اخيرا توكلت ع الله و اشتريته ^_^

للرجوع الي صفحة ال جي G Pro Lite Dual الرئيسية اضغط هنا

TrainerMohamedtayel

2014-07-26 (08:33:30AM)

طبعا انا كنت محتار اووى بين الموب البرولايت و السونى سي
بس قارنت بين الاتنين من حيث البطارية و التصميم و نوع الشاشة و طبعا المقارنة كانت ف صالح البرولايت و اشتريته الحمدالله ب 1800 جنيه من راديو طلعت ف عبدالعزيز و خدته بفاتورة ضربيه و بصراحة جابلي الموب متبرشم و كنت هشتريه من سوق كوم بس قولت لا الفرق ف السعر هو ضمان ال 14 يوم و انا بكتبلكم تقيمى عنه بعد تجربته 6 ساعات متواصلين و بكتب الكومينت ده منه بس عاوز اقولكم و الله محدش يتردد و اللي عاوز يشتريه يجيبه بدوون تردد.....

اولا : التصميم شكل شيك و جذاب جداااا و ع فكرة مش كبير خاالللص و الله و ممتع جدا و خفيف مش تهمة و تقيل
ثانيا : بالنسبة لاكسسوراته متوفرة ف عبدالعزيز الاسكرينه و الجراب
ثالثا : البطارية فوق الممتازة بكتير ما شاء الله
رابعا : التاتش بتاعه جميل جدا و بالنسبة لبيكسلات الشاشة ممتازة جدا و ده طبعا علشان جودة الشاشة اللي من النوع Ips تتفوق ع السي بمراحل
خامسا : هو نسخة من النوت و الله و القلم ممتاز و طبعا السوفت ممتاز فيه شغل عالي اوي زي خاصية الريموت و وضع الضيف
سادسا : البروسيسور سريع ما شاء الله و مفهوش مشاكل و الرام جميلة و ع فكرة نازل معاه تصفية الرام جاهز
سابعا : مفهوش تهنيج خالص ما شاء الله
ثامنا : نزلت كل برامج المحادثة و نزلت العاب ساب واى و الترافيك لاني مليش ف الالعاب التقيلة بس هجربها علشان خاطر عيون اجمل اعضاء

اسف للاطالة بس حبيت اوضح.و لو ف جديد هبلغكم بس نصيحتي كله. يجيبه من غير تردد ما شاء الله الله اكبر جميل

انا ف خدمتكم ع الرسائل الخاصة ان شاء الله :)

mOsTaFaBaHGaT7

2014-07-26 (12:08:28PM)

الف مبروك يا معلم وربنا يباركلك فيه ان شاء الله
وهو فعلا موبايل محترم جدا ومش خساره الفلوس اللى اتدفعت فيه وانا منساش ساعه ما قعدت احمل تطبيقات والعاب عليه وقولت لما اعدهم كده اشوفهم كام تطبيق ( اتلاقيتهم 130 تطبيق ولعبه وكان لسه الجهاز عايز تانى خصوصا انى محستش منه بأى تهنيجه او سخونيه )
بس بصراحه كان ليا تحفظ على موضوع انك تشتريه بالسعر ده وكنت انت أولى بفرق الـ 100 جنيه ده وكنت جبت منهم جراب وسكرينه وكان هيتبقى معاك فلوس تانى xD
يلا بقى مبروك عليك وياريت تحافظ عليه علشان متتسرق زى حالاتى الموبايل قبل اللى فات xD

crasha

2014-07-26 (02:28:09PM)

الف الف الف مبروك عليك ..وحلاوه الموبيل هتكمل بجد لما ينزله تحديث كيت كات

TrainerMohamedtayel

2014-07-27 (07:09:45AM)

الله يبارك فيكم جميعا ^_^
انا اشتريته ب 1800 بس معاه 14 يوم استبدال انما سوق مش هتبدل و حاجتها بتيجي بتاريخ مقدم معني كده ان الهواتف ده اتركن و دخلت اعادة ضمان و كان هيوقف عليا ب 1735 من سوق الفرق معقول مقابل ال 14 يووم
الحمدالله علي كل شئ ....

تلك الخدمة مخصصة للأعضاء فقط