بدون عنوان

للرجوع الي صفحة نوكيا 2700 classic الرئيسية اضغط هنا

أحمد محمد

2011-02-05

الموبايل ده جامد جدا بالنسبة لسعره .......... أنا عارفه كويس لإني كنت عايز أشتريه لكن ماكنش في نصيب و جبت 5130XPRESSMUSIC
وأنا هاتكلم بضمير و بصراحة لكل الي عايز يشتري 2700CLASSIC فهو طبعا فيه عيوب و مميزات.......................نبدأ بعيوبه:
1-الكاميرا بطيئة و بتحرق الصور لما تصور شئ بيتحرك.
2-كاميرة الفيديو أقل جودة من الكاميرا العادية لكنها أسرع و مبتحرقش الفيديو.
3-بطئ شوية وخاصة لما تكون مالي الكارت لكنه مبيهنجش أبدا.
4-مافيهوش أزرار التحكم بالصوت يعني لو إنت مثلا فاتح النت و مشغل أغاني وعايز توطي أو تعلي الصوت فلابد من الرجوع للمشغل.
5-علو الصوت يعتمد أساسا على ضغطه من خلال سماعته الضيقه وهذا يؤثر قليلا على نقاء الصوت.
6-شاشته من النوع TFT يعني لو بصيت لها من زاوية تانية أو بميل شوية هاتشوف الألوان إتغيرت لألوان تانية.
دي كانت كل عيوبه بأمانة و .....................نقول مميزاته:
1-الشاشة نقية جدا و ألوانها صافية و جميلة و مساحتها مش وحشة (2بوصة).
2-صوته عالي( و السبب قد سبق ذكره وأثره).
3-قائمته سهلة الإستخدام و ده لإنه يعمل بنظام JAVA.
4-يحتوي على متصفح الإنترنت opera mini و هو من أشهر و أجمل و أسهل برامج التصفح.
5-يستطيع تشغيل البرامج و الألعاب بصيغتي JAD و JAR و بمساحة تتعدى 1.5 ميجا وهي طبعا مساحة كبيرة جدا و لا أظن أنه يوجد لعبة أو تطبيق يتعدى هذه المساحة إلا قليلا و هذا لأنه يحتوي على رامات و فيرجن كبيرة جدا.
6-وزنه خفيف و حجمه صغير وشكله أنيق.
7-مساحته الداخلية كويسة 64 ميجا.
هذه كانت مميزاته................ ومن الأخطاء في البيانات الي فوق:
1-يدعم GPRS CLASS 32 فقط.
2-الذاكرة الخارجية حتى 4 جيجا ومرفق معه في العلبة كارت 1 جيجا.
3-سعره 450 جنيه بتاريخ كتابة التعليق.

تلك الخدمة مخصصة للأعضاء فقط