G2 vs Z1

للرجوع الي صفحة ال جي G2 الرئيسية اضغط هنا

abdo20112

2014-07-27 (05:29:00PM)

انا عايز انزل اجيب تليفون و متحار بصراحه بين الاتنين مع اني عارف مميزات و عيوب كل واحد فيهم
انا بيعجبني Z1 في شكله و انه ضد الماء بس مبحمبش فيه ان الجوانب من الجنبين كبار مش زي G2 و ان البطاريه بتخلص بسرعه و ان الواجهه بتاعته مفهاش مميزات و خواص زي G2
اما جي 2 بيجبني ان شاشته اكبر و و الجوانب الرفيعه طبعا و مميزات النظام و ان ممكن انزله روم واخليه زي lg g3 بالظبط
انا مش عارف والله محتار ياريت تقولو رائيكو مع اني عارف ان الموقع نايم و احتمال كبير محدش يرد :D

a.m.r

2014-07-27 (06:43:35PM)

انتا جاوبت كل حاجة ممكن اقولهالك
لو اديت رقم لكل جهاز من الاتنين عن اللى قولته حتلاقى ان Z1 ياخد 2 من 10
و G2 ياخد 8 من 10 على كلامك

بص زد ون الحاجة الوحيدة العدلة هى ضد الماء و قوة التحمل
انما ولا صوت لان سماعاته صوتها واطى جدا و السوفت وير عبارة عن نظام خام بس ايقونات سونى و برنامج الميوزك بتاعهم فقط

انما الجى 2 مش حتكلم انتا جاوبت

abdo20112

2014-07-27 (09:40:38PM)

مش عارف والله انا بفضل شكل السوني من الجنب و من الخلف بس مبحبش الجوانب العريضه
الجي بحب شكله من قدام و شاشته الكبيره و حجمه الصغير :D
الكاميرا انا شايف الاتنين كويسين
البطاريه تروح للجي 2 مع اني شايف انه المفروض عيب البطاريه في السوني عيب سوفت عشان البطاريه حجمها كبيره برده
السوفت انا بحب شكل سوفت سوني بس بحب خصائص جي 2
السوني بقه في برده حاجتين كويسين عن الجي وهيا انه ضد الماء و كرت الميموري -_-

a.m.r

2014-07-28 (07:25:39AM)

شوف انتا عايز ايه وقرر

بس حتجيب سونى زد 1 حتخسر جنب الجى 2ولو على الزاكرة هات 32 جيجا ب 3800 ومش محتاج زاكرة خارجية واما حكاية ضد الماء دى كل شئ وليه عمره
اما لو سونى زد 2 اللى اتصلح فيه كل عيوب زد 1 يبقا ممتاز طبعا الزد 2 رغم ان مفيش خصائص زى الجى 2 برده

temoooo

2014-07-28 (10:30:02AM)

انا رايي الجي 2 بيقدم تجربه اقرب للكمال من اي تليفون تاني من الاخر مفيهوش اي عيب جوهري

اما الz1 مش وحش بس مش بقوه الجي 2 يعني

شاشه اكبر
كاميرا اقوي
خصائص احسن
بطاريه اقوي
رومات افضل

من الاخر كل ده قصاد ان ال z1 ضد الميه

في رايي هات الجي 2

youssefshabana

2014-07-28 (04:59:16PM)

انا رأيي من رأي الاستاذ عمرو والاستاذ تيمو

الزد 1 كويس جدا لكن الجي 2 اقوي و احسن منه في حاجات كتير

افضل في الكاميرا و الصوت والشاشة والبطارية وفي اوبشن مش موجودة في الزد 1 والعكس بردو لكن الجي 2 في اوبشن اكتر

الجهاز ده فعلا محترم جدا وجميل جدا و مفهوش عيوب تقريبا ونادرا لما حد بيشتكي منه فانا انصحك طبعا بال LG G2

abdo20112

2014-07-28 (09:16:50PM)

شكرا يا جدعان علي الردود و كل سنه وانتو طيبين بس انا في حاجه انا كنت قريتها قبل كده في تعليق و شوفتها علي موقع phonre arena كان في الصوره بتاعت الفون خطوط بالطول و في حاجه تانيه اجيبه لون ايه و منين انا شوفته علي سوق ب3400 32 جيجا و هنا في محل هدايه 32 ب3550