بدون عنوان

للرجوع الي صفحة أبل iPhone 4S الرئيسية اضغط هنا

muhammad99

2012-08-31 (05:25:29AM)

انا نفسى اعرف ليه ناس كتير اوى بتهاجم ابل

Black Crow

2012-08-31 (10:53:31AM)

لأن في نظرهم أبل غالية عالفاضي

muhammad99

2012-09-01 (05:25:58PM)

لو ابل غالية على الفاضى يبقى بى ام دبليو غالية ع الفاضى ومرسيدس غالية على الفاضى واروح اجيب النترا عشان فيها نفس الكامليات وشكلها احلى وسعرها مش غالى على الفاضى :D

essamseven777

2012-09-01 (05:58:15PM)

بى ام اية الى امكانيتها زى امكانيات الالنترا !!!!!!!!!!!
ثم فى حاجات تانية غير الشكل والامكانيات فى العربيات زى جودة التصنيع ودى فرق السما عن الارض بين الالنترا والبى ام لكن فى الموبيلات مفيش حاجة فيها اسمها جودة تصنيع غير بس البلاستك او المعدن المستخدم فى تصنيع الضهر والوش
ابل اكبر شركة موبيلات فى العالم دى عندك حق فيها لكن لما تيجى تتكلم على انها غالية على الفاضى فدا صحيح100% لان ببساطة بيكسبوا اكتر من 50% من تمن الموبيل يعنى الموبيل الى عامل 4000 بيكسبوا منة صافى 2000 واكبر دليل على صحة الكلام دة ان الايبود التاتش والى هو هو الايفون 4 بالظبط باستسناء الكاميرا0.7 ميجا ومفيهوش اتصال وتمنة 1400 او الاقل يعنى يفرق اكتر من 2600 عن الايفون4 فى امكانيتين ميكلفوش الشركة 400 جنية مثلا
بلاش الايباد 3 تمنة 4500 مع ان فى فرق رهيب فى حجم الشاشة وكل حاجة عن الايفون 4s ومع ذلك فرق السعر حوالى 300 جنية بس
وعلى فكرة دى حاجة موجودة فى كل شركات العالم وهى استغلال اسم العلامة التجارية ان لو ليها اسم لية ثقة منتجاتها بتباع بسعر غالى عشان الماركة بس ودى زى البى ام والمرسيدس لكن الموضوع دة بيبقى بتفاوت يعنى معظم الشركات الصينى يبقى الموضوع دة فيها قليل عشان محدش واثق فيهم رغم انهم ممكن تكون شركة منتجاتها جودتها عالية ومع ذلك اسعارهم منخفضة علشان تكون اسمها بس فى السوق

Black Crow

2012-09-01 (06:19:28PM)

الأيفون ميتقارنش بالأيبود لأن فيه شبكة ينفع أدخل بيها عالنت أعمل بيها إتصال غيره أبعت بيها رسايل وغيره وغيره الأيباد يدعم الشبكة لكن في الاتصال بالانترنت بس مع الفرق في الكاميرا في ال 4s وعلي فكرة السعر الصح لل new ipad wifi+4g 4999 في tradeline وال 4s دلوقي بقا ب 5200 يعني الفرق 200 جنيه ثانيا موضوع إن أبل غالية إن الشركة أصلا كانت متوقفة عن العمل لغاية ما ستيف جوبز رجع أحياها تاني في 2007 ونزل الأيفون وبدأ يعمل الأجهزة التانية زي الأيباد والأيبود تاتش وكده والسياسة مش الاستغلال الموضوع بيبقا أنا عملت منتج يبقا أبيعه بالسعر اللي أنا عايزه واللي عايز يتشري أهلا واللي مش عايز أهلا برضه وماله هي حرة في سعرها وانا مع الناس إن المنتجات غالية بس مش عالفاضي

essamseven777

2012-09-01 (07:15:26PM)

انا معاك ان الايبود ميقارنش بالايفون بس كل الى قلتة حضرتك بالاتصال بالنت وانك تبعت رسايل حيكلف الشركة كام!!!!!!!!!!
الى اقصدة بالظبط ان اى شركة بتنزل منتج ما بتحدد سعرة على اساس نجاحة واقبال الناس علية يعنى سعرة ممكن يوصل لاضعاف تكلفة تصنيعة لو علية اقبال عالى وممكن يبقى اكتر من تكلفة تصنيعة بحاجة بسيطة ودة عشان الناس تشترية وتكون اسم فى السوق ودة مثلا الى عملتة شركةasus فى google nexus 7
انا جايب الاسعار من الموقع ومن محلات لكن اسعار tradeline الى انت كاتبها بتبين ان الايفون 4s اغلى من الايباد3 رغم ان على ما اعتقد ان الايباد تكلفة تصنيعة اعلى من الايفون بمراحل لكن لان الافبال على الايفون عالى جدا على الايباد (رغم ان دة حاجة ودة حاجة) فدا الى مخلى الايفون غالى على امكانياتة لان شركة ابل متاكدة ان الموبيل حينجح سواء غالى او رخيص
مبدا اللي عايز يتشري أهلا واللي مش عايز أهلا برضه هي حرة في سعرها هو الى بيخلى الناس تهاجم ابل مش اكتر

Black Crow

2012-09-02 (04:02:30AM)

الموبايل مايتهاجمش علي سعره لكن يتهاجم علي إمكانياته في شركات تانية بتصنع موبايلات بإمكانيات قديمة جداً وبتبيعها ب ١٥٠٠ و ٢٠٠٠ ديه متهاجمتش ليه الموضوع ان في ناس شايفة الiPhone غالي وقديم يعني شايفة ان منتجات الأندرويد في سامسونج واتش تي سي وما علينا من الباقي هما فاكرين ان دول مسحو الأيفون أنا كنت نازل اشتري ومحتار بين xperia s و galaxy note لقيت ال iPhone في الاستخدام مريح وسلس جداً في ايدي وانا كنت كاره الايفون بسبب الفيديوهات وتعليقات الناس بس لما مسكته الوضع اختلف ومحدش يفهم ان انا بقول انه أحسن من Xperia s ولا galaxy note عشان انا مبقارنش الموبايلات بس بقول الفرق في النظام خلاني اختاره لانه بالنسبالي مريح اكتر في الاستخدام وكمان ميتحكمش عليه من فيديوهات لازم تمسكه في ايدك لان الموضوع هيختلف جداً عالواقع

ahmedaliyossef2010

2012-09-02 (04:18:07AM)

انتو مش ملاحظين ان أبل بتعمل جهاز واحد بس من كل فئة فى السنة معنى كدة انهم المفروض يححقوا أكبر ربح ممكن من الأجهزة دى و هم بيفضلو يدرسو كل جهاز فترة طويلة علشان يبقى جودة التصنيع بتاعته عالية لكن الشركات التانية أكتر من 30 جهاز فى السنة غير التابلتس