بدون عنوان

للرجوع الي صفحة أبل iPhone 5s الرئيسية اضغط هنا

medo19

2014-03-24 (04:21:22PM)

ياجماعه انا محتار بين النوت 3و الايفون 5s مع العلم انى كان معايا اس 2 يعني مجرب سامسونج قبل كده
لكن عايز اعرف هل بتفرق استخدامات النوت عن الايغون يعني اسمع ناس تقول ده ليه استخدام و ده ليه استخدام فأنا بسأل ايه استخدامات كل واحد اللى بتفرق عن التاني
و بالنسبه للكاميرا ايه الفرق ؟
وو شكرا

jecko

2014-03-24 (06:05:52PM)

بص يا باشا انا قولت رأيي في المقارنه دي قبل كده بس هقولها تاني عشان خاطرك ،، الموبايلين جامدين جدا وانت المفروض تشوف انت محتاج ايه في الموبايل وتشتري على اساسه ، وانت لو عايز موبايل سريع وسلس جدا ونادر انه يهنج ونظامه محمي تماما من دخول الفيروسات وشكل انيق وخامات عاليه يبقى الايفون ، اما النوت ٣ اللي بيميزه انه نظام الاندرويد مفتوح تقدر تستقبل وترسل من اي موبايل اخر على عكس الايفون مبيبعتش ويستقبل الا من اجهزه ابل فقط وغير كمان ان النوت ٣ شاشته كبيره جدا ودي ميزه عند ناس وعيب عند ناس تانيه و طبعا فيه شويه مميزات مش هتلاقيها في موبايلات تانيه زي القلم والخصائص المتميزه الخاصه بيه و شويه الحبشتكنات دي بقى بتاعت السامسونج ، من الاخر الموبايل ده راحه نفسيه شوف انت هتستريح لأيه اكتر وهاته مع العلم ان الجهازين جامدين جدا،،،
وعلى فكره في فرق كبير جدا بين الاس ٢ والنوت ٣
وبالنسبه للكاميرا في النوت ٣ فهي ادائها مبهر في الاماكن اللي فيها اضاءه عاليه وادائها متوسط في الاماكن التي بها اضاءه متوسطه او ضعيفه ،
اما في الايفون ٥ اس فهي ادائها ممتاز في الاضاءه القويه والاضاءه الضعيفة

medo19

2014-03-25 (10:02:13PM)

الف شكر
بس المشكله ان في فرق كبــــــير بين حجم الشاشه فى الاتنين
و لو هنقارن كاميرا الأيفون بكاميرا النوت بس فى الاضاءه العاليه و بدون تحيز
يبقى مين اللى يكسب ؟؟

jecko

2014-03-25 (11:26:01PM)

هو فعلا في فرق كبير في حجم الشاشتين ، شاشه النوت كبيره جدا لدرجه مزعجة في حمل الجهاز في الجيب اوالتحدث فيه وممكن يكون ده عن البعض شئ عادي ولا يمثل لهم مشكله ، اما شاشه الايفون فيمكن اصغر شويه من اللازم بس حجم الموبايل مش عامل اي مشكله طبعا في حمله او عند التحدث فيه ،

وبالنسبه للكاميرا في التصوير النهاري الاتنين قريبين جدا من بعض ولو في فرق هيبقى لصالح النوت ٣ ، وده لزياده كميه البيكسل في الصوره ، يعني هتحس بالفرق لما تيجي تعمل زوم فقط اما غير كده لو صورت بالموبايلين وحطتهم قدامك على شاشه الكمبيوتر مش هتحس بفرق شاسع ، اما في باقي ظروف التصوير في الاضائه المتوسطه والمنخفضه فالايفون يتفوق وبجداره ، وده عن تجربه للجهازين في نفس الوقت في اضاءه ضعيفة

تلك الخدمة مخصصة للأعضاء فقط