بدون عنوان

للرجوع الي صفحة ال جي G Pro Lite Dual الرئيسية اضغط هنا

mezo0o0o666

2014-03-17 (03:28:43PM)

يا استااذ وليد يا شعب يا نااس يا عالم حد يشور عليا بعد ما اخدت قرار انى اشترى الموبيل ده
طلعلى الموبيل ال gtide E90 .. انا محتاار فشخ خاصة ان الجى تايد ضعف الموبيل ده ف الامكانيات و ارخص 400 جنيه !!
افيدوووووووووونا

LilaT

2014-03-17 (03:37:17PM)

خليك فى LG اضمن

mezo0o0o666

2014-03-17 (04:18:55PM)

انت عارف مواصفات الجى تايد ايه ؟؟

waleedsunny

2014-03-17 (07:48:13PM)

بص حضرتك العربيات الصينى فيها اوبشن اعلى من العربيات الكورى واليابانى وفى نفس الوقت بنص التمن - ليه
عشان العمر الافتراضى للقطع المستخدمه فى المنتجات الصينى عامة قليل غير ان الجوده متوسطه
هاقولك على حاجه بسيطه وياريت تعملها - عشان تتأكد من صدق كلامى
إعمل إعلان وهمى ( وربنا يسامحنا ) عن موبايل gtide E90 استخدام اسبوع بكامل مشتملاته وبالضمان - وشوف هايجبلك كام
حاجه تانيه لو ماعجبتكش فكرة الاعلان ولو انى متأكد من النتيجه ( اللى بيخاف ربنا هايقولك 1000ج )
روح عند محل موبايلات بيكون بيتباع فى الموديل ده وقولوا عندى التليفون ده وعايز ابيعه ممكن تاخده منى بكام ولو ادتنى سعر حلوا هاروح اجيبهولك من البيت بالعلبه استخدام اسبوع
أريحك اكتر وخليك لا تروح ولا تيجى
أنا عملتها وروحت لمحل كبير ومشهور جدا هنا فى المنتدى بدون ذكر اسماء قالى باللفظ انا ابيع الموبايلات الصينى لكن ما اشترهوش ( كان موبايل استخدام 3 اسابيع وبالضمان ومن عنده وتمنه كان معدى ال 1300ج
يارب تكون الرساله وصلت

waleedsunny

2014-03-17 (08:19:45PM)

ولو حضرتك عايز حاجه امكانياتها عاليه جدا وبسعر جميل جداااا
شوف حد يتصرف ويجبلك هواوى G700 من السعوديه ب 900 ريال - والحمد لله دى ماركه معروفه وحاليا اصبح ليها اسم فى السوق المصرى - لو انت يعنى عايز حاجه غير ال جى

mezo0o0o666

2014-03-17 (10:25:00PM)

طيب اسأل حضرتك سؤال واضح
لو انا مش ناوى ابيع موبايلى .. عشان انا اساسا مش من الناس اللى بتغير موبيلها اصلا
هل تنصحونى اشترى الجى تايد ولا لا ؟؟؟

waleedsunny

2014-03-17 (10:50:51PM)

الخوف كله من العمر الافتراضى للجهاز وهل الشركة المتحدة اللى ضامنه الجهاز متوفر عندها قطع غيار وصيانه ولا لأ ونظام ضمانها ايه
وبعدين مدام حضرتك من النوع اللى ما بتغيرش - طب ما تجيب حاجه مضمونه افضل - على الاقل هاتقعد معاك انشاء الله من غير مشاكل لاقدر الله
ولحضرتك مطلق الحريه
وادخل على صفحته وشوف رأى المستخدمين ايه - لان المواصفات حاجه والاستخدام الفعلى حاجه تانيه وعن تجارب كتيير جدا

Bellami

2014-03-17 (11:09:25PM)

و إضافة لكلام أستاذ وليد أنا دخلت على GSMArena و PhoneArena مش جايبين سيرة موبايلات جي تايد إطلاقا ...يعني من الآخر ماركة مش معترف بيها ..زي الموبايلات التقليد

ELNISR

2014-03-17 (11:41:08PM)

ال جي ومش هتندم الامكانيات حاجة واستعمال الجهاز. حاجة تانية خالص

mezo0o0o666

2014-03-18 (09:22:19AM)

عطلااق انتوناس ميه ميه .. واسيادنا راضيين عنكوو
موشكرين يا ناس يا محترمة :)

AshrafAshry

2014-03-18 (06:37:02PM)

يعم سامسونج توب معى احترامى ل اعضاء ال جي اللى هنا :D

Bellami

2014-03-19 (09:23:39AM)

مع إحترامي لكلام حضرتك بس ممكن تقولنا السامسونج أفضل من حيث إيه بالضبط؟ مش عايزين نتعصب لبراند معين عشان منتشر وبس ممكن ندي فرصة لأنواع تانية لا تقل في الجودة لكن الوكيل مش عامل بروباجندا بزيادة

تلك الخدمة مخصصة للأعضاء فقط