سعر و مواصفات LG G Pro Lite Dual

سلام عليكم
بفكر اشتري الجهاز ده لكن كنت بستفسر عن مدي كفاءة اداء شاشة هذا الجهاز في الضوء المباشر وتحت الشمس المباشرة
وهل الشاشة جاذبة لبصمات الاصابع بشكل يمثل مشكلة في الاستخدام مع العلم ان هذه المشكلة في جهاز lg الحالي معي
وشكرا مقدما للرد والاهتمام

لو انا عاوز اجيب شاشه ضد الكسر اجيبها منين لو سمحت ؟؟؟؟

نزل تطبيق جديد للجهاز بيحمل اسم v20c
النسخه الاخير لابديت الكيت كات v20b

بيقولوا ان الابديت بيحسن التطبيقات وان شاء الله حد من الناس المحترمه تنزل الابديت ويقولولنا رايهم فيه

السلام عليكم ورحمه الله وبركاته
تحيه طيبه وبعد
لو فى حد يا جماعه معاه الموبايل ده وحابب يبدله بنوكيا xl استخدام اقل من شهر واستخدام راقى جدا وبكل مشتملاته الاصليه والعلبه والضمان والكتالوج وأدفعله فرق يكلمنى بس بشرط ان الجهاز يكون لونه ابيض مش الاسود وتكون حالته كويسه

في البدايه الموبايل لم يكن موجود بمدينتي فاضطررت لشرائه من سوق كوم
يجب انك تعمل ريجستراشن علي الموقع وبعد كدا تدخل علي خيار السله وتضيف المنتج بعد الدخول الي صفحه المنتج من الموقع
2-يجب ان تتصل بالشركه لتاكيد طلب الشراء (مهم جدا عند الشراء للمره الاولي وليس ضروريا بعد ذلك)
3-وصلني المنتج في خلال يومين بالضبط من تاكيد الشراء بالتليفون (سريع جدا الصراحه)
4-الهاتف كان مغلف بطريقه ممتازه واستلمتوا من ارامكس مقابل 25 جنيه و10 جنيه خدمه الدفع عند الاستلام طبعا فوق تمن الهاتف الاصلي ومعه الضمان بتاريخ اسبوع من الاستلام طبعا عشان لو اتاخر بعت المنتج او كدا
5-اول ما فتحت الموبايل لقيت انو بيدخل علي القوائم سريع جدا وتتش ممتاز بس بياخد وقت علي ما يجيب قائمه الاسماء والوارد من المكالمات والصادر
6-اشتغلت انزل كل حاجه تقابلني لغايه ما الموبايل تقل ونزلت لعبه discabable me لقستها بطيه مووت فحسيت اني في حاجه غلط
7-سالت وقالولي اني لازم اعمل فاكتوري ريست وللاسف عملت فاكتوري ريسيت وبعدين عميلت باك اب فرجع الموبايل للوضع الاول فطبعا اول نصيحه للي هيشتري الموبايل يعملو فاكتري ريسيت بمجرد استلامو للجهاز (ودا مهم جدا جدا )
8-في موقع عالفيس ممتاز للجهاز
الناس بيردو عل كل استفسراتك علطول
9-المهم انا ظبطت الموبايل وعملتلو هارد فاكتوري ريست ونزلت البرامج حاجه حاجه اهم حاجه ابعد عن خلفيات جوجل ستور اللي بتحتاج تطبيقات عشان تشتغل دي متنهي السو ادخل علي lg world من الموبايل واعملها ابديت من النت ونزل الثيمات اللي انت عايزها تحفه وخفيفه جدا جدا وبرامج تانيه وخلفيات جميله جدا
10- بالنسبه لتحديث الكيتكات انا حدثتو جالي ملف 599 ميجا ونزلتو ودا تحديث مش حلو وبيهنج الجهاز فبعد ما تعملو هتبحث عن تحيث اخر في الموبايل هتلاقي ملف 90 ميجا هتنزلو وتعمل فاكتوري ريسيت لازم لازم لازم طبعا هتلاقي الموبايل اشتغل كويس وتمام
11-الفرق بين الكيتكات والجيلي بين مش كبير في الاداء بس بصراحه الجيلي بين مع الجهاز دا بسم الله ما شاء الله طياره الميزه الوحيده في الكيتكات انك بتقدر تنقل بعض التطبيقات والالعاب الي الميموري كارت ودي ميزه ممتازه جدا
12-بصراحه انا مرتحتش مع الكيتكات ليس لعيب واضح لكن لاني بصراحه الجيلي بين مخلي الجهاز ممتاز وطياره وفي فرق سرعات سيدي القاضي (نصيحه لوجه الله خليكم عالجيلي بين افضل جدا جدا جدا
13-طريقه العوده للكيتكات موجوده في موقع الفيس بالاعلي وموجود معها كل البرامج والتطبيقات عشان تعمل داون جريت للكيتكات
14-بصراحه موضوع الداون جريت برغم انو نجح معايا الا انو خطير جدا جدا ولازم تكون فاهمو كويس لاني اثناء العمليه بتظهر رسايل لا لغاء العمليه لازم تتجاهلها كلها وتسيب الجهاز يكمل لعايه ميوصل ل99% ويبشرك اني العمليه فشلت لكن بصراحه لو وصلت الرساله دي معناها ان العمليه نجحت وما عليك ال انك تشيل البطاريه وتعمل هارد فاكتوري ريست ومبروك العوده للجيلي بين الطياره او ممكن توقف عند80% المهم كل حاجه مشروحه في الموقع وبصراحه ربنا يباركلهم
15-لا انصح بالتحديث للكيتكات والعوده للجيلي بين لخطوره العمليه ولافضليه الجيلي بين الواضحه في السرعات ودا راي شخصي ربما يعارضني فيه البعض
16- مميزات الجهاز شاشه الوانها ممتازه والكاميرا نص نص بصراحه تعامل ممتاز مع جميع انواع التطبيقات الزراير السفلي مش بتنور ودي بتنفع لو الدنيا ضلمه عموما هتتعود عليها مش قضيه يعني والجهاز بيشغل العاب كتير وتقيله رغم اني البرسيسور مش عالي ودا شي غريب الصراحه انا مش جيمر عشان احكم علي الفريمات وسرعه الالعاب انا كنت كل اللي طالبو فيس ووتس اب وفيبر
وبصراحه الجهاز ممتاز جدا مع كل البرامج ونزيلو برامج ذي ما انت عايز مع الجيلي بين مش هيقول لا ومره تاني بلاش السيمات المفيرسه والخلفيات اللي ببرامج من الجوجل بلي هتقل الجهاز وفي بديل افضل منها ميت مره في lg world
17-الصوت ممتاز في كل شئ لا اذكر اني قابلت اي مشكله بخصوص الصوت والجهاز مفهوش مشاكل التهنيج والسخونه اطلاقا ذي بعض اجهزه السامسونج دا غير ان البطاريه ممتازه جدا جدا
18-اخيرا اكسسورات الجهاز اصبحت متوفره عند محلات كتير غير انو نزلو اسكرينه قزاز ب50 جنيه وفليب كفر 65 وكفر ضهريه 20 جنيه غير اسكرينه ضد البصمه ب15 اة 20 جنيه ممتازه خاص بس بتضيع الالوان الصراحه انا اشتريتها وومسحتش الشاشه مرتين بس مخليه الشاشه الوانه ضعيفه
19-الجهاز سعرو ممتاز حاليا علي سوق كوم الاسود عامل 1650 وا سعر رائع جدا بس للاسف المتوفر عنديهم اللون الاسود بس وان بصراحه جبت الابيض حكايه حكايه في شكلوا واحلي من الاسود بكتير ودي مساله ذوق بس الابيض لافت النظر خالص فممكن تدورو عليه في محلا تانيه
20-ضمان سوق كوم لا ادري عنه شئ وربنا ميوصلناش للضمان وبصراحه رغم اني الناس ممتازين في كل شئ الا اني لواشتريه من محل مضمون افضل ولو في فرق 100 جنيه (ان وجد)
21- كل الشكر للاستاذ صابر 127 لافادته ليا في كل شئ في البدايات وهو تقريبا مشرف علي صفحه الفيس بوك بالاعلي

لو سمحت اريد المساعدة انا اشريت الموبايل ده جديد وطلب يعمل تحديث ونزل ملف حوالى 500 ميجا وطلب التثبيت انا لسه معملتش التثبيت مش عارف اعمله ولا لا ياريت الافاده اعمل التحديث ده ولالا

لو سمحت اريد المساعدة انا اشريت الموبايل ده جديد وطلب يعمل تحديث ونزل ملف حوالى 500 ميجا وطلب التثبيت انا لسه معملتش التثبيت مش عارف اعمله ولا لا

اريد توصيل هذا الموبايل المحترم بالفلاش ميمورى ولكن لا يقرأها الموبايل استعملت وصله للتوصيل وايضا فلاشه بمدخلين احدهما مكان الشاحن بردوا مفيش فايده لا يقرأها نهائيا. رغم قرائة سامسونج s2 لنفس الفلاشه ارجو مساعدتكم يا بهوات

لو سمحت السكرين شوت بتتعمل ازاى فى الفون ده

يا جماعه احنا عملنا موضوع عن السوفتوير و الابجريد من جيليبين للكيتكاتو حصري الداونجريد من كيتكات للجيليبين باللينكات ليكم علي الصفحه علي الفيسبوك