من فضلكوا حد يرد عليا

للرجوع الي صفحة ال جي G Pro Lite Dual الرئيسية اضغط هنا

asmas

2014-04-21 (09:52:23PM)

انا معايا الموبايل ده بس عندي مشكلتين اولا مش عارفه زووم الكاميرا منين الزرار الي ف الجمب مش بيعمل زووم ثانيا انا بختار شريحة 2 للاتصال طول الوقت هو بيحول لوحده لشريحه 1 مع اني مش مفعله ميزة تقليل التكلفه ولا حاجه انا عايزاه يفضل علي طول يطلب بالشريحه الي انا مختراها من الزرار الي تحت علي اليمين ده بس وميغيرش من نفسه ياريت كمان حد يقولي هو الموب بينزل من غير كتالوج لاني مفيش كتالوج معاه ... شكرا

Youba

2014-04-21 (11:19:15PM)

شوفى يا فندم افتحى الكاميرا عادى و دوسى على اليكون اللى شبه الترس اللى فالشاشه هتلاقى قائمه كبيره ظهرت و فيها حاجه اسمها volume key هتدوسى عليها و تختارى تخلى زرار الصوت يبقى تصوير ولا زووووم و طبعا هتختارى زووم و بعده تقدرى تعملى زووم من زرار الصوت اللى فى الجنب.

موضوع الشريحه انا مبيحصلش معايا كده مع انى مختار الشريحه 2 للاتصال و مبتحولش لوحده حضرتك فعلى ميزه تقليل التكلفه cost save mode و ان شاء الله مش هتتحول لوحدها تانى .

الموبايل مبينزلش معاه كتالوج بينزل دليل التشغيل فقط

waleedsunny

2014-04-22 (12:16:48AM)

بخصوص الزووم زى ماقال استاذ Youba
لكن بخصوص تغيير الخط اتوماتيك دى حاجه اتوماتيك موجوده فى الموبايلات الحديثة اللى بخطين وانا كان بيحصل معايا كده وبرده حصل معايا كده فى سامسونج
وهى انا معايا خط اتصالات فى 1 وفودافون فى 2
لما اكون مخلى الشريحه على اتصالات ويجى حد يتصل عليا من خط فودافون او موبينيل وارد عليه اتوماتيك الجهاز يغير السويتش ويبقى الاتصال من فودافون والعكس
دى حاجه عاملينها ان الجهاز يتحول اتوماتيك من نفسه على نفس نوع الخط اللى بيتصل عليك
ودى حصلت معايا فى كل الموبايلات اللى بخطين فى سونى والبرو لايت وفى كل سامسونج
وتحت امرك فى اى استفسار على الخاص عشان اصبحت قليل الدخول على التعليقات

al3bd

2014-04-22 (09:29:27AM)

بالنسبة للزوم زي ما ذكر الاخوة الافاضل استاز وليد الخدوم ... واستاذ يوبا ......وممكن استخدام الاعدات الافتراضية للزوم عن طريق ضم الاصبعين او توسيعهم على شاشة الكاميرا لعمل الزوم ثم الالتقاط من الزرار الجانبي لان ده بيققل من اهتزاز الموبيل وال تحكم بيكون افضل ....او على حسب الراحة مش هتفرق كتيير
اما بخصوص ان ال شريحة بتنقل لوحدها ده مبيحصلش معايا يعني لو انا مثبت الشريحة على شركة stc ,وجالي تليفون على شركة mobily ...بتفضل الشريحة زي ما هي على شركة stc ....فمعرفش هل ده بيختلف على حسب الشبكات في كل دولة ولا ايه ....ولكن استاذ يوبا بيقول ان ده مبيحصلش معاه
مع العلم ان الاعدات الافتراضية في حالة تشغيل شريحتين على الموبيل بتتحول اوتوماتيك الى تفعيل اوبشن (ميزة تقليل التكلفة ) وده اللي عندي ....
فانا انصح حضرتك انك تفعل خاصية (ميزة تقليل التكلفة ) وتشوف ايه النتيجة ....وتعرفنا عشان يستفيد باقي الاعضاء
والموبايل بدون كتالوج ...وبالتوفيق

asmas

2014-04-22 (10:47:24AM)

انا متشكره جدا علي ردكوا عليا الكامرا عملتها فعلا واشتغل الزووم معايا كويس وبالنسبة لميزة تقليل التكلفة فهي محلتش المشكلة ولا حاجه بالعكس انا مش شايفلها اي لازمه اساسا وانا كان معايا موبايل قبله بشريحتين ومكنش فيه التكلفه دي كان s dous ومعلش هسألكوا علي حاجه كمان هي مشكلة فاي موبايل جديد الاسماء مش بتظهر كامله يعني مثلا بيظهر الاسم احمد بس وميكملش الاسم وانا طبعا مش ممكن هفتكر باقي الاسم عشان اكمله خصوصا ان الاسماء بتتكرر فانا اخلي الاسماء تظهر كاملة زي مانا مسجلها اول مره علي التليفون القديم ازاي تاني حاجه اني بحب اعمل مجموعات عشان افصل بين ارقام الشغل وارقامي الخاصه وده مش بينفع غير علي الارقام المسجلة علي التليفون فقط وانا مش بحب انقل الاسماء علي التليفون لاني بنقل الشريحة كتير ...... اسفة اني بتعبكم معايا وشكرا جدا علي ردكوا

starwalker

2014-04-22 (03:17:07PM)

حضرتيك كده قلقتيني من موضوع الاسامي عشان انا عاوز اغير التليفون الي معي الي هو الكاتيل بسبب الموضوع ده ان لما بكون مسجل اسم علي السيم كارد مش بيظهر في التليفون و لما حد بيتصل مش بيقراء الاسم و انا برده بغير اكتر من شريحة و كمان معي خط داتا هل العيب ده موجود في كل التليفونات الاندرويد ولا ايه و هل ليه حل يارب حد يفهمني عشان مرميش فلوسي في تليفون و فيه نفس العيب

asmas

2014-04-22 (04:12:43PM)

لا هو بيقرا الاسماء الي علي الشريحة انا اصلا كل الاسماء عندي علي الشريحه المشكله انه مش بيكمل باقي الاسم زي اي موبايل جديد المشكله دي مش اول مره اشفها في موبايل جديد كمان عشان تعمل مجموعات للاسماء لازم تنقلها علي التليفون الاول وده هيكون صعب بالنسبالي لان الموبايل الي قبله لما اتكسر مني معرفتش انقل الاسماء من علي التليفون وطبعا خسرت اسماء كتير مهمه وعلي فكره الموبايل حلو وانا الحمد لله مندمنتش اني جبته موضوع الاسامي ده ان شاء
الله حد يلاقيله حل

waleedsunny

2014-04-23 (10:49:38AM)

بصوا ياجماعة انا بطلت ارد على تعليقات واصبحت ارد على الخاص فقط
لكن الموضوع ده اللى بتتكلموا فيه لازم اوضحوهلكوا
حضرتك الاسماء على الشرايح بتاخد عدد معين من الحروف وبتختلف من شركة للتانيه كمان فى عدد الحروف المسموح بيها على السيم
يعنى على فودافون بيسمح ب 16 حرف - لكن اتصالات بيسمح بعدد كبير واكتر بكتيير وانا جربت ده بنفسى دلوقتى
لكن لو حفظت الاسم على الجهاز فا انت حر فى عدد الحروف اللى تكتبها يارب تكتب الاسم خماسى
وعلى فكره برده بيختلف من موبايل لموبايل يعنى لو حاطط الشريحه فى موبايل قديم وجيت تكتب على تحفظ الاسم على الخط هاتلقيه بيسمحلك بعدد اقل فى حدود 10 حروف فقط
فالعيب ان حضرتك كنت حافظ الاسماء على الخط فى موبايل اخر بيسمح بعدد محدد من الحروف على الخط
وفى كمان حاجه مهمة جدا ودى بتحصل من 90% من الاعضاء
انه يكون حافظ الاسماء على الجهاز وطبعا كاتب الاسم براحته كامل ولما يجى يشترى موبايل جديد ينقل الاسماء على السيم ( اللى بيحصل ان السيم بيخزن عدد الحروف المسموح بيها فقط انه يحفظها فا يمسح اخر حروف طبعا ) وبعدين ياخد السيم ويحطها فى الموبايل الجديد فالجهاز هايقرا الاسماء اللى موجوده على السيم بعد مايكون حذف الحروف الاخيره الزياده عن النسبة المسوح بيها للحفظ
يعنى اى موبايل من اى ماركه مالوش دخل فى الموضوع ده

starwalker

2014-04-24 (01:02:23AM)

طب و المشكله ديه يا استاذ وليد ينحل ازاي ان الموبيل يقراء الاسم

saber127

2014-05-06 (04:17:34PM)

يا جماعه في مشكله كان اتكلم فيها الاعضاء وهي عدم ظهور الاسماء بالكامل و استاذ وليد شرح المشكلة باستفاضه وقال ان المشكلة ان انت بتحفظ الاسم و كاتبه بالكامل علي التليفون و بعد كده لما بتجيب موبايل تاني بتنقل الاسماء علي الشريحه عشان تاخدها علي الموبايل الجديد فالشريحه ليها عدد معين من الاحرف لحفظظ الاسماء فبتاخد العدد ده من الاحرف من اول الاسم و مبتاخدش باقي الاسم لان كل شريحه و بتسمح بعدد معين من الاحرف
احب ازيد ان الحل لهذه المشكله انك و انت بتختار مكان حفظ الاسماء تخذنها علي حساب جوجل مش الهاتف ولا الشريحه و بكده الاسماء هتفضل متخذنه علي جوجل علطول يعني لو جبت موبايل تاني ايا كان نوعه اندرويد او حتي الاي فون ليه ابليكيشن برضه بيخزن علي حساب جوجل او فقد و اشتريت واحد تاني تدخل بنفس حسابك علي جوجل و تعمل sync هتلاقي كل الاسماء جتلك و متخذنه بالكامل و حتي لو مخزن كذا رقم في نفس الاسم هتلاقيهم كلهم و انت لو مش عامل كده و مخزن الاسماء علي الهاتف تخش علي contacts و تدوس settings و تختار import/export و تختار import from sim or import from internal storage علي حسب انت مخزن الارقام فين و بعدين تختار حساب جوجل و بكده الاسماء كلها تتنقا علي جوجل عشان لو لاقدر الله حصل حاجه ترجعها في اي وقت بانك تدخل settings تختار accounts & sync و تختار google و تدوس علي account name اللي انت داخل بيه و تدوس علي contacts عشان يعمل sync و الخطوه دي لو انت بتحفظ الارقام علي جوجل ابقي اعملها كل فتره عشان الارقام الجديده تروح لحساب جوجل علي النت كمان ده طبعا لو انت مش مشغل auto sync عشان مياكلش من النت و البطاريه و بتعمل sync يدوي

تلك الخدمة مخصصة للأعضاء فقط