LG P880 افضل من G pro lite

للرجوع الي صفحة ال جي G Pro Lite Dual الرئيسية اضغط هنا

AhmedSaad32

2014-06-26 (11:13:59PM)

انا من رأيي ان Lg P880 افضل بكتيير اوي من ال G pro Lite
1 - نوع الشاشة المستخدمة ( True HD IPS )
2 - رزليوشن الشاشة ( 1280 * 720 )
3 - الذاكرة الداخلية ( 16 GB )
4 - تصوير الفيديو ( 1080P )
5 - نوع البروسيسور ( Nvidia Tegra 3 )
6 - سرعة البروسيسور ( 1.5 رباعي النواة )
7 - كارت الشاشة المدمج مع الجهاز ( Nvidia GeForce )

Alikhaled

2014-06-26 (11:21:01PM)

اسال الناس اللى استخدمت الموبيل ده وشوف مشاكل البطاريه اللى مبتلحقش تعد وبصراحة هو كويس ف الالعاب بس البرو لايت بردوا بيشغل الالعاب التقيلة زي فيفا 2014 واسفلت 8

waelgam2005

2014-06-29 (08:08:55AM)

باشا انا معايا الموبيلين يعنى انا هقولك على المفيد أولا البطاريه فرق السما من الأرض لصالح البرو لايت
ثانيا الشاشه لو جبت الاتنين جمب بعض مش هتحس باى فرق مش عارف هما كاتبين ليه true hd
ثالثا الكاميرا رغم ان الاتنين زى بعض ونفس الرزيليوشين مش عارف ليه شايف ان البرو لايت كامرته اقوى بكتير من 4x
رابعا وده الأهم البطئ الشديد في الموبايل بسبب الميمورى بتتملى بسرعه وده سبب البطئ مع انه معلهوش برامج كتير يمكن اقل كمان من البرو لايت رغم انه رباعى النواه

AhmedSaad32

2014-06-30 (02:39:49AM)

Alikhaled
لو حضرتك جربت الموبايلين هتعرف الفرق في ايه
1- ال G pro lite البروسيسر 1 Dual Core (MediaTeck
وال P880 البروسيسور 1.5Ghz كواد كور
كده الجي برو لايت مش موجود في مقارنة البروسيسور مع ال 4X

2 - كارت الفيجا الموجود في ال p880 احسن بكتييييير اوي مع الموجود في البرو لايت
3- ودا الأهم ال p880 واخد سكور 14000 على Antutu Bench mark
و ال جي برو لايت واخد سكور 8000
فين المقارنة اساسا

AhmedSaad32

2014-06-30 (02:48:26AM)

waelgam2005
بص حضرتك الحاجه الوحيدة المتفوق فيها ال جي برو لايت هيا البطارية بس
ولو حضرتك معاك ال p 880 زي ما بتقول نزل برنامج Battery Doctor وشوف الفرق

لكن باقي الأمكانيات بيتفوق فيها ال p 880 عن جدارة
حضرتك كده جرب تنزل برنامج Antutu BenchMark علي التليفونين وشوف المقارنة ما بينهم عامله ازاي
لأن ال P880 لبتقارن ب الأجهزة دي بس زيHTC One X - Sasmsung Galaxy S 3 - Nexus 4 -
وال جي برو لايت ماينفعش يتقارن بال<هزة دي

Alikhaled

2014-07-01 (02:31:22AM)

صديقى بجد انا عارف ان ع الورق موبيل p 880 يتفوق بجدارة عن البرو لايت

بس بجد لو مسكت موبيل البرو لايت نظرتك عن الجهاز هتختلف 180 درجة

اولا عشان متلغبطش نفسك خش على موقع gsm مش هقولك خش على صفحة موبيل p880 وشوف تعليقات الاجانب وبيشتكوا ازاى من الموبيل ده ومشاكله ف البطارية حتى مع البرامج الوهمية اللى ملهاش اى تلاتين لازمة

موبيل البرو لايت مافيش لعبه تقيله بتقف قصاده وعن تجربة منزل لعبه اسفلت 8 مافيش اى تهنيج ولعبه fifa 2014 مافيش بردوا اى تهنيج ومافيش السخونه الفظيعه اللى موجودة ف موبيلات السامسونج

بالنسبة لموبيل p880 لمجرد التفكير بس ان بطاريته ضعيفة دي تخلينى اقلق منه حتى لو قوى ف تشغيل الالعاب وانا عارف انه رهيب ف الالعاب وده كان اول موبيل قررت اجيبه ف الاندرويد

بس مع الوقت كنت متابع صفحة الموبيل ولاحظت ان معظم الاعضاء بيشتكوا من البطارية والسخونيه

بعد كده فكرت ف النيكسوس 4 وبصراحة كنت مقتنع بيه وكان فيه عضوة اسمها تقريبا ولاء كانت مخليانى مقتنع بيه بس للاسف النيكسوس معروف بردوا ان بطاريته ضعيفه وانا استهلاكى ف النت فظيع بجد

اما شوفت موبيل البرو لايت واتاكدت ان الموبيل بطاريته جامدة زائد انه بيشغل الالعاب التقيلة مع انى مش من هواه الالعاب اوى بس عرفت انه بيدوس ف اى لعبه

لاقيت ان استخدامى للموبيل ده هيكون احسن بكتير من النيكسوس وال 4x لان مقومات الجهاز مساعداك انك تعمل مكالمات براحتك + النت اللى تقدر تشتغل عليه + الالعاب ومش هكدب عليك لو قولتلك الجهاز بيعد معايا على مدار اليوم العاب ونت ومكالمات ومش بيفصل منى والله زي ما بقولك بستهلك الجهاز طول اليوم ف الشغل وعمرى ما شيلت هم للبطارية

ف انت لو استخدامك خفيف يعنى تلعب الالعاب التقيله كل فترة واستخدامك ع النت متوسط والمكالمات مش حريقة يبقى اشترى الـ 4x بس لو انت هتمسك موبيل تبهدله معاك فـ البرو لايت ابن ناس اوى وهيعجبك بجد وسيبك من الكلام اللى ع الورق خليك ف الناس اللى جربت

تلك الخدمة مخصصة للأعضاء فقط