تقييم للهاتف

للرجوع الي صفحة ال جي G Pro Lite Dual الرئيسية اضغط هنا

drizzyman

2014-06-13 (06:24:37PM)

كنت رايح أشترى الديزاير 816 ومش لقيته فاشتريت البرو لايت كحاجه مؤقته
بدون شك التصميم ممتاز حواف صغيره وإطار معدنى شيك وخفيف نسبيا
الصوت الخارجى بتاعه حلو بس ف السماعه مش حلو ولازم تشترى سماعه محترمه بالنسبه لمحبى الأغانى يعنى
صوت المكالمه متوسط مش زى سامسونج طبعا
الكاميرا سيئه ومش حلوه ومبتصورش فيديو 1080
مشغل الفيديو سيئ ومبيشغلش إمتداد 1080 .... يعنى مشغل على قده خالص
الشاشه كويسه والتاتش ممتاز بس بردو البكسليشن عامل مشكله ف تباين ووضوح الأشياء
البطاريه كويسه على ما أعتقد عشان ده لسه أول يوم
الأداء مقبول بس تقيل وخصوصا لو نزلت لانشر
الألعاب العاديه بتشتغل زى الفل ومفيش مشاكل
مكان سماعات الصوت سئ للغايه عشان وضعيه الألعاب بتخليك تدارى عليهم والصوت مابيظهرش
ف حاجات لسه مجربتهاش بس هو ده مجمل محصله الإستخدام
ودايما بيكون التقييم مفيد خصوصا من ناس مسكت سوبر سمارت فونز ....خلى بالكو من النقطه دى
الموبايل مقبول بالنسبه لسعره
ولو هتحط السونى سى جمبه السونى هيكون هو الفائز
ده رأيى ....شكرا

starwalker

2014-06-13 (11:37:08PM)

مبروك للتليفون و شكرا لتقرير هل تنصحني اني اشتري البرو لايت ام السامسونج جراند 2 محتار بينهم بصراحة

drizzyman

2014-06-14 (04:00:05AM)

هات الجراند2

mnagib2010

2014-06-14 (12:28:51PM)

بيشغل كل الفيديوهات بجميع الامتدادات والاحجام حتى 1080. بس حضرتك تسطب مشغل كويس زي mx player.

marwamaro

2014-06-14 (12:56:31PM)

تصدق فصلتنى :D انا اتصدمت من كلامك كنت فاكراة الموبايل ايلى محصلش بس طلع عيوبة اكتر من مميزاته وانت عارف ان ال LG مش بيتباع مستعمل بسهولة واضح انى هخلينى فى جراند 2 افضل

drizzyman

2014-06-14 (04:21:53PM)

الموبايل ليه مميزات كتيره بالنسبه لسعره
عندك الشاشه كبيره وكويسه كويس للألعاب المتوسطه فيه خطين تصميمه جميل جدا البطاريه قويه الصوت بتاعه كويس طبعا ومش بيسخن
لكن الجانب التانى من الكوبايه
الكاميرا والفيديو 1080 والأداء تقيل وطبعا الحاجات التلاته دى أساسيه جدا بمعنى الكاميرا مهمه جدا وتشغيل الفيديو مهم جدا والأداء عشان مش كل شويه يهنج
ممكن أتغاضى عن بعض العيوب وأتعايش معاها زى الصوت مسلا

drizzyman

2014-06-14 (04:23:38PM)

طبعا من غير ماتقول نزلت ال mx player pro واشتغلت فعلا بس 10 ثوانى والفيديو يقف والصوت بييجى متأخر عشان كارت الشاشه مش قادر يتعامل مع الإمتداد العالى

Mo2menCR7

2014-06-14 (04:47:24PM)

اي نعم انا مش معايا الموبايل بس ناوي اجيبه بس
حضرتك قولت كلام مختلف تماما عن باقي الاعضاء .. الكاميرا اه مش 1080 بس 720 برده وده مش وحش .. مفيش اي تهنيج ف الاداء ع حسب قولهم .. من غير زعل يعني حضرتك الوحيد ال مطلع القط الفاطس ف الموبايل ده :D ..

drizzyman

2014-06-14 (05:41:15PM)

هو كويس بالنسبه لسعره وانا كنت شايل سونى سى ونوت3 واس4....فكتبت اللى لقيته والله ممكن يكون الموبايل إللى معايا ف حاجه....

mnagib2010

2014-06-14 (07:20:18PM)

حضرتك انا بتفرج على افلام 1080 على الموبايل وحجم الفيلم بيعدي ساعات ال 2 جيجا وبيشتغل بكل سلاسة كمان.

Mo2menCR7

2014-06-14 (10:10:29PM)

الله اكبر ظهر الحق :D

drizzyman

2014-06-14 (10:48:42PM)

ده انا كدا موبايلى دا مضروب...هو مكتوب عليه made in china by lge
والموديل اسمه lg-d686
وكمان عندى مشكله مش بيحمل من جوجل بلاى نهائى بيفضل يجيب خط كدا ومش بيعد خالص
ياريت لو عندك حل للمشكله دى تفيدنى

al3bd

2014-06-15 (05:27:41PM)

على فكرة الكاميرا الخاصة بجهاز ال جي برولايت روعة جدا على عكس كلامك ده تقدر تقول عليها 13 ميجا بيكسل ...........وعلى فكرة انا كان معايا النوت 2 وعملت مقارنة مع البرولايت فرق بين السما والارض .طبعا لصالح البرولايت ........بص من الاخر ال جي هي الوحش القادم في اجهزة المحمول ......واسف اقدر اقول بما اني كنت مستخدم لاجهزة سامسونج انها راحت عليها لاسباب كتير ...........وممكن ترجع لتقرير قديم انا كنت منزله هنا باسم ......وداعا سامسونج مرحبا ال جي وهتعرف السبب.........واخيرا الاختلاف في الراي يلا يفسد للود قضية وده راي الشخصي ولكن عن تجربة..

Amanyy

2014-06-16 (04:11:30PM)

طيب بعد اذنكم .. ايه انسب ماركة فى التابلت .. و يكون السعر متوسط و الامكانيات كويسه ؟
السؤال التانى بعد اذنكم .. بجد كلامك حيرنى بين السونى و ال جى مع انى كنت مقرره انى هجيب ال جى بس الكلام على الفيديو و الكاميرا و عيوبهم دا ايه ظروفع و كمان فى ناس بتقولى ان البروسيسور بتاع السونى اكسبيرا سى اقوى من ال جى برو لايت ؟
بليز التوضيح

Mo2menCR7

2014-06-16 (05:21:30PM)

التابلت مليش فيه
ال جي افضل من السي .. وتصوير الفديو حلو جدا 720 .. تشغيل الفديو والكاميرا ده تقريبا عيب فردي عن الاستاذ drizzy لان زي م حضرتك شايفة باقي الاعضاء الافاضل بيشغلو 1080 عادي والكاميرا نقية جدا ومفيش تهنيج ولا سخونة وفيفا 14 واسفولت 8 وحاجة فل .. انا هشتري ال جي لان شفت كلام كتير من اعضاء كتير مصريين واجانب عن الموبايل ومحدش قال انه في عيوب .. ومش هقف ع رأي واحد بيقول انه في عيوب مع احترامي لصاحب الرأي :)

drizzyman

2014-06-16 (07:51:00PM)

ف التابلتس سامسونج رقم واحد ......ف أنواع تانيه زى asus وlenovo بس معرفش عنهم حاجه
ف تابلتس لسام زى......tab 3 8......tab 3 7
بس أنا عن نفسى مش أفضل أشتريهم عشان إمكانيات متواضعه
لكن التابس الجديد زى مسلا تاب 8.4 ....وده لسه هينزل ....أتمنى طبعا إنى أشتريه
وفى تاب ل huawei أتمنى برده إنى أشتريه ...إسمه ...mediapad x1
لكن عموما أنتى ممكن تشترى البرولايت أو الميجا 5.8....كويسيين ...وفعلا قد يكون البرولايت إللى معايا إستثائى عشان الدنيا كلها بتشكر فيه ....
وشكرا للأعضاء المحترمه إللى علقو وأكيد بنستفيد منهم وشكرا ليهم قبول الرأى الأخر حتى لو مخالف

mostafa2014mahemoud

2014-11-12 (02:17:43PM)

للا سف التليفون البرولايت لايعيبه شئ سوي الكاميرا اسوأ من السوء كاميرا تحسها vga والله كاميرا سيئه جدا
ثانيا مكان الخط رقم واحد بس هو اللي بيشتغل 3g مكان خط رقم 2 اخره edge مبيشتغلش 3g ابدا
بس من وجهة نظري مفيهوش حاجه تانيه

تلك الخدمة مخصصة للأعضاء فقط