بدون عنوان

للرجوع الي صفحة أبل iPhone 4S الرئيسية اضغط هنا

speedx

2011-11-05 (09:03:53PM)

انا عاوز اشترى سونى اريكسون فيفاز وعاوز اعرف اخبار صوتة اية وعيوبة اية

ahmedehab

2011-11-05 (10:38:04PM)

الفيفاز تصميمة حلو مش اكتر لكن امكانياته ضعيفة و نظام تشغيله قدين اوى و مش مدعوم حلوقتى لكن انت قول بس ميزانيتك و ان شاء الله انا او اى واحد من الاعضاء هنساعدك

speedx

2011-11-05 (11:35:46PM)

انا عاجبنى عشان كاميرتة حلوة اوى وسعرة كويس وكنت عاوز اعرف اخبار الصوت بتاعة اية ونظام التشغيل بتاعة زى نوكيا 5800 ميوزك يعنى نظام تشغيل كويس

ahmedehab

2011-11-06 (11:53:40AM)

نظام تشغيل 5800 مش كويس لان نوكيا انهت دعم الموبايلات دى المشكلة انك لو هتجيب الموبيل دلوقتى و هيعد معاك اكتر من سنة و نص مثلا هتحس بمسالة دعم النظام لان نوكيا انهت دعم نظام التشغيل ده يعنى المبرمجين مش هيطلعولو برامج جديدة لكن لو مبتهمكش الالعاب و البرامج يبقى مش مهم النقطة دى

و فى حاجة مهمة صوت الفيفاز واطى و ده عيب فى غالبية موبايلات السونى اريكسون و مينفعش يتقارن بصوت ال5800 لان ال5800 اكسبرس ميوزيك صوته اعلى بكتير جدا

و فى مشكلة تانية هى ان الشاشة بتاعته resistive يعنى مش هتكون مريحة فى الاستعمال و هتتعبك لو بتستخدم الموبيل كتير

لكن طبعا مش هنسى كاميرته الممتازة لان لو بتحب التصوير يبقى هتعجبك جدا و هو من ارخص الموبيلات اللى فيه كاميرة 8 MP

speedx

2011-11-06 (01:13:34PM)

بص يا باشا انا مش مهم عندى الالعاب والبرامج اهم حاجة عندى الشكل والكاميرا والصوت وياريت تقولى صوتة عامل زى جهاز اية يعنى الصوت بيتسمع ولا لا عشان عاوز اشترية وياريت حضرتك تقولى سعره فى السوق كام دلوقت واسف لو ازعجتك

kemo31

2011-11-06 (02:33:21PM)

مستوى الموسيقى
59.8 ديسبل دون الوسط
مستوى الصوت
64.8 ديسبل دون الوسط
مستوى الرنين
69.1 ديسبل متوسط
وده يعتبر قليل مش عالي
انما بالنسبه للكامير فهي كويسه
وبتصور 720p ده لو انتا قصدك
علي الموبايل اللي في اللينك:

عشان فيه كذا موبايل فيفاز واتمني اوصلك معلومه صح

ahmedehab

2011-11-06 (03:11:35PM)

لا طبعا مفيش اى ازعاج انا بحب اجاوب على الاسئلة

شوف يا معلم الموبيل ده لو عايزه للصوت و لو بتسمع اغانى كتير منصحكش بيه خالص لان صوته واطى

و لكن بالنسبة للكاميرة فالموبيل ده من احسن الموبيلات اللى بالتمن ده و عندها كاميرة 8 ميجا بكسل و كمان الموبيل ده بيصور HD 720P 24 FPS يعنى الكاميرة بتاعته و امكانيات التصوير عنده ممتازة

يعنى تقييمى للموبيل 4\10 للصوت و 10\10 للكاميرة 6\10 للشاشة 4\10 للبرامج و الالعاب و 10\10 للتصميم لان شكله فعلا جميل جدا على العموم شوف انت تحب ايه

يعنى ممكن انت تضحى بالصوت العالى علشان يكون عندك كاميرة ممتازة و شكل ممتاز لكن صدقنى لو بتسمع أغانى طول الوقت متقربش من الموبيل ده لانك مش هتعرف تسمعه كويس لو انت قاعد مع صحابك فى النادى مثلا او فى اى مكان مفتوح.

ahmedehab

2011-11-06 (03:35:20PM)

اتفضل ده Review كامل عن الفيفاز بكل مشتملاته من اول التصميم و التعريف بالموبيل لغاية علبة الموبيل و اللى هتلاقيه فيها

لاحظ فى الصفحة التالتة للReview انه مقارن صوت الموبيل ببعض الموبيلات التانية و هتلاقى الفيفاز اضعف واحد فى المقارنة و الReview مديله Below average يعنى تحت المتوسط علشان كده انا بأكدلك الموبيل ده مينفعش خالص ليك لو بتسمع اغانى كتير

لكن فى الصفحة 7 و 6 هتلاقى اللى عامل الReview مبسوط جدا من كاميرة الموبيل و جايب كام صورة اتصورت بالفيفاز و فيديو اتصور بالفيفاز

و دى امكانيات الفيفاز

و يا رب اكون ساعدتك و لو عجبك الموبيل اشتريه و هو على العموم موبيل جميل.

speedx

2011-11-06 (04:04:14PM)

الف شكر ياباشا انا دخلت وشفت الجهاز وعرفت عنة معلومات كتير وحكاية الصوت دة اللى خنقانى شوية بس مش مشكلة اهم حاجة عندى الكاميرا فضل حاجة صغيرة بس سعر الجهاز دلوقتى عامل كام وصناعتة اية؟؟؟؟؟؟

ahmedehab

2011-11-06 (05:24:41PM)

تمنه حوالى 1200 جنيه ممكن اكتر شويه و ممكن اقل شوية و فى الغالب هيكون صناعة صينى لو علجبك بجد اشتريه لكن خد بالك الموبايل ده عايز معاملة خاصة لانه ضعيف شوية.

speedx

2011-11-07 (02:13:34PM)

تمام ياباشا انا هشترى الجهاز ان شاء الله بس اخر طلب معلش لو عندك فيديو اسمع بية الصوت بتاع الموبايل يبقى تمام

kemo31

2011-11-08 (03:28:55PM)

حضرتك الموبايل صوته مش عالي خصوصا لما هتيجي تشغل الاغاني و الوسائط فانتا ممكن تنزل شارع عبدالعزيز وتمسك الموبايل وتشوف صوته ولو الصوت بيفرق معاك جامد يبقي متجيبوش خلاص

ahmedehab

2011-11-09 (05:25:41PM)

معتقدش ان فى فيديو ممكن يعرفك صوت الموبيل عامل ازاى لكن لو هتشتريه من شارع عبد العزيز زى ما كيمو قال ممكن تجرب صوته قبل ما تشتريه لكن اهم حاجة جرب صوته باى حاجة بتسمعها كتير لان رنات الموبيل بتكون اعلى من الرنات العادية فجرب اى حاجة عادية و طبعا متنساش تجرب كل حاجة فى الموبيل من التاتش بتاعو للبلوتوث يعنى متسبش اى حاجة.

تلك الخدمة مخصصة للأعضاء فقط