بدون عنوان

للرجوع الي صفحة أبل iPhone 4S الرئيسية اضغط هنا

jobaz

2012-06-10 (05:43:47PM)

بس انا شايف ان الجلاكسى نوت احلى من الاس 3 عشان شاشته اكبر وكمان القلم بتاعه

Black Crow

2012-06-11 (01:27:06AM)

خلاص جيب النوت

essamseven777

2012-06-11 (03:08:49PM)

لا دة ولا دة هات الوان اكس ( شاشة _ خامات_ تصميم _ اتش تى سينس ) صعب تلاقى المميزات دى فى موبيل واحد

Black Crow

2012-06-11 (04:09:31PM)

علي فكرة الوان اكس كاميرته تعبانة جدا وحضرتك تقدر تشوفها علي اليوتيوب هتلاقيها بتقطع وكمان المايك بيعمل دوشة جامدة مع التصوير عشان كده الاس 3 يتفوق عليه ولان الاس 3 نازل بخواص جديدة مش موجودة في الوان اكس لكن الوان اكس كل اللي فيه موجود في اي موبايل ماعدا المعالج رباعي النواة بس لكن مفيهوش حاجة ديدة وكمان كاميرته تعبانة لكن الاس 3 في المعالج رباعي النواة وكاميرا ممتازة وخواص جديدة واحسن من النوت وأسرع

essamseven777

2012-06-12 (04:46:02PM)

Black Crow انا معاك ان كاميرا الاس 3 احسن بس بقى خد عندك :-
1- بودى الكربونيات المصنوع منة الوان اكس بيدى شياكة دة غير انة بتحمل الصدمات ودة احسن ميت مرة من البلاستك بتاع الاس3
2-شكل الاوان اكس احسن من الاس3 دة غير انة قطعة واحدة ودة افضل للموبيل عشان ميدخلوش تراب
3-شاشة الوان اكس احسن من الاس 3 (البرتنس والبيكسلات اعلى)
4-تقنية البيتس اوديو
5-الاتش تى سينيس افضل واجة لاندوريد ودى اهم ميزة فى الموبيل وافضل ميت مرة من واجهة التاتش ويز نايتورل الخاصة بالاس 3
الاس3 يتفوق فى البطارية وفى الكاميرا فقط مع العلم انة حيبقى اغلى
اما بالنسبة للخواص الجديدة فدى مش عايز اقولك ملهاش لازمة بس هى دعائية اكتر منها اهمية زى مثلا الشاشة بتطفى لما عينى تغمض ( فى حد بيغمض عينة وهو بيقلب فى موبيل)
الاس فويس كويسة جدا بس فى حاجات شبها كتير ممكن تكون اقل منها بس كويسة برضة دة غير ان الخاصية دى بتتسرب على الجوجل بلاى ولذلك ساسونج منعتها فى الوقت الحالى
الاس بيم زى nfs ( مفيش جديد)

gtided7i

2012-06-13 (12:34:43AM)

لا يا حبيبى موبيل سامسونج جلاجسى اس 3 فى قلم بس تجيبه من شركة سمسونج مش تلقيه جوه العلبه ده اولاً ثانياً فى شكوه حول الشاشة بتاعت النوت لانه مش بينزل فى الجيب الاس 3 بينزل عرفت بقا وبعدين الجلاجسى فى عشر امكنيات مش فى اى موبيل لانها اول مره تيجى عرفت ولو مش مصدقنى خش هنا

Black Crow

2012-06-14 (12:39:35PM)

لاء حضرتك فاهم ميزة بصمة العين خطأ المقصود بيها مثلا انك لو بتقرا حاجة علي المتصفح في الموب الضوء مش هيقل وبعدين يقفل زي أي موبايل يعني حضرتك لما بتبقا ماسك موبايلك وبتسيبه بيقفل الشاشة لوحده انما الاس 3 وبخاصية بصمة العين مبيقفلش طول ما العين عالجهاز ومش ديه الخاصية الوحيدة لاء ده في التصوير أثناء الفيديو وفي الخاصية الشبيهة بسيري عالايفون فور اس وفي التنبيه الذكي لما تكون بعيد عن الموب بيهتزر عشان ينبهك لو في مكالمة انت مسمعتهاش او رسالة وفي المكالمة المباشرة عن طريق اختيار جهة الاتصال ووضع الهاتف عالأذن فيتصل مباشرة يعني خواص كتير جديدة أنا مش شايف الاتش تي سي عملت جديد في الوان اكس غير انها عملت معالج رباعي النواه ونزلته باصدار الا ics بس لكن الاس 3 يتفوق عليه بكتير والشاشة في الاس 3 أحسن وباين في الفيديوها اللي بتقارن بين الموبايلين

وعلي فكرة أنا من أشد كارهي الأندرويد ومفيش بالنسبالي موبايل هيعدي الأيفون بس لما تكون المقارنة بين الموبين دول يبقا الاس 3 أفضل ولو المقارنة بين الاس 3 والايفون بالنسبالي الايفون افضل لكن بالنسبة للعامة الاس 3 وده لاسباب يطول شرحها

لكن خلاصة الموضوع الاس 3 يتفوق علي الوان اكس

essamseven777

2012-06-14 (09:05:42PM)

Black Crow انا معاك بس برضة ملهاش لازمة طب متخلى الضوء بتاع الموبيل يفضل لاطول فترة وخلاص ودى بتتعمل من الظبط
وعندك مثلا الاس فويس الى هى شبية بالسيرى اولا هى سامسونج لاغيها دلوقتى لانها اتسربت على الجوجل بلاى ولو حتى مش ملغية فى حاجات شبها كتير زى فويس اكشن يمكن تكون اقل منها وحتنزل حاجات زيها واحسن زى الى حتعملها جوجل قريب
خاصية انك تجيب الاسم وبعد كدة وضع الهاتف على الاذن (..........منظرة.............) ومش مهمة اوى
الى اقصدة ان الوان اكس فية خاصية الاتش تى سينيس ودى افضل واجة لندوريد على الاطلاق ودى اهم حاجة فى الموبيل لانك حتحس بقيمتها طول ما انت بتقلب فية والتاتش ويز كويسة برضة بس مش زى الاتش تى سينس خالص
انت ممكن تكون مستصغر قيمة الواجهة بس خلينا نتكلم بصراحة اية الى يخلى الواحد يجيب موبيل زى الايفون ب4000 وشوية مع ان معظم امكانياتة اقل من المنافسين فى تمنة والى اقل من تمنة فى حاجات كتير طبعا بس اهمها ان شياكة الاى او اس فى الايفون وشياكة التقليب فية احسن من اى موبيل تانى
انت برضة لما تيجى تقلب فى اى موبيل الوان اكس حتحس بشياكة ممكن تكون اقل من الايفون بس حتبقى اكتر بكتير من الاس3

Black Crow

2012-06-15 (12:33:11AM)

هقولك بقا ليه أنا جيبت الأيفون ومجيبتش أي موبايل تاني أنا حطيت الأيفون في دماغي لسبب إن نظام الأندرويد بالنسبالي أفشل نظام لغاية دلوقتي إضافة إلي إنو سارق حبة حاجات من نظام ال IOS الأندرويد في ثغرات غريبة ورخمة يعني حجم التطبيقات عليه خفيف جدا ومع ذلك لو حطيت في الموبايل تطبيقات وليكن خمسة مثلا يبدأ يبطأ وميبقاش سلس زي الأول الأيفون حجم التطبيق عليه خمس أضعاف حجم التطبيق علي الأندرويد وبيفضل سريع وسلس والنظام مبيتقلش خاااالص مهما نزلت عليه يعني أنا منزل عالموبايل تطبيقات حجمها 2جيجا ونص ومتقلش الاندرويد عليه حاجة غريبة الاتش تي سي وان اكس أنا جربتو في vision قبل ماشتري الايفون كنت عايز أفتح الشاشة فضلت أطلع دايرة ال unlock لغاية فين وفين لما استجابت قعدت اعملها اربع او خمس مرات لغاية ماطلعت وفتح التاتش وبدأت استخدمو قولت أقلب في الموسيقي برضو وأنا بنزل بيهنج كتير عبال ما بنزل سيبتو شوفت الجلاكسي اس 2 لقيت نازل عليه تطبيقات وتقل مني وانا بستخدمه جربت الاكسبيريا إس كان أفضل من الإتنين بالنسبالي بس وأنا بحرك من شاشة للتانية لقيتو تقيل ومش سلس نزلت tradeline قولتلهم عايز أيفون فور إس وأنا بستخدمو فرق كبير جدا بينو وبين الأندرويد بتنقل بين الموبايل بسرعة وسلاسة مش ملقتهاش في اي موبايل اندرويد وانا أصلا مجربتوش أنا إشتريتو علي طول بس كنت شوفتلو فيديوها أنا كنت بالنسبالي رايح أجيب أعلي إمكانيات وكنت مستقل إمكانيات الأيفون عشان رامتو 512 والبروسيسو 1G Dual Core إمكانياتو بالنسبة للموبايلات الاندرويد كانت قليلة بس لما جربتو فرق كبير والنظام ثابت والبطارية عمرها اطول من الاندرويد

الخلاصة عيب الاندرويد السوفت بيهنج كتير وبينقل من أقل حاجة إمسك حضرتك أيفون وأي موبايل أندرويد هقولك أبسط حاجة إتنقل بين الشاشات هتلاقي الأيفون أسرع وأكتر سلاسة والنظام كلو عالي الأندرويد بتهتم بالهاردوير بس في موبايلاتها لكن السوفت مش مهتمة بيه خالص

الأبل العكس ومع ذلك الأيفون أفضل وده اللي خلاني أقول مفيش موبايل أيا كان هيوصل لتقنية الأيفون