بدون عنوان

للرجوع الي صفحة أبل iPhone 4S الرئيسية اضغط هنا

shenawy12

2013-06-07 (02:25:44AM)

شكرا يا بلاك ممكن بقى تقولى ايه ارخص وافضل محلات بتبيع ال 4 اس علشان ابن خالتى عاوز يشتريه وايه النصايح اللى تقولهالى لو سمجت وانا بشترى عاوزك تقولى على كل حاجه الله بخليك علشان اول مره اشترى اى فون او اتعامل معاه والف الف شكر ليك على ردك

Black Crow

2013-06-07 (03:46:22PM)

العفو ده أولا .......

ثانيا متسترخصش لأن في محلات بتبيع من غير ضمان وفي بتبيع بضمان السوفت بس وفي بضمان الهارد بس لكن المحلات المتخصصة في أجهزة أبل زي ispot , ishop ,tradeline ديه بتبيع الضمانين وغالبا هتلاقي فيها سعر الجهاز نزل لأني كنت جايبه في إبريل السنة اللي فاتت ب 5500 قبل ماينزل iphone 5 فهتلاقيه نزل لكن كام بالتحديد للأسف معرفش والنصائح بسيطة لما تجيبه تشتريله screen protector عشان تحمي الشاشة وجراب يغطي الضهر والجنبين وبإذن الله أضمنلك إنه هيعيش فترة طويلة لأنه معايا بقاله أكتر من سنة ومهنجش مني الحمدلله وبالنسبالي هو أفضل جهاز جيبته

shenawy12

2013-06-07 (05:43:08PM)

ماشى يا بلاك طبعا هو افضل من الاس 3 فى الخامه وفى الاستحمال ؟؟؟؟ طيب لو لقيته يا بلاك فى اى محل تانى غير دول وبيضمن الهارد والسوفت اجيبه عادى ؟؟؟ ولو من غير ضمان هل يبقى فى مشكله انا اعرف ان الايفون عيوبه بسيطه جدا ؟؟؟ وشكرا جدااااااااا

Black Crow

2013-06-08 (12:20:35AM)

لا اصل انا بكلمك عاللي جربته انا جايبه من tradeline ومش عارف لو من غير ضمان هتفرق ولا لاء بس عندي ثقة ان اللي يخلي الفرق بين اللي بالضمان واللي من غير ضمان ١٠٠٠ جنيه يبقا لازم فيه مشاكل في اللي من غير ضمان والله اعلم :) بس انت بتشتري راحتك لانك مش بتجيب جهاز هتغيره كمان يومين انت هتجيب جهاز غالي يعيش معاك فترة

shenawy12

2013-06-08 (05:25:56PM)

معلشى يا بلاك طمنى على البطاريه بتقعد كام يوم بالظبط سواء استخدام عادى او مكثف ؟؟؟
وقولى كمان الموبايل بيتشحن فى حوالى قد ايه ؟؟؟
اخر حاجه يا كبير ودى الحاجه الاهم اوى بالنسبالى هل باقات ال 25 جنيه وال 15 جنيه وكده على فودافون بتشتغل على الايفون ولا لازم اللى هو عرض الايفون 167 جنيه اللى بيديك دقايق ورسايل ونت وكده وكمان يهمنى اوى هل البرامج مجانيه على الستور ولا لا انا مش غاوى برامج اوى بس عاوز اهمها طبعا لازم تكون موجوده عندى ومش هينفع اشتريها ب 2 دولار ولا ب 5 دولار ؟؟؟؟

Black Crow

2013-06-08 (09:15:27PM)

البطارية في السوفت الحالي بتقعد معايا يوم استخدام مكثف لان انا يومي كله عليه ولما بسيبه بيقعد يومين ونص ده حاليا وبعد كده الباقات بتشتغل عادي واخيرا التطبيقات المهمة كلها مجانية :)

تلك الخدمة مخصصة للأعضاء فقط