سعر و مواصفات HTC One

يا جماعة التليفون دة هينزل أمتى افيدونا

مقارنة بين samsung galaxy S4
و HTC ONE
و SONY Xperia Z


الشكل : "في رأيي"
ال One ثم ال S4 ثم ال Z

التصميم :
ال S4 أفضل تصميم ....... لانه مفيهوش مشاكل

ال Z تصميمه فيه مشكلة واحدة
إن أزرار ال home , menu , back في الشاشة
و ده بياخد جزء كبير من مساحة الشاشة
ده غير إن الازار العادية زي اللي في ال S4 استخدامها اسهل

ال one تصميمه فيه مشكلة اكبر من ال Z ......... مكان السماعة !!!
السماعة مكانها تحت الشاشة
و كده الموبايل لما يكون في جيبك هتبقي السماعة مكتومة جدا ...... لو الشاشة ناحية جسمك
يعني مثلا مش هتقدر تشغل اغاني و تحط الموبايل في جيبك
و كمان الرنة مش هتتسمع لما حد يتصل بيك ...... وهو اصلا صوته واطي !
و الحل انك تخلي الشاشة ناحية بره
و ده بيعرضها لخطر الكسر

الخامات:
ال ONE مصنوع من الألومنيوم
ثم ال Z مصنوع من احد انواع الزجاج القوي
ثم ال S4 مصنوع من البلاستيك

ألوان الشاشة و زوايا الرؤية :
ال S4 ثم ال One ثم ال Z

مساحة الشاشة :
ال S4 مساحة شاشته 5 بوصة صافي
ثم ال Z مساحة شاشته 5 بوصة و منها ازرار الأندرويد
ثم ال One مساحة شاشته 4.7 بوصة

الواجهة : " في رايي "
ال One ثم ال S4 ثم ال Z

الذاكرة :
ال S4 الافضل ...... لانه في منه نسخ 32 ، 64 جيجا و فيه مكان للميموري كارد
ثم ال Z لانه 16 جيجا داخلي و فيه مكان للميموري كارد حتى 64 جيجا
ثم ال One لانه 32 ، 64 جيجا و مفيش ميموري كارد

توصيلات ال USB :
ال S4 هو الافضل لانه يدعم توصيلات ال MHL و ال USB HOST و USB OnThe Go
اما ال Z و ال ONE فقط يدعموا MHL

الكاميرا الخلفية :
ال S4 .... كاميرته جبارة و احسن من ال Z و فيها خصائص جديدة
ثم ال Z و هو كاميرته كويسة و ممكن يصور تحت الماء
ثم ال ONE و كاميرته الغريبة دي ...... انا شخصيا شايفها زي اي كاميرة 8 ميجا بيكسل .. مع زيادة في الدقة و الرؤية الليلية و أقل في حيوية الألوان !

الكاميرة الامامية :
ال ONE ثم ال Z ثم ال S4

اصدار الاندرويد :
ال S4 افضل لان الاندرويد بتاعه 4.2.2 بدون تحديث
و ده يضمن له الوصول لإصدارات اندرويد اعلى ..... "غالبا"

البروسيسور :
ال S4 هو الافضل
ثم ال ONE ...... ثم ال Z

المستشعر :
ال S4 هو الافضل بلا ادني شك
لانه فيه مستشعر لقياس الضغط الجوي
و مستسعر لقياس درجة الحرارة
و مستشعر لقياس الرطوبة
و مستشعر لحركات اليد (الإشارة باليد)

و ال ONE و ال Z مفيهومش ولا واحد من دول
دول بس فيهم مستشعر القرب و التسارع و البوصلة و الجيروسكوب
اللي هما اساسا موجودين في اجهزة الفئة المتوسطة زي ال advance و ال sensation
" و طبعا موجودين في ال S4 " :)

الراديو :
ال ONE و ال Z فيهم راديو ....... و ال S4 للاسف مفيهوش راديو !!

الصوت :
ال S4 صوته بقوة 77 ديسبل
ثم ال ONE صوته بقوة 75 ديسبل
ثم ال Z صوته بقوة 61 ديسبل !!!!!!!!!
لكن احسن صوت ال ONE

البطارية :
ال S4 ثم ال ONE ثم ال Z

خصائص تميز ال S4 :
الشحن اللاسلكي
و ال S-voice
و ال smart stay و smart scroll و smart pause
و التحكم في التصفح و القراءة بإشارات اليد
و ال multi-window multitasking
و ال dual video recording

خصائص تميز ال ONE :
HTC Zeo
HTC BlinkFeed
Beats Audio

خصائص تميز ال Z :
مقاوم للمياه و يمكنه التصوير تحت الماء


رايي الشخصي :
ال S4 هو الافضل
ثم ال ONE
ثم ال Z

ملحوظة : لا أضمن ان تكون هذه المعلومات صحيحة 100%

السلام عليكم
سؤال ياجماعة ايه رايكم في نسخة المطورين اللي نازلة جديد على الموقع الرسمي النسخة دي مفتوح وانا عوزاها بس عشان 64 وبتدعم عربي وكل حاجة
ايه رايكم اتوكل على الله واحجزها ولا تتوقعوا انه عليها مشاكل وفيه اختلافات
حد ينصحني ياجماعة
وشكراا لييكم اوووي

يا جماعة الموبايل ده هو هو M7 ولا لأ ... لاني قريت عن ان HTC هتنزل الموب الجديد بشريحة Nvidia Tegra 4 واللي يعتبر اقوى و اسرع بروسيسور موبايلات الكلام ده صح؟؟ يا ترى حد يعرف حاجة عن الموضوع ده ؟؟

امتى العملاااااااااااااق ده ينزل ؟؟؟؟ مفيش منافس ليه لحد دلوقتي. بس يا رب استر من تمنه.

ممكن حد يقولي الموبيل htc desire x ده في عربي ولا لأ وبيتحدث للجيلي بين ولا لأ
معذرة كتبت السؤال على صفحة ال desire x محدش رد عليّ خالص قولت أسأل هنا يمكن حد يرد من أهل الخبرة

محدش يا جماعه عنده خلفيه عن بطاريه htc x one???? علشان بفكر اجيبه

بقولكم يا جماعه انتوا كلكوا بتقولوا ان عيب الموبايل ده الوحيد هو الكاميرا بس انا شايفه ان متعب حط لينك لموقع الفرق بينه وبين الاس 4 من حيث الكاميرا فى التصوير انا شايفه ان تصوير الون مش وحشه ياعنى ولا حاجه الصوره جميله فعلا ؟؟؟؟ ليه بقى انتوا شايفنها وحشه ؟؟؟ وعاوزه اسأل كمان سؤال / هو فى التصوير وحش هل فى تصوير الفيديو وحش برضه هل هو 1080 ام لا وايه اخبار الكاميرا الاماميه ؟؟؟؟

تصميم الجهاز ده مبهر اوى