مساعدة من خبراء الروت

لو المشكلة فقط في أداء التابلت ممكن من غير ما تعمل روت انك تحسن أداؤه شوية
.........
في البداية امسح كل التطبيقات اللى مش بتستخدمها علطول ... لانها بتستنزف امكانياته ....
حمل تطبيق Greenify من هنا افتح التطبيق ده ودوس على علامة + الموجودة فوق ع اليمين وحدد كل التطبيقات اللى عايزها تتقفل اوتوماتيك لما تكون مش بتستخدمها .....
المفروض ان التطبيق ده لوحده كفيل بتنظيف الرامات من كل التطبيقات اللى شغالة في الخلفية

فيه حاجة كمان علشان تمسح ملفات الكاش اللى بتبطأ الجهاز .............. ادخل على الاعدادات وبعدين مساحة التخزين او Storage وانزل تحت لحد ما تلاقي كلمة App cache دوس عليها واختار OK


بالنسبة للبطارية فيه شوية نصائح لتقليل استهلاك البطارية بشكل كبير جربها عندك و
......................
لو مصمم تعمل روت اقرأ التعليق التاني

شخصيا أن عامل روت على موبايلي وهاتكلم من واقع تجربتي الشخصية والتطبيقات المذكورة في الأسفل أستخدمها بشكل شخصي ..

أولا الروت Root كتعريف هو عملية كسر الحماية الموجودة في نظام آندرويد بهدف الوصول لجذور ملفات النظام .

فايدته التحكم الكامل بالنظام ..... والتحكم ده بتطلبه بعض التطبيقات اللى بتطلب صلاحيات الروت لأداء بعض المهمات اللى ليها علاقة بجذور ملفات النظام ..
أضرار الروت ... أولا انتهاء ضمان الموبايل . لأن أي شركة بتعتبر الروت اقرار منك بالتلاعب في نظام التشغيل ومن ثم هي بتخلي مسئوليتها عن الموبايل {لكن انت تقدر تشيل الروت في أي وقت والضمان هيكون شغال عادي}
تاني ضرر للروت هو احتمال (نادر جدا) انك تغلط وتنزل ملفات مختلفة فبالتالي يحصل انهيار للنظام (لو حصل لا قدر الله تقدر تعمل Factory Reset او استعادة ضبط المصنع وهيشتغل الموبايل تمام)

لحد هنا المفروض انك عارف يعني ايه روت وايه مميزاته وأضراره
الخطوات اللى جاية على مسئوليتك الشخصية اذا نفذتها بشكل صحيح ان شاء الله تتم العملية بنجاح .
....
1◄ تحسبا لوقوع أي مشاكل يفضل عمل نسخة احتياطية من ملفاتك عن طريق الذهاب للاعدادات Settings ثم الدخول الى خيار النسخ الاحتياطي والاستعادة Backup & Restore وتقوم بعمل نسخة احتياطية ..

2◄ تقوم بتحميل برنامج mobogenie للكميوتر من اللينك ده ←

3◄ تقوم بالدخول للإعدادات ثم وضع المطور Developer options وتحديد خيار Android USB Debugging
<اذا لم تجد خيار المطور Developer options فقم بالدخول الى الاعدادات ثم ادخل على "حول الهاتف" About phone ثم اضغط 7 مرات متتالية على خيار Build Number ثم ارجع الى الاعدادات وستجد خيارات المطور ظهرت> .

4◄ بعد كده هتفتح برنامج mobogenie على الكمبيوتر وتتأكد من توصيل الموبايل بالكمبيوتر ولازم تكون شايفه على البرنامج ..... [هتحتاج تحميل تعريفات التابلت علشان العملية دي تتم بنجاح] التعريفات موجودة هنا ← ولو طلعت مش شغالة برده جرب أي واحد من دول ←

5◄ هتفتح قائمة الخيارات في البرنامج وتدخل على الخيارات المتقدمة وتدوس على كلمة Root/Unroot

6◄ استنى لما البرنامج يحضر الملفات المطلوبة من ع النت

7◄ بعد ما يخلص دوس على كلمة Root my device ووافق على الشروط

8◄ خلال العملية دي اوعى تفصل كابل الـ USB او الكمبيوتر لأنك ممكن توقع النظام

9◄ بعد ما يخلص هتلاقي التابلت عمل Restart .................................. بعد ما يشتغل ادخل على التطبيقات ودور على برنامج Kinguser أو super user أيا كان [ في حالات نادرة جدا لو التطبيق مش موجود يبقى الروت ما اتعملش وساعتها اعمل الخطوات مرة تانية لحد ما يظهر أو جرب برنامج تاني من دول ← أو ]
...............
................
................
وبكده انتهى عمل الروت بس خد بالك أداء التاب مش هيتحسن لوحده لأن الروت في حد ذاته مجرد كسر حماية
................
وعلشان تحسن أداء الموبايل هتحتاج تطبيق Greenify واللى هتلاقيه هنا
بعد التحميل هتفتح التطبيق وتفتح الخيارات وتختار Experimental Features وتختار اول حاجة Work mode تختار منها Root mode
بعد كده افتح التطبيق مرة تانية ودوس على علامة + الموجودة فوق ع اليمين وحدد التطبيقات اللى عايز التطبيق يوقفها طول ما انت مش بتستخدمها .....
..
(فيه وضع اضافي اسمه Boost mode وده بيحتاج مكون اضافي اسمه Xposed installer لو حابب تجربه ابحث عنه في جوجل ونزله ولما تفتحه اختار install وهو هيرستر التاب وهتعمل الخطوات اللى فاتت برده في تطبيق Greenify)
..
فيه تطبيق اضافي اسمه RAM manager حمله من هنا ← وبعد ما تفتحه اختار وضع Balance {أو الوضع اللى يناسبك} وحدد علامة Set on boot وروح للخانة التانية ودوس على clean memory وبعدها clean drop cache اعمل الحاجتين دول كل يوم او كل ما التاب يهنج ومتنساش تحدد مربع Lock launcher in memory
..
دول التطبيقين اللى باستخدمهم شخصيا علشان أرفع أداء الموبايل ..
..
بالنسبة للبطارية شوف التطبيق ده نزله وبعدين اشحن البطارية 100% وافتح التطبيق ودوس على Calibrate وبعدين استخدم التاب لحد ما البطارية تخلص تماما وسيبه فاصل شحن ووصله بالشاحن من غير ما تشغله لحد ما البطارية تتملي تماما وبعد كده افصل الشاحن وسيبه 10 دقائق من غير ما تفتحه وبعد كده شغله وافتح التطبيق تاني واعمل Calibrate
المفروض ان العملية دي تظهرلك مستوى البطارية بشكل حقيقي ويستحسن تعمل العملية دي مرة كل اسبوع او اسبوعين
...................................................................
...................................................................
...................................................................
لو واجهتك مشاكل ابعتلي رسالة خاصة في الموقع

بصراحة مش عارف اشكرك ازاي؟
جزاك الله كل خير