الموبيل معايا من 3 شهور

للرجوع الي صفحة هواوي Honor 3X G750 الرئيسية اضغط هنا

mezo0o0o66

2014-09-23 (08:10:00PM)

انا اشتريت الموبيل بالشحن من بره من 3 شهور بنفس التمن ده .
و نزلو تحديث كيتكات .
الموبيل رائع بمعني الكلمة .. اظن ان صوته واطي نسبيا .
لكن غير كده فهو جهاز سوبر مقارنه بسعره

mezo0o0o66

2014-09-23 (08:14:25PM)

انا شارى نسخه 16 جيجا
البطاريه جبارة
الشاشه جميلة
كاميرا محترمة
الاماميه فشيييخه
انا جالى معاه الفليب كوفر و 4 سكرينات هدية

merobig

2014-09-23 (11:59:53PM)

mezo0o0o66
اولا مبروك عليك يا باشا
ثانيا : "صوت واطى نسبيا " يعنى لو فى الشارع والدوشة ميتسمعش ؟؟؟

merobig

2014-09-24 (12:09:19AM)

وياترى اى نسخه كيتكات نزلت له ؟ هل هي 4.4.2 ؟وايه اهم المميزات والعيوب لتحديث هواواى للكيتكات ؟

mezo0o0o66

2014-09-24 (03:57:13PM)

بتكلم ف الشارع و بسمع عاادي
و فى المترو عادي برضو .. بس برضو الصوت واطي شوية .
النسخه كتكات 4.4.2 .. جميله و سرعت الجهاز و خلت شكل السيستم انيق عن الاول

merobig

2014-09-24 (06:38:38PM)

mezo0o0o66
معلش احنا بنتعبك معانا على اعتبار انك اكتر واحد صاخب خبره وتجربة فى الهاتف
ياريت حضرتك تكرمنا بريفيو شامل يوضح اهم مزايا وعيوب الجهاز لان فيه واحد زميلى اشترى هاتف HTC ديزاير 816 وعمال يتنطط علينا ...
فانا ان شاء الله ناوى اجيب الجهاز دا واخليه يتقهر على ال 2900 جنيه اللى جاب بييهم الاتش تى سى

mezo0o0o66

2014-09-24 (08:49:44PM)

معلش انا فكرة الريفيو مش حاببها .
اسالوني عن نقط معينه و انا اقولكوو

merobig

2014-09-25 (03:37:35AM)

ok يا mezo0o0o66
اولا :اداء الموبايل بالنسبة للتهنيج مع كثرة البرامج المفتوحة /الالعاب الثقيله صوت وصورة اخبارها ايه /صوت الجرس (النغمات)/البطارية تقعد اد ايه استخدام متوسط وبتتشحن خلال كم ساعه /سرعة النت موبايل داتا او واى فاىاخبارها ايه .
ثانيا : الاكسسوارات جراب فليب محترم ورخيص من فين وبكام / اسكرينة زجاج او اسكرينة ضد البصمة من فين وبكام / سماعة الاذن الجيدة المناسبة من فين وبكام "لانى لاحظ فى كل فيديوهات الاون بوكسينج ان الجهاز مش بييجى معاه اى اكسسوارت من اللى قلت لك عليها"
ثالثا :شكرا جزيلا ليك :)