بدون عنوان

للرجوع الي صفحة ال جي G Pro Lite Dual الرئيسية اضغط هنا

hyabella

2014-02-08 (06:51:35PM)

لو سمحتم ياريت حد يقولى انهى موبايل افضل Optimus 4X HD P880 ولا G Pro Lite Dual مع العلم ان الاوبتيماس رباعى النواه و انا نفسى فموبايل حلو وكبير ويستحمل معايا وياريت يكون بخطين و ناس كتير خوفونى من البرو لايت لانو ثنائى النواه وممكن يهنج لان الاندرويد والتطبيقات الاساسيه اللى مع الجهاز بتسحب من البروسيسور .. اتمنى حد يفيدنى ويقولى البرولايت بيهنج ويتقل ويسخن ولا لآ

waleedsunny

2014-02-08 (08:33:37PM)

ده لينك بيوضح الفروق بينهم
اولا مانصحش بالموبايل ده اللى هو P880 للاسباب الاتيه من واقع قراءة المستخدمين في الخارج وفى مصر
1 - كل المستخدمين بدون استثناء بيشتكوا من البطارية انها أسوء يطاريه نزلت لموبايل
2 - الموبايل حتى الان بينزل بنسخة الايس كريم 4.0 وانت تحدثها للجيلى بين 4.1 وده معناه ان الموبايل اللى موجود في السوق مستورد من زمان ومنزلش منه مصر حدبث معل اصلا
3 - الموبايل انتاج قديم جدا 6-2012
4 - شاشة صغيرة 4.7
5 - خط واحد
6 - بعض الاعضاء بيشتكى من سوء الكاميرا حتى بعد التحديث لجليى بين
الحاجة الغريبه في ماركة ال جى ان المفروض الجهاز ده P880 على الورق امكانياته عاليه زيادة عن اللزوم من الاخر ينفع مكوك فضاء مش موبايل ومع ذلك كل اللى استخدموه بيشتكوا منه
والموبايل ال جى برو لايت امكانياته على الورق يعتبر جهاز متوسط ومع ذلك ماشاء الله كل العيوب اللى في P880 هو بيعلجها واكتر كمان بمعنى
1 - بطارية ماشاء الله قوية جدا 3140 امبير
2 - نسخة الاندرويد اصلا 4.1.2 وانشاء الله ينزل تحديث عن قريب مع انه مش محتاج
3 - الموبايل انتاج حديث 11-2013
4 - الشاشة 5.5 بوصه نقاء وريزلوشن محترم جدا ( ينفع تاب صغير )
5 - بخطين
السخونه لاتذكر بعد مكالمة ساعة ونص وصلت الحرارة 22 درجه وقلت البطارية 10%
ولما وضعت الجهاز على الشحن وشغلت الواى فاى وقعدت احمل من على الماركت والعب على الجهاز عشان اجرب قوة الجهاز وصلت درجة الحرارة 34 ودى حاجه كويسه جدا لان في سامسونج لما كنت بعمل نفس الخطوات كانت الحرارة بتوصل 39
يارب اكون أفدت حضرتك

أحمد محمد

2014-02-09 (01:30:23AM)

أنا كان معايا ال 4x قبل كده و بعته

بصراحة هو ممتاز و كل حاجة فيه كويسة بإستثناء بعض العيوب
زي الكاميرا وحشة في الإضاءة المتوسطة و الضعيفة
و الكاميرة الأمامية وحشة أوي
و بيسخن بشكل لا يطاق

لكن أهم عيب فيه هو البطارية
فعلا زي ما قال أستاذ وليد أسوأ بطارية موبايل على وجه الأرض
بس أنا بقى بقولك عن تجربة

كانت بتتشحن في 3 ساعات و نص
و تستمر ساعة و نص بس في الألعاب
و ممكن 3 ساعات أو 3 و نص في النت
و لو إستخدام خفيف خالص خالص هتكمل اليوم

تلك الخدمة مخصصة للأعضاء فقط