محتار ما بين HTC 816 و البرو لايت

للرجوع الي صفحة ال جي G Pro Lite Dual الرئيسية اضغط هنا

Alikhaled

2014-06-03 (10:34:04AM)

انا عارف ان فرق السعر كبير بس هل فعلا موبيل البرو لايت يقدر يغنينى عن دفع فرق السعر ده

مع العلم انى هحتاج الموبيل للالعاب التقيلة والنت هعد عليه كتير وشوية تصوير ومش من هواه التصوير اوى

ولا احوش كمان 1000 جنيه واجيب الـ HTC مع العلم انى اول مرة اشيل اندرويد

وفـ نفس الوقت مش عايز اغير كتير فـ الموبيلات

تنصحونى باية ومستنى رد الاستاذ وليد

waleedsunny

2014-06-04 (12:04:38AM)

ولا ده هاينفعك وال 816 هاينفعك
لسبب بسيط جدا - حضرتك كاتب انك عايز موبايل تحمل عليه العاب تقيله
البرو لايت وال 816 مساحة الذاكرة بتاعتهم 8 جيجا والصافى 4.5 جيجا لكل جهاز بعد السوفت وير
البرو لايت مابينقلش البرامج والالعاب لكارت الذاكرة اصلا
ال 816 بينقل البرامج والالعاب بنسبة 80% من مساحة البرنامج او اللعبه اللى مساحتهم اقل من 100 ميجا وبيخلى 20% على الجهاز لكن اللعبه اللى مساحتها اكبر من 1 جيجا بينقل بالكتير قوى 100 ميجا لكارت الذاكرة وبيخلى الباقى على الجهاز
يعنى انت كبيرك قوى لو عرفت تحمل لعبتين كبار على اى جهاز منهم
لان مساحة مثلا اسفلت 8 1.38 جيجا ومساحة ريل ريسنج 3 حوالى 1.4 جيجا وهكذا
انت محتاج جهاز ينقل الالعاب لكارت الذاكرة الخارجى عشان موضوع الالعاب دى
وبعدين ماينفعش اول مرة تشيل اندرويد تجيب جهاز غالى تتعلم فيه
افرض مارتحت للاندرويد ايه العمل ساعتها
وخلى بالك اى جهاز بيتحط فيه شريحة ويتعمل منه مكالمه بيقل حوالى 200-300ج عن سعره فى البيع يارب حتى لو بعد ساعة واحدة من الشرا

Alikhaled

2014-06-04 (01:08:18AM)

طب تنصحنى بموبيل اية ؟؟؟ ومعايا مبلغ 2000 جنيه

waleedsunny

2014-06-04 (10:07:02AM)

الاجهزة اللى بتغل العاب بكفاءة عاليه وبتسمح بنقل البرامج والالعاب لكارت الذاكرة
هواوى G610 ب 1500ج بالضمان فى موبايل شوب بفاتورة ضريبيه
هواوى G730 ب 1800ج بالضمان فى موبايل شوب بفاتورة ضريبيه
جلاكسى جراند1 ب 1875ج ضمان دولى
سونى سى ب 1850ج بالضمان ( مع انى مابفضلوش ) لكن الفلوس تحكم

Alikhaled

2014-06-04 (10:40:48AM)

هواوى G610 مشكلته معايا هتبقى البطارية والكاميرا مع انى مش من هواه التصوير بس هى اقل من المتوسطة ده غير انه مالوش قطع غيار يعنى لو الشاشة طارت شكرا كده

هواوى G730 النسخة المصغرة من الـ G610 فرق حجم شاشة بس وبروسيسور

جلاكسى جراند1 مشاكل كتير اوووووووووى وناس كتير مبتنصحش بيه

سونى سى مش من هواه السونى

هجيب البرو لايت ومش هنزل غير لعبة اسفلت 8 ولعبه زومبى مش فاكر اسمها اية وباقية الالعاب هتبقى خفيفة

تلك الخدمة مخصصة للأعضاء فقط