه عندنا
8.الstore حلو ومليان تطبيقات من الاندرويد و من ال iphoneولو لقيت بعض التطبيقات مش عايزة تحمل معاك علشان البلد مش مطابقة و غالبا تطبيقات نوكيا هى اللى بتعمل الحركة دى عادى جدا غير البلد بتاعتك من الضبط واقفل الموبايل وافتحه وهوب كل التطبيقات عادى بتحمل و كمان جالك التطبيقات الخاصة بالبلد دى ولو عايز ترجع لبلدك عادى برضه من الضبط
9.الموبايل بتاعك بتظبطه على اكونت ويندوز معين بس خد بالك حاول تعمل كل الاكونتات اللى بتدعم الشات على نفس ايميل الويندوز علشان الشات يظبط معاك
10.الموبايل مفهوش راديو بس فيه تطبيقات كتيير بتشغل الراديو من على النت
11.music+videosدة عليه كل التطبيقات ال music والموسيقى بتاعتك والفيديو بس خد بالك انك مش هتلقيها فى ملف لا دى مترتبة حسب الحروف او المغنى او الالبوم وهتلاقى اخر حجات شغلتها و احدثها يعنى فى الموبايل دة انسى نظام الملفات العقيم دة و متخفش عادى هتقدر تمسح اى اغنية مش عايزها وخد بالك من حاجة ان انت ممكن تعملshareلاى اغنية باى طريقة بس البلوتوث لازم الاول تفتحه من الضبط علشان تقدر تستخدمه
12.photos hubدة عليه كل الصور سواء من الموبايل او من الكاميرا او من بطاقة الذاكرة او من الفيس او من الsky drive
13.اى حاجة ممكن ترفعها بسهولة على الsky driveعلشان تقدر تنزلها من عليه على اى جهاز تانى
14.البطارية حلوة بالنسبة للموبايلات الحديثة يعنى انت لو مشغل عليه النت اليوم كلم هيكمل معاك اليوم
15.لو عايز تغير اكونت الويندوز للاسف لازم تعمل reset لكل الموبايل علشان كدة حاول متغيروش
16.كل الاشخاص بتتسجل اتومتك على اكونت الويندوز يعنى لو معاك موبايل تانى ودخلت عليه نفس الاكونت هيجيلك نفس الاسماء
17.ممكن تلاقى موبايلك من على الwindows account وممكن ترن عليه او تمسح اللى عليه او تقفله
18.عندك تطبيقات نوكيا و منها nokia drive nokia map nokia cityline و غيرها
19.اول ماهتشتريه متتخدش لان انت هيهيالك ان انت مش هينفع تختار رنة من الموبايل بس دة غلط اولا حمل تطبيق ringtonemakerوبعض كدة خش عليه اختار رنتك واختار اولها و نهايتها واعملها رنة
20.الصوت روعة و عالى بس مش عالى اوى فى السماعات مش عارفة نوكيا خايفة على ودنا اكتر منا ولا ايه :)
من الاخر الموبايل روعة وسيبك من اللى بيقلك غير كدة هو اكيد فى عيوب بس مميزاته اكتر وانا معاكوا فى اى سؤال عليه :)

الموبايل دة فية راديو ولا لا

هو الxbox بشغل الالعاب ازاي ؟

السلام عليكم ممكن حد يقولي ازاي ارسل شئ علي المساحة الداخلية للجهاز لو سمحتو وازاي ارسل ملف موسيقي ( اغنية ) لجهاز اخر عن طريق البلوتوث مع خالص الشكر

ايه الافضل يا جمااعة الـ lumia 620 ولا Galaxy S duos ؟ انا بفضل الـ لوميا بس ياا ريت اللي عنده خلفية يفيدني ،

السلام عليكو
انا اشتريت موبايل LG L7 P715
ودى اول مرة اشترى موبايل تاتش واتعامل بنظام الاندوريد
ومش فاهمة اى حاجة خالص
يا ريت اللى عنده اى مساعدة او موقع يفيدنى او حاجة تساعدنى
يا ريت يقولى عليها
وميرسى ليكو

Temple Run دلوقتي شغالة على 512 رام و ببلاش
دونلووود :)

السلام عليكو
محتاجة اشترى موبايل السعر ما بين 1000 الى 2000 جنيه
مش فارقة معايا النوع
اهم حاجة عندى يكون بخطين ( شريحتين )
ويكون عيوبه قليلة
والكل بيشكر فيه
انا صراحة خبرتى قليلة فى الموبيلات
فعاوزة اقتراحاتكم ونصائحكم
بكم انكم انتو خبرة
ومتشكرة لكل اللى يقدملى مساعدة او ينصحنى

بقية العيوب:
*بيهز هزتين فقط في أول الرنة.
*اللوك بيقفل حتى لو مشغل لعبة.

أنا جبت الموبايل ده وقعد معايا 10 أيام وللأسف بالرغم إني من عشاق نوكيا إلا إن تجربة الويندوز كانت فاشلة بكل معنى الكلمة

العيوب الأساسية هي:
*صوت المكالمة لو عالي هاتحس إنك مش فاهم إلي بتكلمه ولو واطي فإنته مش بتسمعه.
*لو وطيت الصوت في أي حتة والمقصود حتى لو كنت جوا برنامج الأغاني فصوت الجهاز هايوطى بالكامل حتى الرنة.
*عدم إمكانية التعديل على الرقم في شاشة طلب الرقم.
*عدم إمكانية تنزيل أو نقل البرامج والألعاب للميموري الخارجية.
*صعوبة تسجيل رقم جديد (إضافة رقم) في الأسماء مع عدم إمكانية تحديد الأسماء.
*صعوبة عمل أي شئ خاص بأئ شئ دون العودة للضبط.
*البطارية سيئة جدا جدا جدا لو كنت فاتح الداتا وال3جي بالكتير هاتكمل معاك 4ساعات مع الإستخدام البسيط.
*عدم الاستجابة بالكامل والحل شيل البطارية وحطها تاني وشغله (في بعض الأحيان يعني عملها معايا مرتين في ال 10 أيام).
*الشاشة مش ضد الخدش وده معلوم ةأكيدة والله.
*بعض الألعاب والبرامج لا تستطيع تحميلها بسبب الرام.
*عدم إمكانية إنشاء ملفات.
*لو دخلت على صفحة ويب والنت كان ضعيف أو فاصل هايديك إيرور حتى لو النت رجع هايفضل يديك إيرور لنفس الصفحة لحد ماتدخل على الضبط و تعمل كلير هيستوري للإكسبلورر.

من الآخر السيستم كله عبارة عن فوضى

المميزات:
*الميكروسوفت أوفيس رائع جدا جدا جدا.
*الجهاز سريع جدا جدا جدا وسلس بشكل رائع.
*خاصية الأشخاص (الناس) جميلة وسريعة وتحفة.
*بعض الميزات في الكاميرا مثل برنامج سينماجراف جميل (مع العلم إن جودة الصور مش قد كدة)