بخصوص الشريحتين

للرجوع الي صفحة ال جي G Pro Lite Dual الرئيسية اضغط هنا

starwalker

2014-04-16 (01:02:05AM)

سؤال هو الشريحتين بيشتغلو في نفس الوقت ولا كل مرة لازم ادوس علي الزرار الي تحت ده عشان اختار الشبكة الي هتصل بيها و هل كل شبه ممكن اخصص ليها نغمة معينه ولا لا و ممكن اخصص نغمة لكل متصل ولا مافيش الخصائص ديه

Youba

2014-04-16 (02:03:53AM)

الشرحتين بيشتغلو مع بض و انت بتتكلم لو جتلك مكالمه على شريحه التانيه هتلاقيها بترن عادى , و طبعا الزرار اللى تحت ده علشان تختار انت عاوز تتكلم من انى شريحه , و ينفع تخصص نغمه لكل شبكه من system settings >>>> و بعدين sounds هتلاقى sim 1 phone ringtone و تحتها sim 2 phone ringtone
و نغمه لكل متصل اكيد موجوده بس انا لسه مشوفتهاش و بس كده ^_^

mohamed790

2014-04-16 (04:02:44AM)

انت جبت الموبايل ده بكام واخبار البطاريه والكامبرا بتاعته ايه منتظر ردك
وياريت تعملنا تقرير عن الموبايل عشان بفكر انى اجيبه وشكرا مقدما

Youba

2014-04-16 (05:57:14AM)

الموبايل كان ب 2499 فى موبايل شوب و كارفور و بى تك بس على حظى امبارح نزل فى موبايل شوب بقى ب 2200 بس ا.وليد قالى انه بيتباع فى دريم 2000 و 888 بحوالى 2990 يعنى فرق 200 ج و اكيد حضرتك عارف ان موبايل شوب بيبقى دايما اغلى من السوق ب 200 او 300 ج ده موضوع السعر
تانى حاجه حبيت اجرب البطاريه اول مفتحت الموبايل كانت حوالى 74% فتحت واى فاى و فتحت الضوء بتاع الشاشه عالاخر و عملت دونلود حوالى سعتين و لعبت شويه جيمز و شات بس مكنش كتير و عملت اكتر من 20 مكالمه برده فيهم مكلمتين كانو داخلين على ساعه و روحت و لعبت جيمز تانى و شات برده و دلوقتى بنزل لعبه اسفلت بقالى ربع ساعه و بلعب كاندى كرش دلوقتى و الموبايل وصل معايا 8% حاجه ماشاء الله جباره جدا
موضوع الكاميرا ناقيه جدا و صورت الغرفه عندى و هى سوده كحل بالفلاش طبعا الصوره طلعت جميله جدا و التفاصيل باينه كمان
من الاخر اتوكل على الله و هاتو الموبايل اللهم صلى عالنبى مينفعش يتوصف , و ده لينك فى اراء من دول اخرى عن الموبايل و صدقنى مش هتندم علشان انا بقالى شهرين بدور على موبايل لحد ما خدت القرار امبارح و نزلت اشتاريته ^_^

اتوكل على الله

mnagib2010

2014-04-16 (09:32:50AM)

الشريحتين مش بيشتغلوا مع بعض. في حاجة اسمها سمارت فوروارد وهي ان المكالمة بتتحول من شبكة للتانية في حالة لو واحدة فيهم مشغولة. وكمان في حاجة ممكن تخصص contacts معينة لشبكة من الاتنين. يعني مثلا ارقام فودافون تتصل من خط فودافون حتى لو كنت مختار الشبكة الاخرى. وبالنسبة للنغمات زي ما قال الاخ الكريم ممكن تعمل نغمات لكل سيم وكل شخص لو تحب

Youba

2014-04-16 (02:42:38PM)

ا. محمد اتفضل السعر الاخير اهو على لسان أ. mnagib2010

mnagib2010
الموبايل موجود في 888. سألت عليه من. اربعة ايام وكان 1980. ممكن يكون رخص كمان 20 او 40 جندي.

starwalker

2014-04-16 (04:31:25PM)

شكرا ليكم انا عاوز مساعدتك تقولولي اجيب الموبيل ده ولا سامسونج س دوس 2 انهي فيهم مش بيهنج

Youba

2014-04-16 (06:36:09PM)

عن نفسى الموبايل ده مفيهوش اى غلطه لحد دلوقتى انا لسه جايبه امبارح و نفخته جيمز علشان مدمن العاب بصراحه :D
و ماشاء الله عليه حاجه صاروخ و غريب جدا على البروسيسور بتاعه والرامات مكنتش متوقع سرعته كده
اتوكل على الله و ربنا يعينك ان شاء الله

starwalker

2014-04-16 (07:40:22PM)

مبروك عليك الموبيل يا youba بس في فديو علي اليوتيوب بيقول ان الجهاز بيهنج لو استخدامك كتير علي الجهاز و انا ده الي مقلقني عشان انا معي تليفون الكاتيل xpop مهنج مني طول الوقت و مش بيفتح لا فايبر ولا واتس اب ولا حتي بقدر اعمل مكالمة غير بعد فترة من الزمن و ده مقلقني و مش عاوز كل شويه اغير في عدة تليفون

waleedsunny

2014-04-17 (11:34:48AM)

أستاذ starwalker
مافيش اى وجه مقارنه بين البرو لايت والاس دوز2 ( مع واحد زميلى بيهنج بشكل بشع فى الاستخدام الخفيف جدا لسه جايبه من اسبوع )
ال جى اصلا ماشاء الله غير سامسونج اصلا تهنيجه اقل بكتير وده عن تجربة الاتنين

Youba

2014-04-17 (03:39:07PM)

star walker الله يبارك فيك
الموبايل جميل جدا جدا جدا مهما اتكلمت عنه مش هتحس بكلمى الا لما تستعمله و لما قرأت كلامك فتحت لعبه subway و سبتاها شغاله و عملت شات عالفيس بوك و شات عالوتس و عملت دونلود من عالماركت و كل ده شغالين مع بعض و الحمد لله مفيش اى تهنيج و لا حاجه ابدا ما شاء الله
فعلا الامكانيات اللى مكتوبه عن الموبايل تحس انها غير اللى معموله منه تقريبا الشركه بتغزى العين :D
و فى واحد صاحبى معاه سونى experia C وكنت هجيبه بس لما جربته معاه شويه حاسيت انه موبايل غالى عالفاضى ممكن علشان اسم الشركه مش اكتر المهم لما عرف انى نويت اجيب LG فضل يقولى لأ وشركه وحشه و ازاى و حرام 2200 فى LG المهم لما شافه معايا امبارح بيقولى تبدل الموبايلات و كان عاوزنى اسيبه :D :D
اتوكل على الله اولا
و كن واثق جدا من كلام أ.waleed sunny و اسمع كلامى الموبايل جميل ما شاء الله و ان شاء الله مش هتندم

mohamed790

2014-04-17 (04:27:16PM)

Youba
تسلم اخى وربنا يباركلك فيه واضح انه موبايل محترم
ياريت بقى تقولى الوان الشاشه عامله ايه معاك حلوه وزاهيه واخبارها ايه ف الشمس بتشوف الشاشه كويس وحجم الموبايل اد الجراند ولا اكبر لانى شايف ان حجم الشاشه مكتوب انه اكبر من الجراند معلهش بسال كتير انت عارف اللى عايز يشترى موبايل بيبقى محتار وشكرا مقدما اخى

Youba

2014-04-17 (05:05:40PM)

برحتك و انا تحت امرك اسأل فى اى حاجه
الوان الشاشه جميله جدا و هاديه عالعين بصراحه شايفها افضل من السونى اكسبريا C اللى معى صاحبى علشان ده اللى عرفت اقارن بينهم امبارح بس لسه لما اشوف باقى اصحابى هقارن و هعرفك ان شاء الله بس هو مبدأيا مريحلى عنيه جدا الحمد لله
فى الشمس الموبايل على 0 Brigtness و الحمد لله شغاله جميله جدا كنت فى مشوار عالدائرى انهارده الصبح حوالى الساعه 11 و شغاله تمام
اما موضوع الجراند أ. waleed يفيدك فيه او اى عضو محترم تانى لانى مجربتش الجراند او عملت مقارنه عملى

mohamed790

2014-04-17 (05:09:34PM)

نسلم اخى على المعلومات القيمه
وفى انتظار الاستاذ وليد عشان يقولنا حجم الموبايل والشاشه بيقرق عن الجراند ولا ايه النظام
شكرا ليك مره تانيه اخى

Youba

2014-04-17 (05:41:30PM)

العفو يا استاذ محمد تحت امرك فى اى حاجه :)

waleedsunny

2014-04-17 (10:49:48PM)

انت قصد حضرتك جراند 1 ولا 2
هو عامة اكبر من اﻻتنين لان هو 5.5 بوصه
لكن جراند1 5 بوصه وجراند 2 5.25 بوصه
لكن الشاشة بتاعته IPS افضل من شاشة الجراند عامة عشان TFT
بطارية ال جى اقوى بكيييييير جدا
لكت اوبش واكسسوارات الجراند برده اكتر بكتييير جدا
ياجماعة ماتتعبوش نفسكوا - الكمال لله وحده
كل موبالي ليه عيوب ومميزات المهم انك تختار اكتر حاجه تلبى احتياجتك بصرف النظر عن عيوبها ومميزاتها