بدون عنوان

للرجوع الي صفحة ال جي G Pro Lite Dual الرئيسية اضغط هنا

01275769955

2014-03-28 (12:24:17PM)

بعد اذنك يا استاذ وليد .. انا عايز اعرف ليه الموبايل ده احسن من السونى سي بصراحه انا مستغرب من رأيك فى سونى سي لانه مع كل الناس وشغال كويس جدااا وحضرتك دايما بتقول بلاش السونى سي من غير ما تقول السبب ... واتشرف بوجودى معاكم هناااا :)

waleedsunny

2014-03-29 (12:01:01AM)

أولا احنا اللى اتشرفنا بوجود حضرتك معانا وتحت امرك فى اى استفسار
حضرتك انا بقول للناس بلاش السونى سى حاليا من غير ما اقول اسباب لانى قولت وشرحت باستفاضة المقارنه بينهم والاسباب اللى تخلى البرو لايت افضل بكتير من السونى سى وده عن تجربتى لانى اشتريت الاتنين - ورأى زميلى اللى اشترى منى الجهازيين السونى سى والبرو لايت ولحد انهارده بيقولى ان في فرق شاسع بينهم لصالح البرو لايت
الاسباب
شاشة البرو 5.5 بوصه صافى IPS
شاشة السونى 5 بوصه الصافى 4.8 لان زراير التحكم داخله ضمن مساحة الشاشة TFT
بطارية البرو 3140 - السونى 2390 وبتيجى عند نسبة 30% وتسقط مرة واحدة ل 15% وبعد كده تتناقص بسرعه
البرو سماعتين ستريو عاليين جدا ماشاء الله - السونى صوت سماعة النغمات متوسط ولازم تحمل نغمات عاليه
كاميرا البرو افضل نسبيا - السونى كويسه بس لازم تثبت ايدك زياده عن اللزوم عشان الصورة تطلع كويسه
برسسور السونى رباعى بس A7 ( ضعيف نسبيا ) - البرو ثنائى بس A9 اقوى فعليا من A7
الاتنين برسسور وشيبات ميديا تك
مساحة البرو 8 جيجا الباقى منها 4.8 جيجا ومابينقلش البرامج والالعاب لكارت الذاكرة الخارجى
مساحة السونى 4 جيجا الصافى 590 ميجا بعد عمل ابديت لبرامج الجهاز الاساسية و 1.2 جيجا لاى ملفات داتا زى الصور والفيديوهات والاغانى بس بيسمح بنقل البرامج لكارت الذاكرة الخارجى
صوت سماع المكالمات للبرو عاليه جدا وواضحه - السونى الصوت عادى وطبيعى
مافيش اى نسبة تهنيج فى الاتنين والاتنين بيشغلوا العاب عاليه وان كنت محمل على البرو لعبة ريل ريسنج3 مساحتها 1.5 جيجا
حاجة تانيه مهمة جدا وضايقتنى قوى
لو لاحظت ابعاد الجهازين هاتلاحظ ان الابعاد تقريبا متقربه جدا مع ان البرو صافى الشاشة 5.5 والسونى صافى الشاشة 4.8 - وعشان كده لو روحت مكان زى كارفور مثلا هاتلقيهم عارضين الاتنين ممكن تمسك الاتنين جنب بعض وهاتلاقى ان السونى ضخم جدا مع ان شاشته صغيره بالمقارنه بالبرو
ده مش معناه ان السونى وحش - لكن فيه حلو وحلو قوى وحلو جدا - طبيعى يكون فيه حاجة حلوة وفى حاجه احلى منها وده بيسبب المنافسه بين الشركات
لكن هارجع واقولك السونى فيه حاجتين بالموبايل كله
قوة الشبكات بتاعة نار
ثاينا انك بتوصلوا فلاشة ميمورى زى الكمبيوتر وسرعة نقل الداتا بين الفلاشة والموبايل ماشاء الله كانت سريعه جدا

01275769955

2014-03-29 (12:36:06AM)

واضح من كلام حضرتك انك بعت السي قبل اخر تحديث اللى حل مشكلات الشورت كات والبطاريه وكده

وكمان من كلام حضرتك ان الفرق مش جوهرى علشان تقول للناس ابعدوا عن سونى التليفون به سم قاتل =D ... وكمان حضرتك البرو شاشته كبيره وده صعب يمشى معاها بروسيسور ثنائي

بس بصراحه حضرتك من اكتر الناس اللى كنت بتابعها هنا لشخصيتك المحترمه و ردودك الجميله

waleedsunny

2014-03-29 (12:31:13PM)

حضرتك انا مابقولكش للناس تبعد عن السونى عشان فيه سم قاتل بس لما يكون نفس السعر فيستحسن حضرتك تجيب الحاجه الافضل
ولعلمك لو دخلت على صفحة السونى سى فى اول مانزل الموبايل هاتلاقى اعضاء افضل منى بكتيير ماشاء الله ومنهم الاستاذ الفاضل أحمد نبيه كان من اكبر المشجعين للسونى سى ومع ذلك باعه برده عشان حس ان فيه حاجات افضل منه ومرتحش ليه بعد استخدام حوالى شهرين وباعه وجاب هواوى 610 ولحد دلوقتى معاه وغيره فى ناس كتيير فى الصفحه برده باعوه لانهم حسوا برده ان مش هو ده مستوى شكرة سونى وهانروح بعيد ليه ما قولتلك زميلى اللى اشترا منى السونى سى اداه لمراته وهو خد منى البرو لايت وزعلان جدا من فرق المستوى بينهم لصالح البرو لايت لحد دلوقتى
وصدقنى ان ماليش مصلحه فى ان حضرتك تشترى ده او تبيع ده بس اللى يهمنى ان ادى لحضرتك نصيحه لوجه الله بناء عن استخدام فعلى مش عن طريق السمع
وبدليل والحمد لله ان اللى اشتروا البرو لايت لحد دلوقتى مبسوطيين منه والحمد لله
والبرو لايت برسسور ثنائى بس زى ماذكرت لحضرتك نوعه اقوى من الرباعى بتاع السونى
وانا متابع الصفحه صدقنى وعارف موضوع الابديت اللى نزل بس تخيل ان فى اجهزة لحد دلوقتى ماجلهاش التحديث ده ومنهم الجهاز اللى اخده زميلى
وشكرا لجدا لاهتمام ورد حضرتك بس صدقنى الموضوع مش موضوع تحيز لماركة معينه وإلا كنت نصحت الناس ب الجراند2 لأنه معايا

waleedsunny

2014-03-29 (12:52:07PM)

جضرتك انا كنت اقصد بنفس السعر ان السونى سى كان اول مانزل ب 2150ج والبرو لايت برده كاك بنفس السعر
لكن حاليا السونى سى موجود ب 1975ج والبرو لايت ب 2200ج

تلك الخدمة مخصصة للأعضاء فقط