بدون عنوان

للرجوع الي صفحة نوكيا Lumia 520 الرئيسية اضغط هنا

mostafa3asem

2013-08-30 (10:08:09PM)

تعرفو ان الفون ده واخد رقم2 ف العالم من حيث المبيعات بعد جالكسي S4 ماشاء الله جهاز روعه وجميل اوي اوي اوي ويمكن اكتر جهاز بقي فيه اهل خبره كتير وده لانه سهل الأستخدام مع التعود انا عارف ان التسجيل ف الموقع مغلق موقتأ وفيه ناس بتقرأ الكلام ونفسها تسأل اكتر عن الفون وده بجد افضل من الأندرويد ف حاجات كتير انما الأندرويد افضل منه بس فعدد التطبيقات انما غير كده والله وينتدز فون روعه وبالذات الفون ده روعه روعه

ahmedliverpool

2013-08-30 (10:28:43PM)

والله يا باشا انت معاك حق انا جربت جلاكسى S3 وجربت ده والله مش عشان فون معايا بس الموب فعلا جامد وفعلا نظام ويندوز فون احلى واسرع بكتير بس كل الناس تقولك دلوقتى خلاص نوكيا راحت عليه وسامسونج كلت الجو محدش عارف ان نظام ويندوز فون ارقى ب كتير من الاندرويد

GaDeN

2013-08-30 (10:55:48PM)

آيوة والله انا حاسس بفخر انى معايا الموب ده هههههه :D
وده رقم 2 من ناحية المبيعات بعد s4 ده انجاز جآآمد آوى s4 ب 5000 وده ب 1300 !
وكمان لو تلاحظوا ان ف آآى موقع موبايلات عربى انجليزى .... اول شركة بتكون موجودة هى شركة نوكيا وبعديها سامسونج وبعدين بيختلفوا من موقع لموقع لكن الكل بيتفق ف ان رقم واحد هى نوكيا لان نوكيا دى احلى خامات ف العالم ^_^ والموبايل معايا مطلع عينه ومرة اديته لولاد خالتى الصغيرين رجعلى الاسكرينة مخربشة وكانوا بياكلوا وبيلعبوا عليه وكان تمام وشغال زى الفل يعنى امكانيات جميلة وخامات نضيفة ويستحمل جدآآ

Mostafa123

2013-08-31 (01:03:50AM)

يا جماعهانا محتار اشتريه ولا لا بسبب عدم وجود فلاش وكاميرا اماميه و هل في اوبشن smart shoot??

gazzar22

2013-08-31 (03:24:50AM)

كانت عندى مشكلة فى الاول ان الجهاز مابينزلش تطبيقات و قعدت قدامه و الله اكتر من سبع ساعات احاول فيه معرفتش اوصل لاى حاجة عملت اكتر من خمس اكونتات ^_^ و مفيش فايده اخر ما يئست قولت اعمل اعادة ضبط مصنع يكون فيه حاجة و عملت اكونت جديد لسادس مرة بس ده كان من جوة الجهاز نفسة و اشتغل معايا فله جهاز جميل جدا بس عيبه مفيش فلاش كنت عايز اعرف لو فيه برامج للكاميرا تقولولى عليها لو سمحتوا

sara7207

2013-08-31 (01:31:22PM)

فى معلومات كتيرة اوى بتتقال وكلنا كنا فاكرين انها مبالغة لكن بجد بجد ربنا يباركلنا فيه انا موش بسيبة من ايدى تقريبا الا وقت الاكل ههههههه

الحاجة الوحيدة اللى بالنسبالى شيفاها نقصانى هى الكاميرة الامامية علشان الواتس اب والفايبر وسكايب

والحاجات الجميلة بقى

حجمة موش تقيل
والمبايل خفيف وسريع
موش بيهنج
موش بيشيل فيروسات
الشاشة كبيرة
صوت المبايل جميل - وبالمناسبة كان فى واحد كاتب فى منتدى اننا بلاش نخلى الصوت عالى اوى كفاية اننا نخلى الصوت فى النغمات 25 موش 30 وهيبقى برضو عالى وصوت الاسبيكر بلاش يبقى 10 ممكن نخلية 8 وهيبقى برضو عالى وكان كاتب فى اخر الموضوع ان دى فكرتة وانة للامان موش اكتر

mostafa3asem

2013-08-31 (02:29:25PM)

انا بقي مش بسيبه حتي ع الأكل بخليه يعمل تحميل او بكون بتفرج ع اليوتيوب بجد فون رائع ماشاء الله انا مش هشيل غسر ويندز فون نوكيا وبس

ahmedaliyossef2010

2013-08-31 (05:08:35PM)

الموبايل مبيعاته كويسة بس أبعد ما يكون انه يبقى الثاني عالميا في المبيعات المعلومة دي مش صحيحة

هو أكثر موبايلات الويندوز فون من حيث البيع لكن بعيد جدا عن الاس 4 مش التاني عالميا و لا حاجة :)

GaDeN

2013-08-31 (05:29:58PM)

Mostafa123 @ ايوة فيه smart shoot وبيها بتصور اربع صور وتختار الصورة اللى انت
عايزها وتعملها save

mostafa3asem

2013-08-31 (10:01:57PM)

ahmedaliyossef2010

انا قرأت المعلومه دي ع موقع gsmarenaمن فتره بس ناو مش اعرف

ahmedaliyossef2010

2013-09-01 (12:08:18AM)

ما دام قريتها على GSMArena و من فترة يبقى الخبر كان بيقول انه تاني أكثر الموبايلات مبيعا لكن في الويندوز فون يمكن ما اخدتش بالك من النقطة دي أنا قريت الخبر ده من فترة برضه

استحالة يبقى الأكثر مبيعا في العالم موبايلات لوميا كلها متجيش مبيعات الاس4 ^_^

mostafa3asem

2013-09-01 (02:24:37AM)

ahmedaliyossef2010
يمكن انا كنت لسه ف الدراسه ومش مهتم اوي شكرا ع تصحيح المعلومه وانا بعتذر ع الخبر بس ممكن تجبلنا بقي مين رقم1 مبيعات ف ويندز فون؟؟؟؟؟؟؟

Bobo99

2013-09-01 (10:54:36AM)

يا استاذ mostafa3asem بجد انا عجبنى االموب دا بس نظام الويندوز فون لا يقارن بنظام الاندرويد لسبب ان نظام الاندرويد محدش يعرف يوصل لا خره وهوا نظام مدعوم ونظام قوى جدا يعنى حضرتك عمرك متزهئ منه ونظام واسع اوى ف التعامل وتقدر تضيف حاجات كتير ع نظام الاندرويد وغير كدا ان كل مره المبرمجين بيلقوا عيوب صغيرة ف الاصدار القديم بتنزل اصدار جديد بغيير كل حاجه ف الجهاز وكمان بيحل مشاكل ف الجهاز نفسه يعنى الاندروبد دا نظام فوق الخيال و لحد دلواقتى مفيش نظام يقدر ينافس نظام الﻻندرويد ومعلش لو كنت طولت عليكم

ahmedaliyossef2010

2013-09-01 (04:41:08PM)

رقم 1 في المبيعات في الويندوز فون هو اللوميا 520 حاليا

بما ان الخبر قديم فوقتها كان لوميا 920 هو الأول لكن دلوقتي الوضع اختلف و بقى لوميا 520 هو أكثر موبايل بنظام الويندوز مبيعا ^_^

و دي صورة للاحصائية