بدون عنوان

للرجوع الي صفحة أبل iPhone 4S الرئيسية اضغط هنا

ZiZ0o

2012-03-01 (07:21:53PM)

معلش ياجماعة انا عندى اسفسار بالنسبة للناس اللى استخدمت الايفون 4 اس عشان بفكر اجيبو انا سمعت ان فى مشكلة فى البطارية بتخلص بسرعة الكلام ده صح ؟؟؟

jimmy83

2012-03-02 (01:55:58PM)

من استعمال ipod touch 4g و iphone 3gs و iphone 4 ودلوقت iphone 4s
و مجموع وقت استعمالهم يعدي الاربع سنين ... عمري مواجهتني مشكلة بعمر بطارية او تغيرها الا مرة واحدة بالايفون 4 و تعلمت اغيرها لوحدي والسبب كان شاحن بايظ حرق البطارية.
--------
على الايفون 4s لدلوقتي مش عارف احدد هو بيفضل شغال اغاني قد ايه لاني بسيبو يشغل اغاني طول النهار وانا بالشغل ...يعني 14 ساعة + المكالمات اليومية العادية وبروح والجهاز فاضل في بين80 و 75
على الواي فاي اسوأ من ال4 وبيقعد حوالي 5 ل6 ساعات ليوصل 25% و عندها بشحنو تاني.
تشغيل فيديو (مش hd ) احيانا بشوف عليه فيلمين ورا بعض divx و بيفضل في ازود من 70
---------
اجمل حاجة الcar kit زمان على الايفون 4 مكنتش استعملها غير من ال dock لانها كانت تهلك البطارية و دلوقت بالعكس على البلوتوث و الجهاز مبشيلوش من الجيبة و مفيش استهلاك خالص.
في حاجتين مش عاجبيني وهم وقت المكالمات..المكالمات الطويلة بتسحب كتير..15% بحدود 45 دقيقة.
وانا اتصالات و اشارة الارسال بتفضل تقلب بين 3g و 3.5g و جديد 3.75 ..مبتأسرش على حاجة بس صعبان علية الجهاز وهو حيران كدا مع الشبكة العبيطة دي.
--------
على الالعاب مش حقدر اكون مفيد لاني مبلعبش غير chess و solitair و دول مبيستهلكوش حاجة خالص.
وانترنت من 3g استعمال خفيف جدا فبرضو مش حكون مفيد.

ZiZ0o

2012-03-03 (04:07:51AM)

شكرا لردك طمنتنى والله اصل انا كنت مقلق لانى سمعت ان البطارية بتعد 9 ساعات بس والموبايل مقفول كمان لان فى ناس قالولى انهم بيخدوا الشاحن معاهم فى الشغل من كتر ما البطارية بتخلص علطول بس الحمد لله كده اقدر اشتريه وانا مطمن :D

jimmy83

2012-03-03 (03:14:57PM)

المشكلة الرئيسية عند اغلب الناس ان لم ايقطعولهم الsim card بشكل مش 100 % ..اشارة الارسال بتخف واحيانا بتروح و تيجي ودي بتهلك الجهاز وهو ايدور و بتهلك البطارية..والناس مكسلة ترجع الشركة تقلهم شريحتكو مش مزبوطة.
----------
تاني حاجة توقيف كل البرامج الي شغالة والناس مش عرفين انها شغالة و دول بحدود 7 برامج او خدمات مش لازم يفضلو شغالين 24 ساعة + واخيرا ضبط الشاشة على سطوع قليل حسب الشخص...في كتير حاجات الناس بيسيبوها auto وفاكرين انها حتشتغل بس لم ايشغلوها والواقع انها شغالة 24 ساعة
---------
وبكدا انا الكلام الي قولتهولك فالتعليق الاول مسؤول عنو.

Zomy

2012-03-04 (05:25:11PM)

البطارية علي حسب
اضاءة الشاشة استعماللك للنت
المكالمات
يعني ممكن لو استخدام جامد اغاني و نت و مخلي الاضاءة اعلة حاجة و مكالمات كل شوية تقعد يوم مثلا

Zomy

2012-03-09 (06:29:04PM)

اي موبايل بطاريتو بتخلص بسرعة بس بتفرق من
الاستخدام هتكلم قد اية هتستعمل النت قد اية هتسمع اغاني قد اية اضاءة الشاشة هتبقا علي اخر حاجة ولا في النص

كل الحجات دي بتفرق من مستخدم لمستخدم
بس بطاريتو شغالة

تلك الخدمة مخصصة للأعضاء فقط