lg

للرجوع الي صفحة ال جي G Pro Lite Dual الرئيسية اضغط هنا

esraaM

2015-01-29 (12:34:03PM)

دلوقتى لو حد جرب الموب ده
انا عرفت ان الكاميرا الاماميه بتاعته 1.3Mp بس هل هى نقية بدرجة نقاء سامسونج s3 او جراند
او مش شرط يعنى المهم شغاله عمليه ولا وحشة خالص ؟؟
وهو عملى فى الاستخدام مش هيهنج ولا يعلق زى موبايل سامسونج ؟
انا لسه بفكر اشتريه ومحتارة الحقيقه بس مش عايزه اى سامسونج تانى
و lg mini احسن ولا pro lite ولا sony xperia c
و فى ناس قالتلى انه ملوش قطع غيار فى السوق وهيهنج ويخرب بسرعة

MEl3RaBy

2015-01-29 (04:17:55PM)

1- الكاميرا الامامية 1.3 صورتها كويسة ,, كاميرا الـ s3 1.9 بنفس والجراند 2 ميجا .. تقييم عام شغالة

2- مسألة التهنيج تفرقى بين حاجيتن

أ) تهنيج السامونج ناتج ان الموب رام 1 جيجا النظام بياخد منها تقريبا النص بالتالى مع تحميل برامج مش بتنزل مع الموب هتلاقى الموب بيهنج لان التطبيقات بيستهلك الرام
ب) الـ lg بيجى مسبقا مع النظام برامج كتير جدا مثبتة ع الموب احتمال تغنيكى عن تحميل الكتير من البرامج بالتالى التهنيج مش هيبقى موجود إلا فـ حالة تحميل البرامج الكتيرررررة الى بتسحب من الرام
"ومفهوم الهتنيج فـ lg مختلف تمام عن تهنيج السامسونج يعنى لو كان فيه تهنيج هيبقى لـ جزء من الثانية ومش بيأثر ع اى ابلكيشن بيتفتح عكس ما بيحصل فـ ساموسنج وده كان سبب استغنائى عن السامسونج"

"مع ملاحظة ام الموب رام 1جيجا والـ s3 رام 1.5 والجراند 1جيجا"

3- قطع الغيار مقدرش افتى فيها بس التلفون بيجى بضمان 11 شهر ضد عيوب الصناعه يعنى اكيد التوكيل موفر قطع غياره واعتقد محلات الصيانة ان كان عندها قطع غيار الصين مش هيبقى عندها قطع غيار الـ lg !

4- الموب شايفه عملى ومقارنة بثمنه تقييمه ممتاز "بس متحاوليش تقارنى موب بـ 4 الاف بـ موب ثمنه 1600 لازم تقدمى تنازلات" رغم انك مش هتلاحظى فرق كبير بينه وبين ابو 4 الاف

5- دى مقارنة الاجهزة الى حضرتك ذكرتيه كل موب له مميزاته وعيوبه وفـ الاخر ليكى حرية الاختيار

LG G PRO LITE vs LG G2 mini

الفروق الجوهرية 1- الشاشة ضد الخدش
2- تصميم الـ mini الزراير خلفية مش جانبية زى الـ G PRO
3- دقة التصوير بالكاميرا الخلفية 1080p بينما الـ G PRO بتكون 720p
4- شاشة الـ mini حجمها 4.7 زى الـ s3 بينما الـ G PRO بتكون 5.5 زى النوت وبقلم
5- بروسيسور الـ mini رباعى بينما الـ G PRO ثنائى
5- الشريحة ميكرو
ش
SONY XPERIA C vs LG G PRO LITE

1- الـ XPERIA شاشة TFT حجمها 5 بوصة
2- بروسيور رباعى
3- ذاكرة الروم 4 جيجا مقارنة بالـ lg 8جيجا
4- الكاميرا 1080p

بالتوفيق

تلك الخدمة مخصصة للأعضاء فقط