بخصوص التيليفون

للرجوع الي صفحة هواوي Ascend Mate7 الرئيسية اضغط هنا

p1337hd

2015-02-12 (09:18:36AM)

انا داخل ف دماغي ان اشتري التلفون ده, بس عندي استفسار بخصوص كذا حاجة:
.انا معايا note 3 neo .. هل لو اشتريت ده هحس بفرق ولا اكن نفس التلفون هو هو اللي معايا من ناحية الكفاءة الخ..؟
.ضمانه ايه؟ و هل الشركة ليها سمعة كويسة؟ لأن ساعات الشركات بتبقي مستفذه جدا ف التصليح!
.اكسسواراته متوفرة ف مصر؟ و لو اه, علي سبيل المثال: سكرين ضد الخدش بكام؟ و البطارية/الشاحن بكام؟

enghanyomar

2015-02-12 (01:01:22PM)

باشا انا معايا نوت ثرى 9005 واشتريت المات 7 16 جيجا بجد اسرع بكتير عن السام الكاميرا
السامسونج احسن جبت سكرينه زجاج ب75 ج الجراب ب150 جنيه مع الاسكرينه فى سوق دوت كوم
الضمان تبع اى تو وفيه رايه تقريبا وفيه دلتا والتليفون انتشر جامد جدا وشوف حضرتك الريفيوهات على اليوتيوب وخصوصا الخليجى لانهم معروفين بالاستخدام الشديد لاى موبايل

enghanyomar

2015-02-12 (01:20:37PM)

معلش البطاريه غير قابله للازاله ومش عارف سعرها والشاحن بيشتغل على اى شاحن سام يكون 2 امبير بس يفضل يكون اصلى

p1337hd

2015-02-12 (01:58:40PM)

تسلم .. معلش انا اسف علي السؤال و الله يباركلك ف تلفونك بأذنه

boodysami

2015-02-14 (02:56:19AM)

tab m3leeshy ya basha estfsaar kda ana m3aya el samsung not 4 bas shoft el mat 7 w 3gaabny A ra2yoooko haal ha7s b faaar2 kter wla A el nzaam wla ento tnsaa7ony b A ? 3ayz radko w b sra7a bas ana el not 4 sra7a mshtaaktshy mno f ay 7aga
3ayz a3raf b2a A nzam el huawe D w A nzaam markto y3ne 7aga ndefa w mo3taamaada wla A el klam ? w b3d kda el soft bta3o ndef wla A el klam ?

liondog

2015-02-14 (05:43:56PM)

ياشا لو تكتب عربى او انجليزى احسن علشان الناس ترد عليك احسن

Medo055

2015-02-15 (12:14:09AM)

موضوع البطارية انها مش بتتشال ده قلقنى شوية لانه لو حصل ليها حاجة يبقى لازم اروح التوكيل وده مش هيحصل الا لما ينتهى الضمان يعنى مش هعرف اغيرها بره ولازم ادفع مبلغ وقدره عند التغير
كمان ازاى موبيل بالامكانيات دى وميعملش مكالمات فيديو الا ببرنامج لازم انزله ده عيب تانى غريب جدا
بس انا عايز اعرف ازاى هو اسرع من النوت 3 مع ان سرعة المعالج بتاعه هى نفسها سرعة نسخة الثرى جى فى النوت 3 يبقى ازاى اسرع؟
وهل بس موضوع السرعه هو الفرق الكبير اللى بينه وبين النوت 3 ولا فيه حاجات تخليه يتفوق عنه تانية كمان ياريت نعرفها

enghanyomar

2015-02-15 (08:56:56AM)

بص حضرتك هو برسيسور اوكتا كور ثمانى النواه اما النوت ثرى رباعى النواه فاكيد اسرع من النوت ثرى
وموضوع البطاريه الايفون من اول لما نزل وهو البطاريه مش بتتشال ودلوقتى سام ابتدت تنزل انواع البطاريه فيها مش بتتشال وكيد حيبقى فىه فرق لصالح النوت 4 وعلى فكره انا لسه جايب original s- view cover زى اللى بينزل بالظبط مع النسخه ال32 بس لونه فيرانى من هايبر وان ب225 جنيه وشغال زى الفل

Medo055

2015-02-15 (01:27:40PM)

لو اخدت بالك انا قلت النوت 3 نسخة ثرى جى مش الفور جى اللى انت بتتكلم عنها اللى هى رباعى النواة دى نسخة الفور جى وعلى فكرة كارت الشاشة فيها اعلى من نسخة الثرى جى اللى هو نفسه موجود فى المات 7 يعنى النوت 3 نسخة الثرى جى نفس المات 7 فى سرعة المعالج وكارت الشاشة كمان
لكن انت مردتش عليا فى موضوع مكالمات الفيديو هو فيه ولا لا؟
وكمان الشرحتين ثرى جى ولا واحدة بس لانى سمعت انهم الاتنين ثرى جى؟

enghanyomar

2015-02-15 (01:39:38PM)

معلش النوت اللى معايا n9005 الفور جى بس انا حاسس ان المات 7 اسرع ونسخه المات 7 اللى معايا 16 جيجا شريحه واحده بس مكالمات الفيديو موجوده بس skype

enghanyomar

2015-02-15 (01:40:26PM)

وعلى ما اظن المات 7 32 جيجا الشريحتين 4 جى مش 3 جى بس

okakol

2015-02-15 (04:25:13PM)

ايوة الشرحتين 4G بس مش شغالين فى وقت واحد عندك اختيار
تشغل اللى انت عايزها فى اى وقت وبدون اعادة تشغيل للجهاز .. زى الصورة دى ..

omarsami

2015-02-15 (09:47:26PM)

في ملاحظة مهمة جدا.... تفرق ... ال mate7 .... كله معدن من الخارج مش بلاستيك زي ال سامسونج... ده غير البطارية 4100 و طبعا مش موجودة في السامسونج....

Medo055

2015-02-16 (07:41:45AM)

يعنى فعلا الكلام اللى سمعته صح بخصوص انهم الاتنين يقدروا يدخلوا على النت بس انت اللى بتختار
فعلا ده شى كويس جدا
بس ازاى مفهوش مكالمات فيديو انا مستغرب من كده
ولا فيه انفرا ولا خاصية OTG

تلك الخدمة مخصصة للأعضاء فقط