ممكن الافادة لو سمحتو

للرجوع الي صفحة ال جي G Pro Lite Dual الرئيسية اضغط هنا

SolimanMouktar

2014-08-10 (03:55:01PM)

بسم الله الرحمن الرحيم
انا ناوي باذن الله اجيب موبايل جديد ومحتار مابين lg pro lite و sony xperia c كنت ناوي اجيب ال ال جي برو لايت بس خفت بعد الاصدار الجديد لنظام الكيت كات وبرضو السي موبايل عاجبني برضو ممكن لو سمحتو الافادة في اقرب وقت وشكرا

01275769955

2014-08-10 (04:43:28PM)

لو مسكت الاتنين هتحس انهم موبايلات عاديه جدا

بس بأختصار شديد ....
1- البرو لايت .... شاشه كبيره .. بطاريه كويسه.. شكل شيك ..قلم عادى جدااا ... كاميرا اخرها 5 ميجا بيكسل واللى هيقول غير كده يبقي بينافق دى من رأى فى حكايه الكاميرا بالذات ... مشغل فيديو سئ

2- السونى سي : موبايل عادى جدا جدا.. شاشه حلوه .. كاميرا متوسطه واحلى من البرو لايت ... بطاريه حلوه ولكن لا تقارن ببطاريه البرو ... مشغل لجميع امدادات ...

بالنسبه للاداء تقريبا الاتنين واحد بس السى اداءه اكثر سلاسه بشكل مش هتلاحظه خالص

SolimanMouktar

2014-08-10 (05:30:03PM)

بصراحة هههههه انا كدة مبقتش عارف اجيب اية اتعقدت يعني اية الاقتراح لحضرتك ولباقي خبراء استخدام الاجهزة دية اسف علي الاطاله

01275769955

2014-08-10 (07:51:12PM)

لو انت محتار بين الاتنين دول يبقي اختار البرو لايت علشان البطاره والقلم

01275769955

2014-08-10 (07:53:32PM)

لكن لو انا معايا 1700 جنيه مش هشترى بيهم تليفون لانى كده بضيع فلوس ع الفاضى

ولو معايا 1700 والله اشترى بيهم لبس احسن ^_^

TrainerMohamedtayel

2014-08-11 (08:42:15AM)

ادعوك للبرولايت و خصوصا بعد تحديث الكيت كات و هقارن بينهم ف السريع معاك (للإمانة و الله دون انحياز)

الكاميرا 8 ميجا بيكسل و مفيش فرق بينهم كبير بس انا شايف ان كاميرا البرولايت افضل

الشاشة طبعا اكبر و افضل بكتير فى البرولايت من السونى سى لانها من نوع IPS و رزيلوشن عالى جدا

الرامات زى بعض 1 جيجا

بالنسبة للذاكرة فى البرولايت 8 جيجا و السونى سى 4 جيجا و بعد التحديث الجديد البرولايت بيسمح بنقل البرامج لكارت الميمورى زى السونى C بالظبط بس طبعا البرولايت متفوق فى المساحة

البرسيسور فى البرولايت 1 Dual core بس من نوع Cortax A9 و ده من افضل انواع البرسيسور
فى السونى سى 1 Quad core بس من نوع Cortax A7 و للإمانة مش هتحس بفرق لان البرولايت و الله مش بيهنج اصلا و اى تليفون عاوز تعرف بيهنج و لا لا اعرفه من تطبيق الماسنجر بتاع الفيس هتلاقيه ف البرولايت مش بيقطع لان Cortax A9 من البروسيسور اللى مش بينهج و نادر اوى لو حدث تقل او تهنيج

طبعا خاصية الخطين ممتعه اكثر فى البرولايت علشان زرار مخصص للتنقل بين الشريحتين
و خاصية الريموت و إللى مش موجوده ف السونى سى و كمان خاصية القلم و إللى تقدر تلعب بيه و ده مش موجوده فى السونى سى بردوا
و امكانية تغيير شكل الكيبورد و الخاصة بالبرولايت يعنى مش هتحتاج تحمل كيبورد معين و كمان الكيبورد فى البرولايت نازل معاه الاشكال كاملة و كتيرة اوى و كمان بيعرض الارقام فوق فى صف لوحدها اعلى صف الحروف و ده مش موجوده فى السونى سى و كمان خاصية الثيمثات الخاصة بماركة ال جى و مش موجوده فى السونى و خاصية تتبع الموب حتى و هو مفهوش شريحة بمجرد فتح الهاتف و كمان خاصية ابلاغ الارقام إللى محددها بان الهاتف لم يستخدم للمدة إللى تحددها

و طبعا الفرق الاكبر فى نسخة الاندرويد فى البرولايت كيت كات 4.4.2 اما فى السونى سى 4.2.2 جيلى بين و ده هتفرق فى الدعم ال جى محترمة و دعمها مستمر للجهاز لانه حقق نجاح و مبيعات عاليه اوى و مفيش مرتجع واحد للهاتف فى المحل إللى اشتريته منه و كتير من المحلات الكبيرة كده

الكاميرا الامامية فى البرولايت 1.3 ميجا بيكسل و السونى سى فيجا عادية يعنى مش هتصور سلفى انما البرولايت انا جربتها و اتصورت بيها و صافيه جدااااااااااااا الامامية و الخلفية طبعا اوضح و اصفى من السى بكتير جدااااااا

الصوت ال جى اعلى علشان سمعتين مش واحده
الهاند فرى بتاع الال جى افضل جدا و خامته محترمة اوى و اسال استاذ عصام فى قسم السونى سى هيقولك لا مش حلو الهاند بتاعه الال جى اعلى

ده اهم الامكانيات و المقارنة الكاملة
لو عاوز تشتريه نصيحة منى اشترية من راديو محمد طلعب ف شارع عبدالعزيز بـ 1800 و هديك معاه فاتورة ضريبية من غير ما يزود عليك حاجة و ده مهمة اوى فى الضمان و حاجته نضيفة و تعامل محترم اوى اوى انا اشتريت من هناك بدل ما تروح تدفع بره 1750 و معكش فاتورة ضريبية و فى محلات مش هتقولك ضمان 14 يوم انما طلعت الضمان عنده من غير التوكيل اول 14 يوم ^_^

اتمنى ان اكون قد وفقت فى عرض المقارنة و إن كان هناك خطأ او سهو او نسيان فمن نفسى و من الشيطان و إن كان هناك توفيق فمن الله سبحانه و تعالى ...

تلك الخدمة مخصصة للأعضاء فقط