الشبكة والبطارية

للرجوع الي صفحة ال جي G Pro Lite Dual الرئيسية اضغط هنا

moha85

2014-07-29 (11:50:40AM)

انا الحمد لله اشتريت الموبايل من 3 ايام من موقع سوق والموبايل حلو والحمدلله بس فية حجتين محيرني 1-الخط الاول ال3 جي دايما شرطة او اتنين وساعات اقل مع ان الخط التاني علي اخرة دة عيب ولا لا 2-البطارية شحنتها اول مرة 8 ساعات وخلصت في يومين مع ان الاستخدام شبة ضعيف دة عادي اول مرة بعد الشحن وهاتظبط مع الوقت ولا فية مشكلة بالبطارية والفروض تقعد اد اة 3-ازاي اشوف حرارة الموبايل وانا شغال علية ا وعلش علي كتر الاسئلة اول مرة اشيل عدة اندريد

saber127

2014-07-29 (02:50:54PM)

1 عادي طالما مشتكتش من جودة الصوت في المكالمات او اللي بيتصل بيك مش بيلاقيك غير متاح
2 الشحن اول مره 8 ساعات ده ملوش اي لازمه عشان البطاريات دلوقتي ليثيوم مش نيكل زي زمان و بعدين انها تقعد يومين ده بالنسبه لموبايل اندرويد ده كتير الموبايلات الاندرويد عادتا مش بتقعد اكتر من 24 ساعه غير لو مستخدمتش النت عشان الموبايلات دلوقتي بروسيسورات و كروت شاشه و شاشه جباره توازي اللاب توبات يعني يحب قوي للبطاريات لكن مع الاستخدام هتلاحظ انها بتزيد نسبيا بعد اول اسبوع ده طبعا لو منزلتش برامج بتاكل بطارية طبعا
3 عن طريق برامج زي du battery saver و ده بيقولك حرارة البطاريه
اسال ولا يهمك بكره تبقي خبير اندرويد

shaAahy

2014-07-29 (07:26:12PM)

استاذ صابر لو سمحت ..ممكن اعرف البرامج اللى بتخلص البطارية بسرعه زى ايه

saber127

2014-07-30 (07:56:28PM)

بصي لو لقيت البطاريه بتخلص بسرعه ادخل علي سيتنجس و بعدين البطاريه هيقولك علي كل حاجه استهلكت قد ايه من البطاريه لو لقيت برنامج بيسحب جامد من البطاريه شيلوا
مفيش برامج محدده بس مثلا انا نزلت برنامج كان بيعمل لوك سكرين لما بقفل الفليب كفر و لما بفتحه بيفتح الموبايل بس طلع بيسحب بطاريه جامد
الجي بي اس مش برنامج بس من اكتر الحاجات اللي بتسحب بطاريه
الجوجل كروم انا لاحظت انه مؤخرا بقي بيسحب بطاريه زياده عن الاول و زياده عن البراوزر العادي

shaAahy

2014-07-31 (04:37:15AM)

شكرا جدا لحضرتك
طيب هى البطارية فى المتوسط بتقعد اد ايه ؟؟
انا عارفه انها طبعا بتفرق حسب الاستخدام بس

saber127

2014-07-31 (06:22:15PM)

انا عندي من 10 ل 14 ساعة نت متواصل 3 جي و العاب
16 ساعة لو نص الاستخدام 3 جي و النص واي فاي مع العاب كمان
ملحوظه انا مبسبش الموبايل من ايدي نهائي

shaAahy

2014-07-31 (11:17:53PM)

تمام هى تقريبا بتقعد 24 ساعة معايا بس انا مش بشغل العاب و لا 3 جى بس الواى فاى دايما مفتوح حتى اثناء النوم
طيب معلش اخر سؤال الطريقة المثلى للشحن لما يفصل خالص ويتقفل اشحنه وهو مقفول لحد 100 % وبعدين افتحه
ولا لما يفصل خالص احطه فى الشاحن و افتحته واسيبه لحد 100%
ولما لما يكون من 5 % الى 1 % اشحنه لحد 100 %
ولا زى ما احنا بنعمل فى اى وقت وفى كل مكان نشحن الموبايل شوية ونشيله نستخدمه تانى
ونستخدمه اثناء الشحن ولا لا ؟
و فعلا البطارية بيتفصل عنها الشاحن حتى لو سيبناها فى الكهرباء بعد ما توصل ل 100 % معنى كده اننا ممكن نشحن البطارية اثناء النوم
انا كان معايا سامسونج قبل كده سنتين بس مكونتش بهتم بكل ده بس الموبايل ده عايزه احافظ عليه
ومعلش تقلت على حضرتك

تلك الخدمة مخصصة للأعضاء فقط