نفسي أشتري موبايل مش بيهنج ويعلق

معاك في حدود كام
الاميل بتاعي اهووو [email protected]
رقم الفون 01118701747

في أجهزة قوية في السوق وضحلنا احتياجك للهاتف ..يعني مثلا محتاجه بقلم ولا .... نظام ويندوز ولا أي او اس ولا اندرويد ..... محتاج خطين ولا خط واحد .. والأفضل من كده انك تشوف الهواتف اللي محتار في اختيارهم واحنا هنا ان شاء الله هنساعد بالرأي ...موفق

متشكر جدا للاهتمام
والله احتياجااتي لو فيه خطين الاول يبقى ممتاز وهم حاجه يكون شاشه كبيره ماتقلش عن 5.5 عشان اقرا عليه كتب وانا فى المواصلات وكدا ويكون كويس جدا في الالعاب والبرامج ومايهنجش لما اسطب عليه اكتر من حاجه
وبصراحه انا كنت محتار مابين نوت 5 بخطين لو لقيته او بخط ومابين ايفون 6 اس بلس 64 وهواوي مات8 ونوت4 وسوني زد 5

النوت 5 خطين موجود منه في السوق ..فلو لقيت اصدار 64 جيجا يبقي ده افضل من اصدار 32 جيجا عشان مساحة الذاكرة وعموما دي بعض الملاحظات المأخوه على النوت 5 سواء خط واحد او خطين :
1- عدم دعمة للذاكرة الخارجية .
2- عدم وجود منفذ الاي ار او الانفرا .
3-عدم إمكانية إزالة البطاريه .
4- خامة الجهاز الخلفية بطبقة زجاجية جوريلا جلاس ودي هتخلي التليفون قابل للكسر بنسبة كبيره .
مميزات النوت 5 سواء خط او خطين او 32 او 64 جيجا.
1-قوة الجهاز كهاردوير وأداء عالى لتطبيقات الجهاز والألعاب .
2- شكل الجهاز المميز والانيق العصري .
3- مميزات القلم الرائعه من الـــ سكرول كابشر و سكرين اوف ميمو والفيديو ادتور الخاص بالنوت 5 ,
4-كاميرا اكتر من رائعه في النهار وممتازة ليلاً.
5- دقة وضوح الشاشة فهي ممتازة بتقنية سوبر اموليد بدقة اكواد اتش .

اما من حيث استهلاك البطارية ..فالبطارية ممتازة من حيث استهلاك المستخدم العادى وكن علي يقين بأن الاستهلاك يختلف من مستخدم لمستخدم اخر فموضوع الاستهلاك متروك للمستخدم والنقطه دي تنطبق علي كل الأجهزة.
***********************************************
النوت 4
سواء الخط او الخطين :

لا توجد ملاحظات علي الهاتف العملاق . ولكن يتفوق النوت 4 علي النوت 5 في الملاحظات السابقة ....

وأهم ما يميز سامسونج هو سوق الإنتشار وسعر اعاده البيع وتوافر الدعمين المادي (اكسسوارات وصيانة وقطع غيار) الفني (الرومات وأعمل البرمجة من المطورين سواء الرسمي او الغير رسمي )

***********************************************
هواواي ميت 8 :
عموما هواوي من الشركات الرائده في مجال تقنيات الهواتف عموما ولكن سيدي الفاضل فهي تغرد خارج سرب عمالقة صناعة الهواتف كـــ سامسونج وسوني واتش تي سي وال جي ......

الميت 8 هاتف قوي بالنسبة لفته واهم ما يتميز به هو حجم الشاشة 6 بوصه بالاضافه الي جودة مستشعر البصمة ودي بشهاده ملاك الهاتف فعليا البصمة ممتازة ومقاربة للنوت 5 .
ولكن يعيب الهاتف بأن دقة الشاشه قليلة وعدم دعمة بفتحة مستقله للميموري كارد البطارية الغير قابلة للازالة .الكاميرا لا ترقي بمستوي 16 ميجا بيسكل وتصور فيديو بدقه فل اتش دي بدقة 60 فريم لكل ثانية عكس هاتفين النوت 5 والنوت 4 الذي يتمتع كل منهما بتصوير بدقة 4 k ب 30 فريم لكل ثانية .
*********************************************

السونى زد 5 :

لا انصحك به أولا لعدم تلبيته لمتطلباتك فالهاتف اقل من 5.5 بوصه ما يميزة الكاميرا ومقاومة المياه ..ولكن ان اردت فهاتف زد 5 بريميم هاتف قوي كليا وجزئيا بحجم 5.5 بوصه بدقة شاشة عاليه الجوده 4 k ببيكسلات عالية وكاميرا عالية ......

*********************************************************
الايفون : للأسف مش هقدر افيدك فيه لاني معلوماتي محدوده عن نظام ios .....

************************************************************

الخلاصة :

1- لو مش هيفرق معاك الملاحيظ المأخوذه علي النوت 5 اشتريه بدون تفكير فهو هاتف قوي جدا واستمتع بأداء وادار تطبيقات الجهاز ومميزات القلم الرائعه وشكلة الانيق الراقي.

2- في حالة عدم رغبتك للنوت 5 فـــ النوت4 الأنسب ليك .علما بأن النوت 4 سيتم ترقيته قريبا لنظام مارشيمللو.

3- في حالة رغبتك لشاشة 6 انش عن شاشة النوت سواء 4 او 5 (5.7 ) لكن ستتنازل عن : الأداء والكاميرا ومميزات القلم ودقة الشاشة .

***************************************************************************
موفق في الاختيار

انا بشكرك جدا والله العظيم على كرم اخلاقك واهتمامك
بس دلوقتى انا تحمست جدا للنوت 5 بعد ماشوفته شكله ومسكته فى موبايل شوب بس حكايه الجوريلا جلاس اللى لو وقع هينكسر دي مخوفانى فهل حضرتك متاكد منها عشان الموبايل لازم يقع منى مره او مرتين كل يوم من على المكتب واكيد طبعا هاحطله جراب جلد
بس الحاجه الاهم هل الموبايل دا مش هيهنج منى مع الوقت وهيبقى بطئ فى فتح التطلبيقات مع الاستخدام واللا لا

تحت امرك احنا هنا كلنا بنساعد بعض ...
شوف اهم حاجه انك تحافظ علي الجهاز وطول منتا محافظ عليه هيكون معاك تمام التمام يعني اول متشتري الجهاز ايا كان تركبله اسكرينه محترمه وجراب سواء ضهر او كامل واهم حاجه انه يكون مغكى بروز الكاميرا و مغطي حواف الهاتف كويس او بمعني يكون اعلي من مستوي الهاتف بمعني ادق انك مثلا لو وضعت الهاتف علي الشاشه يكون الجراب شايل الهاتف او محمل عليه مش علي الشاشه عشان لقدر الله لو وقع منك ياخد الصدمه هو والاسكرينه ...
وسواء الجراب الكامل او الضهر والاسكرينه يا ريت تجيبهم نوعيات كويسه وعمليه تأدي وظيفتها ومتسترخصش ..احسنت الاختيار في النوت 5 فهو هاتف قوي ومش هتندم علي اقتناءك ليه ..بالمناسبه انا كنت هشتري النوت 5 ولكن اعم نقطه فيه بالنسبالي منعتني هو عدم دعمه للذاكره الخارجية وده اللي خلاني اشتري النوت 4 والحمد لله الهاتف جبار بمعني الكلمه ...موفق في الشراء وربنا يباركلك فيه ..

انا اسف جدا لو طولت عليك بس حاجه اخيره
النوت 5 الاحسن واللا السوني زد 5 بريميوم أحسن

بالنسبة للنوت 5 وزد 5 بريميم ..

شوف دي حاجة ودي حاجة ...وزي ما قولتلك قبل كده شوف متطلباتك للجهاز ايه يعني لو محتاج قلم لتسجيل النوتس يبقي الزد 5 بريميم مش هاينفعك والمناسب ليك النوت 5 بتطبيقاته ميزات القلم ...

اما لو مش فارق معاك القلم يبقي الزد 5 بريميم الأنسب ليك واستمتع بدقة الشاشه العالية بالاضافه الي ميزات الكاميرا المميزه ومقاومته للمياه العذبه ولكن خامة الزد بريميم مقاربه لخامة النوت 5 من الخلف من زجاج كورينيج جوريلا جلاس ...موفق ومتحيرش نفسك اكتر من كده ده ف الأول والأخر موبايل ....