بدون عنوان

للرجوع الي صفحة ال جي G Pro Lite Dual الرئيسية اضغط هنا

tefa999

2014-03-22 (02:47:39PM)

متشكر جدا يا استاذ وليد علي ردك السريع في الاول عليا بس كنت عايز اسألك G700 ولا Lenovo A3000 التابلت انا ميهمنيش دشه تابلت و ده موبايل انا عايز افضل واحد في الاثنين

waleedsunny

2014-03-22 (06:30:18PM)

طبعا ال G700 من غير تفكير
ال A3000 سعره عمال ينزل وفى على المواقع كتير ناس عايزين يبيعوه مش عارف ليه وواحد زميلى كان نازل يشتريه من كارفور ب 1500ج متحمله سوفت وير المكالمات جاهز قولتلوا شوف بالمره اسوس فون باد ب 1900ج شاف الاتنين من غير مايشغلهم اختار الاسوس من غير مايفكر لانه شاف فرق الخامه والجودة لصالح الاسوس بكتير - وعلى فكره الاسوس خط مكالمات واحد مش زى اللينوفو خطين - غير ان مكونات الاسوس مكونات لاب توب مينى عشان البرسسور بتاعه انتل 1.6 أتوم وكارت الفيجا تابع لشركة انفيديا - وفى استاذ معايا على صفحة الجراند2 أسمه استاذ سيد نصحته بيه وجابه من حوالى 4 ايام وبيشكر فيه جدا

malek2013

2014-03-22 (08:36:01PM)

أستاذ وليد
السلام عليكم
حبيب قلبي انا اول مره القاك متعصب ضد ماركه كده،انت ليه واخد موقف كده اوي من اللينوفو A3000،علي فكره امكانيات الجهاز علي الورق اعلي من الاسوس فون باد كمان الراتنج بتاعه علي موقع gsmarena اعلي من الاسوس بفرق بسيط ،كمان تعليقات المستخدمين علي نفس الموقع ايجابيه علي الجهاز وان اللي مخليني محتار بين الجهازين رأي حضرتك بالنسبه للاسوس فون باد ،وانت عارف احنا بناخد رأيك ثقه،وعلي فكره ان معايا اتنين من زمايلي في الشغل جايبينه وبيشكروا فيه وبيقولوه امكانياته هايله علي سعره القليل والمفروض سعره القليل يبقي ميزه مش عيب،يعني مثلا الهواوي G610 جهاز ممتاز جدا وسعره 1450 جنيه بس واعلي في الامكانيات من كتير من اجهزه السامسونج الاغلي منه بكتير وحضرتك شليته وعارف كده لكن حضرتك ما شيلتش اللينوفو A3000
فمكن حضرتك لو تكرمت توضح وجهه نظرك اكتر لاني متعود منك علي الرأي المستند لتجربه حقيقه مش بالسمع او القراءه فقط
تحياتي لحضرتك

waleedsunny

2014-03-23 (09:00:14AM)

أستاذ malek2013
والله الموضوع مش موضوع تعصب - بس كتيير من الاعضاء والحمد لله بيخدوا كلامى ثقه فلازم انصحهم بالحاجه اللى مافيش فيها كلام خالص
المواصفات على gsmarena بتاعت الاسوس فون باد دى قديمه جدا ومش عارف بالصرحه ايه الحكمه فى ان الموقع ماعدلش المواصفات لحد النهارد - المواصفات اصبحت اعلى من اللينوفو فى كل حاجه بالنسبة للموديل الجديد واصبحت ضعف مواصفات الموديل القديم فى كل حاجه
وفى اعضاء نصحتهم بالاسوس وراحوا جابوا اللينوفوا وكلمونى بعد كده وقالولى عندك حق وفى على موقع المنتدى وعلى موقع دوبيزل ناس كتير عرضاه للبيع ( اللينوفو A3000 ) وفى نفس الوقت مافيش حد عارض الاسوس للبيع خالص
وفى الاستاذ سيد على صفحة الجراند2 لسه شاريه من حوالى 5 ايام
وواحد زميلى راح امبارح اشتراه من كارفور شيراتون بالليل الساعه 9 ب 1900ج
جهاز برسسور انتل اتوم 1.6 - رامات 1 DDR3 - كارت فيجا تحت رعاية شركة انفيديا - كاميرا خلفيه 5 ميجا - كاميرا اماميه - سماعتين استريو - خط 3جى ومكالمات - اندرويد 4.2 - سرعة ال 3 جى 42 - شاشة IPS - عدلوا بطارية التحدث عشان تعمل 28 ساعة تحدث متواصل
الموديل القديم بقى كان نص الامكانيات دى
وانا فعلا ماشلتش الليونوفو A3000 لكن كان معايا A1000 ولقيت اتنين من اللى اشتروا ال A3000 اتصلوا بيا وشكراوا فى الجهاز دا جدا لاحظوا ان الجهاز ساعات بيكون تقيل والخط بتاعه صغير ومافيش امكانيه لتكبيره - وواحد زميلى اشترا الاسوس من كام يوم من كارفور العبور لانه شاف اللينوفوا والاسوس وشاف فرق الخامة لصالح الاسوس بكتيير غير انى كنت قايلوا على فرق الواصفات
وعلى العموم لو حضرتك يهمك موضوع خطين يبقى تجيب اللينوفوا
ولو محتاج خط واحد يبقى الافضل الاسوس لفرق المواصفات
والهواوى 610 فعلا احسن جهاز ومن كل الماركات متوسط 1500ج واحسن من الجراند1 والجراند نيو واحسن من الكاتيل ايدول 6030 ومن السونى سى اكتر من كده لأ
وفى الاساس الواحد بيجيب التاب عشان استخدام نت 100% فيهمنى انه يكون بالمقام الاول مواصفاته شديده لاستخدام النت انت مش هاتجيبه عشان بخطين وتتكلم فيه لان حجمه عائق فى استخدام المكالمات وان مش من انصار السماعات البلوتوث نهائى لاضرارها على المستخدم مهما كانت ماركتها وجودتها
وحضرتك بتقول ان ليك زملاء جايبين اللينوفو - لو تحب برده ادى لحضرتك رقم تليفون زميلى اللى لسه شاريه امبارح وتعرف منه اكتر اى استفسار حضرتك طلبه

تلك الخدمة مخصصة للأعضاء فقط