سعر و مواصفات LG G3 Stylus D690N

واضح يا استاذ وليد انك بعد ما حببتني في البرولايت و كنت سبب اني جبتو و عملت صفحه الفيس بوك كنت بردو السبب اني احب الجي 3 ستايلس و قررت اجيبو و فعلا امبارح وصل و من ساعتها بدعيلك الموبايل فاق توقعاتي و امكانياتو اكتر من المواصفات المكتوبه و يستاهل سعره
كفايه برنامج الريموت بتاعو ولا شكلو التحفه و شاشتو جامده جدا

انا متفق مع استاذ وليد في التقرير الرائع لان الهاتف كان معايا لفترة واحب اضيف ان احد مزايا الهاتف التصميم الرائع للجهاز والانحناء الموجود في الجوانب بيكون مسكته مريحة جدا في الايد
ده غير ان الكفر الاصلي الذكي بتاعه جميل جدا الي فيه دايرة من النصف ...والون الذهبي رائع
ولكن من عيوب الجهاز بالنسبة ليا الكاميرا الامامية سيئة جدا .....بتاعة البرو لايت افضل منها بكتير ....بالاضافة الى عدم وجود خاصية السمارت شير اللي ممكن متكنش مهمة لناس كتير بس مهمة بالنسبة ليا وهي انك ممكن تشغل اليوتيوب او اي صور او اي فيديو على الموبيل على شاشة تلفزيون فيه خاصية السمارت .......والغريب ان الخاصية ده كانت موجودة في البرولايت الموديل الاقدم ......ولكن بعد بحث وجد ان كل اجهزة هواتف ال جي متوسطة الامكانيات المطروحة في السوق مؤخرا لا تحتوي على هذه الميزة باستثناء ال جي 3 و ال جي فلكس ......وطبعا ده حاجة وحشة جدا بالنسبة ليا عشان انا بستخدم الخاصية ده يكاد يكون يوميا ....بعكس كل اجهزة سامسونج الي في السوق حتى الي بتكون امكانياتها متواضعة بيكون فيها الخاصية ده ......وعشان كده جبت سامسونج ايه 7 بعد مشاورة الاخ العزيز وليد ............ولكن في المجمل هاتف رائع كالعادة من ال جي وانصح اي حد عايز يجيب تلفون امكانيه وشكله كويس بسعر قليل يجيب الجهاز ده اذا كانت عيوبه التي تم ذكرها من قبل مش فارقة معاه

انا الحمد لله اشتريت الجهاز النهاردا استفسار بس بالنسبة لتحديث نسخة الجهاز اعمل اب دات للجهاز عادى ولا الافضل عدم تحديث النسخة

الجهاز ممتاز انا اشتريته من رايه وكان عليه خصم 50 جنيه 1830 جنيه
انا الى مضايقنى منه انى مش لاقيله جراب
والجهاز بيركب عليه حمايه شاشه زجاج بتاع ستار نيو بلس وبتيجى قده بالظبط
الجهاز سريع ومش بيهنج

ممكن اعرف اجيب اكسسوارات للموبيل دا منين فى مصر او اى معلومة عن اكسسواراته

استاذ وليد انا حشترى التليفون بكره ان شاء الله من راية
هل التليفون كويس مع حضرتك .. راماته صغيره وبروسيسور مجهول الهويه .. هل بيهنج .. انا مش من هواياتى الالعاب الضخمه بس استعمال عادى زى اى حد .. حيهنج منى !
وهل حجمه الصغير ده مشكله ولا الميمورى حتحل الموضوع .. يعنى ممكن انزل برنامج من الستور عالميمورى على طول

ا وليد شكررررررررررررررررا على التقييم الرائع ومش غريبه عليك وعايز اعرف هل صوت رنه الموبايل عاليه زى البرو لايت ولا اوطى وفيه خاصيه توفير الطاقه الفائق ولا لا

الجهاز موجود في فروع رايه ب 1887ج بفاتوره ضريبيه بضمان شركة رايه لون اسود
الجهاز صوره طبق الاصل في الشكل بالمللى لجهاز G3 في كل شىء
الجهاز بيركب عليه جراب الهواوى G750 مع تعديل وضع زراير الصوت والباور والفلاش - بيركبله اسكرينه الزجاج بتاعت ال G750 برده
الجهاز فيه نفس الأوبشن بتاع البرو لايت بنسبة 70% لكن ده فيه اوبشن اعلى وجديد بس قالب على هواوى حبتين
طبعا اكتر حاجه بتميزه هو زرار الباور وتحكم الصوت الخلفيين وليهم كذا وظيفه كمان
نبتدى بالمميزات
1 - صوت سماعة المكالمات او الاسبيكر او النغمات - ماشاء الله - عاليين جداااااااااا
2 - البطاريه عامله زى البرو لايت قويه جداااا وأداء عالى ومحترم
3 - الجهاز طبعا سريع جدااااا زى ما ال جى متعوده دايمااااا - الفاضى دايما من الرامات من 300 - 400 ميجا
4 - الكاميرا الخلفيه 13 ميجا جيده جدااا سواء بالليل او النهار - الاماميه متواضعه جدا - امكانيه التصوير سيلفى من خلال غلق قبضة اليد وفتحها اما الجهاز فايتم الالتقاط بعد 3 ثوانى - امكانيه طبعا التصوير بالصوت
امكانيه التقاط صور اثناء تصوير الفيديو - وجود نظام ايقاف مؤقت عند تصوير الفيديو - امكانيه عمل زووم اثناء تصوير الفيديو - تصوير الفيديو Full HD رائع جداااااا
5 - سرعة النت 3جى 21 جميله وسريعه جداا
6 - امكانيه تشغيل اى شريحه 3 جى بدون تغيير الاماكن
سوفت وير الجهاز والوان الجهاز اصبحت قريبه جدااا من الاجهزه مرتفعة السعر وخاصه هواوى
7 - الشاشة الوانها رائعه ( مش زى البرو لايت الوانه زى الرسوم المتحركه ) مع ان البيكسل قليل لكن ده العادى في ال جى
8 - الشاشة 5.3 بوصه صافى عشان زراير التحكم داخله جوه الشاشه - يعنى الشاشه 5.5 متضمنه زراير التحكم
9 - زراير التحكم بقى حكايه زى G2 Mini وهواوى Mate 7 وهواوى G7
احنا متعودين على 3 زراير - باك وهوم وقائمه - هنا بقى ممكن نخليهم 4 او 5 ونخلى اتجاهتهم زى ما احنا متعودين او عايزيين ونتحكم في الخلفيه اللى وراهم ولونها كمان ودرجة الشفافيه بتاعت الخلفيه بتاعتهم
10 - طبعا الفتح والغلق نسبة 200% عن طريق النقر مرتين على الشاشة شغاله زى الفل
11 - وجود لمبة اشعارات اونها احمر فقط للرسايل وللمكالمات الفائته وللبطاريه
12 - وانت قافل الشاشه لو دوست دوسه طويله على زرار خفض الصوت تفتح الكاميرا ولو دوست دوسه طويله على تعليه الصوت تفتح الكويك ميمو - ولو انت فاتح الشاشة ودوست على زرار الباور + خفض الصوت تاخد اسكرين شوت للشاشه
13 - اضافوا كيبورد سمارت زى اللى في سامسونج اللى فيه صف الأرقام فوق الحروف وممكن تكبر الكيبورد او تصغره حسب راحتك وتغير لونه للابيض او الاسود - وممكن تحمل اشكال للكيبور من خلال برنامج سمارت ورلد ده بيكون مع الجهاز
14 - الجهاز فيه راديو - وبرنامج للريموت زى اللى موجود في البرو لايت
15 - الجهاز فيه برنامج سمارت ورلد تحمل عن طريقه خلفيات او سيمات او اشكال للكيبورد او برامج خاصه بماركة ال جى
16 - وجود خاصيه الوضع الصامت عند قلب الجهاز على وجهه - وخاصيه ايقاف مؤقت للفيديو وللمنبه برده عن طريق قلب الجهاز على وجهه
17 - وجود بوصله في الجهاز
18 - وجود خاصيه الاس فيو للجراب والتحكم في الجهاز عن طريق الجراب الخاص بذلك بس طبعا لسه ما نزلش مصر
19 - وجود برنامج كلين للجهاز محدد بتوقيت كل اسبوع على الاقل عشان يحافظ على سرعه الجهاز
20 - وجود برنامج للحمايه عند تفعيله لو انت اديت الموبايل لحد مابيقدرش يشوف غير 4 برامج فقط في الجهاز بتكون انت محددهم مسبقا لعدم التطفل والخصوصيه
21 - الجهاز الرؤيه فيه جيده جدااااا عندما تكون الشمس عموديه على الجهاز بشرط تكون الاضاءه على الاخر بنسبه 100%
22 - زى البرو لايت تقدر تفتح كذا تطبيق في الصفحه الوحده - عملوا زى السامسونج انك لو دوست على زرار الباك دوسه طويله تطلع قايمه فيه برامج تقدر تختار منها التطبيقات اللى عايز تفتحا مع بعض
23 - القلم بتاعه زى البرو لايت قلم عادى جداااااااااااااا زى ابو 20ج اللى بيتباع في محلات الموبايل مالوش اى علاقه بقلم النوت نهائى - عشان ماحدش يقول وظيفة القلم ايه
24 - الوان الجهاز والخط افضل بكتيير من البرو لايت ويشبه بنسبة 95% الهواوى الحديث المرتفع السعر وبأكد على الموضوع ده

العيوب بقى
1 - مافيش سنسور اضاءه اتوماتيك
2 - مساحة الجهاز 8 جيجا الصافى منها للاسف قبل تحميل اى برامج 3.5 جيجا
3 - زى سامسونج او سونى او ماركات كتيير امكانيه نقل بعض البرامج او الالعاب لكارت الذاكرة الخارجى - يعنى مش زى الكاتيل او هواوى بنقل الالعاب الكبيرة لكارت الذاكرة الخارجى
4 - الكاميرا الاماميه متواضعه ولازم تكون في اضاءة عاليه لجوده التصوير السيلفى
5 - الكاميرا الاماميه مع انها 13 ميجا وجوده عاليه جدااا بالفعل الا المفاجأة الكبرى ان مافيش اى اوبشن في الكاميرا خالص بمعنى كل الأوبشن الموجود في الكاميرا عباره عن تحديد عدد الكاميرا تبقى كام ميجا سواء عند تصوير الصور او الفيديو - ووضع البانوراما - ووضع تصوير بالصوت
مافيش اى تحكم تانى نهائى بالكاميرا زى مثلا وضع ليلى وضع تلقائى وضع تجميلى وهكذا
6 - مافيش خاصيه HDR في الكاميرا ودى بتعمل على تحسين جوده الصوره الملتقطه

ده اللى قدرت اكتبه واجربه حتى الان في الجهاز
وان شاء الله لو في حاجه جديده ظهرت هاكتبها عالطول
للاسف ماليش في الالعاب خالص لكن كل الريفيوهات اللى على اليوتيوب جربت افضل واعلى الالعاب واشتغلت بتفوق تام

و لمزيند من المراجعات و التوقعات ..

بفكر اشتري الموبيل ده بس مش شايف انه بيتباع في كل المحلات هو انا ممكن اقارن lg مع سامسونج أي موديل بي حدود نفس السعر او اقل