بدون عنوان

للرجوع الي صفحة نوكيا E72 الرئيسية اضغط هنا

sak000

2012-03-26 (02:52:01AM)

السلام عليكم
يا جماعه انا موبيلى وقع منى وحد لاقاه وقفله بعد كده
يعنى اتسرق
الحمد لله وربنا يعوضنى
بس انا بسال لانى سمعت ان فى خاصيه اسمها التتبع
وفيه ناس بتقول انها اتلغت
انا معايا الضمان بتاعه والسريل نمبر طبعا
روحت عملت محضر فى القسم ومش عارف بقى ايه الى هيتم
فعلا ها يتتبعو الجهاز ولا الخاصيه ديه اتلغت نهائى
وهل فى طريقه تانيه اقدر اعملها؟؟؟؟
افدونى

mondykhlil

2012-03-26 (03:51:22PM)

سبحان الله انا دخلت على الموبايل ده صدفه يمكن علشان افيدك فى التتبع لانى موظف فى النيابة . هتقدم طلب تتبع عند المحامى العام اللى فى دائرتك هيطلب المحضر من النيابة الجزئية اللى انته تابع لها وهيطلع لك 3 قرارات ل 3 شركات موبينيل وفودافون واتصالات حاول تاخد صورة من الخطابات دى وعليها رقم الصادر وياريت تكون مختومة وتطلع بنفسك على الشركات دى فى القرية الذكية وحاول تستعجلهم بالرد وادعى ربك انه يكون المغفل اللى سرق موبايلك يكون حاطط خطه والخط مسجل فى قاعدة البيانات والا لن يتم التوصل اليه . مع الاسف ربنا يعوض عليك لان موبايلى اتسرق منى امبارح 25/3/2012 ^_^

sak000

2012-03-27 (02:06:47AM)

شكرا لرد حضرتك
انا بالفعل عملت محضر فى القسم الى تبع ليه
والراجل الى عملى المحضر ادانى رقم المحضر
وقالى تابع فى نايبه المعادى المحضر وصل ولا لسه
وروحت النهارده لقيت رقم المحضر بالفعل وصل للنيابه
ومفروض اكتب طلب بكره للتتبع هتروح مركز الاتصالات فى القاريه الذكيه
هايتتبع السريل نامبر فى ال3 شركات مش عارف اروح بنفسى
زلا المحضر ده ها ياخد مجراه
هما قالولى لو فيه اى معلومات او اخبار جديده ها نبعتلك على عنوان البيت
او نتصل بيك !!!!
والله الواحد فى دوامه ومش فاضى اصلا يلف حواليه
غير ان موبيلى فى حاجات مهمه فى الشغل
حسبى الله ونعم الوكيل فى الى اخده ربنا ينتقم منه
ويقعدله فى صحته ان شاء الله

sak000

2012-03-27 (02:08:28AM)

وربنل يعوض عليك وعلينا بكل خير يا Mondykhlil

الجيزاوي

2012-03-27 (01:00:28PM)

على فكره نادر لما تعمل بلاغ عن موبايل مسروق او مفقود وهتلاقيه دا كله وجع قلب وهيشحططوك على الفاضي انت فوض امرك لله وكل الحكايه دا موبايل مش حاجه كبيره يعني اهم حاجه صحتك وان شاء الله ربنا يعوضك خير عنه عسى ان تكرهو شيئا وهو خيرا لكم وعسى انت تحبوا شيئا وهو شرا لكم والله يعلم وانتم لاتعلمون.

تلك الخدمة مخصصة للأعضاء فقط