بدون عنوان

للرجوع الي صفحة ال جي G Pro Lite Dual الرئيسية اضغط هنا

ghazala2014

2014-03-24 (10:02:41AM)

استاز ولید عندی مشکله فی الجهاز ده. انه کتیر اوی بیهنج بس بطریقه غریبه یعنی کل الایکونات اللی علی الدیسک توب بتکون مش شغاله مع ان شاشه السحب بتکون شغاله مع العلم انی مش مسطب برامج ولا حاجه هوه برناج ram booster وsmart cover بس وفیه حروف مش موجوده فی الکییورد زی حرف الهمزه وغیرها ارجو الافاده

waleedsunny

2014-03-24 (01:30:07PM)

استاذ ghazala2014
اى موبايل اندرويد عامة عشان مايهنجش لازم تطفى الجهاز يوميا على الاقل ساعة ( لانى لاحظت ان فيه ناس كتير مابيطفيش الموبايل خالص وبعدين يشتكى ان الجهاز بيهنج ) عمرك شوفت عربيه دايره طول عمرها
حاجة تانيه خد بالك منها ساعات كارت الميمورى ( لو انت حاطط كارت اصلا ) ساعات بيعمل مشكلة تهنيج للجهاز لو نوعه ردىء فا شيل الكارت وجرب
ثانى حاجه حضرتك منزل برنامج لتنظيف الرامات ودى حاجه كويسه
بس خد بالك اى مشكله تحصل فى الجهاز لازم تفتكر ايه اخر برنامج حملته وأحذفه لانه ممكن يكون سبب مشكلة فى الجهاز لو حذفته وبرده لسه فيه مشكله إعمل إعادة ضبط المصنع لان ساعات الواحد بيحمل برامج بتسبب مشكلة مع الجهاز ويكون حلها اما الحذف او اعادة ضبط المصنع للجهاز من اول وجديد
بس جرب الحاجات البسيطه الاول
حذف اخر برنامج او برنامجين انت حملتهم - شيل كارت الميمورى - اخيرا اعادة ضبط المصنع

ghazala2014

2014-03-24 (02:01:07PM)

الحقیقه انا مبطفیش الجهاز خالص نسیت اقولک ان فیه یرنامجین انا مش عارف اشیلهم smart cover,auto screen on.off لما اجی اشیلهم بلاقی کلمه unstall کانها مخفیه ولو عاوز اعمل استعاده ضبط ازای وهل الاسامی هتتمسح وازای اعمل نسخه احتیاطیه من کل الداتا عندی خصوصا الاسامی ونسیت ترد علیا فی موضوع الکی بورد انا اسف بتعبک معایا بس زوقک هوه اللی بیطمعنا وشکرا علی ردک

waleedsunny

2014-03-24 (02:45:37PM)

موضوع الهمزه - لو حضرتك دوست على حرف الالف دوسة طويله هايطلع من الحرف قائمة صغيرة فيها الهمزه وكل الاشمال الخاصة بحرف الالف
وده فى كل الموبايلات الاندرويد ان الدوسه الطويله على اى حرف بتطلع اشكالك اخرى للحرف
ثانيا مشكلة عدم غلق الجهاز دى مشكلة بتاثر على العمر الافتراضى وأداء الجهاز - فى مواقع اجنبية كانت بتنصح ان يجب غلق المحمول مرة على الاقل كل اسبوع
ولو الاسماء بتاعت حضرتك على الجهاز طبعا هاتتمسح لان اعادة ضبط المصنع بيخلى الجهاز زى مايكون لسه اول مرة يتفتح - وبخصوص عمل نسخة احتياطيه من الاسماء والبرامج قبل اعادة ضبط المصنع - انصحك تدخل على صفحة اس5 وهاتلاقى استاذ هارد تايم عامل شغل ماشاء الله فى اول الصفحة هاتلاقى من ضمنه عمل نسخة احتياطيه ذى ماحضرتك طالب

ghazala2014

2014-03-24 (05:03:37PM)

للاسف موضوع الهمزه ده متحلش حتى بعد دوسه طويله على الحرف مبيبجبش اى حاجه

waleedsunny

2014-03-24 (07:16:40PM)

أستاذ ghazala2014
إزاى إذا انا روحت لزميلى مخصوص وجربت على الكيبورد بتاع الموبايل وقولتك بناء على اللى طلعلى فى الكيبورد
هو حضرتك محمل برنامج كيبورد تانى ولا إيه انا مش فاهم

ghazala2014

2014-03-25 (01:54:48AM)

استاذ وليد بالنسبه للاستاذ هارد تايم هوه حاطط فيديو لعمل نسخه احتياطيه عن طريق برنامج سامسونج كيز هل البرنامج ده ينفع اشتغل بيه على موبايلى اللى هوه lg لانى جربت والبرنامج مبيشوفش الموبايل او يمكن انا اللى غلطان فى اختيار نوع الاتصال بين الموبايل واللاب توب ده فى حالة ان البرنامج ينفع يشتغل على موبايلى وفى حالة انه مينفعش متعرفش برنامج اشتغل بيه لل lG واعمل نسخه احتياطيه

waleedsunny

2014-03-25 (08:07:36AM)

لأ ماينفعش برنماج الكيز يشتغل غير على السامونج فقط
انت ممكن وانت على قائمة الاسماء وتدوس على ال 3 شرط اللى تحت هاتلاقى اوبشن اسمه تصدر واستيراد علم عليه وختار تصدير الى كارت الميمورى بس لازم طبعا تكون حاطط كارت ميمورى وفى الحاله دى هاينقل الاسماء بالكامل عباره عن فايل ليه صيغه معينه بحيث ان حضرتك بعد ماتعمل اعادة ضبط المصنع ( وطبعا تكوت شايل كارت الميمورى اصلا قبل اعادة ضبط المصنع عشان مايتمسحش اللى عليه ) وترجع كارت الميمورى تانى تدخل برده على قائمة الاسماء وتعلم على استيراد الاسماء من كارت الميمورى وان شاء الله هاينقل كل الاسماء تانى للجهاز ويستحسن تحفظ الفايل اللى هايكون على كارت الميمورى على الكمبيوتر عند حضرتك احتياطى عند الاحتياج ليها فى اى وقت

تلك الخدمة مخصصة للأعضاء فقط