بدون عنوان

للرجوع الي صفحة أبل iPhone 4S الرئيسية اضغط هنا

omar77

2013-04-25 (04:41:18PM)

يا جماعة مفيش طريقة انزل بيها ال whatsapp ؟؟..انا على اخر تحديث 6.1.3 وطبعا مفيش جيلبريك

walidelsaid

2013-04-28 (03:31:55AM)

استاذ omar77 بالله عليك محتاج نصيحتك ضروري انا جديد في عالم الايفون و شاري الموبايل جديد من حوالي 10 ايام وفيرجن السوفت اللي فيه 6.0.1 وعايز احدثه ل 6.1.3 بس خايف لان في ناس كتير بتقول ان التحديث الاخير سبب مشاكل كتيرة منها ان البطارية بتخلص بسرعة جدا فياريت ترد عليبناء وتقوللي ان كان فيه مشاكل فعلا من التحديث ام لا وخصوصا موضوع البطارية .. وشكرا مقدما

Black Crow

2013-04-28 (03:43:21AM)

بالنسبة ليك يا أستاذ Omar77 مفيش طريقة للأسف انا منزله بس لانه كان مجاني لمدة اسبوع وحتي لو مسحته ممكن انزله تاني لاني منزله قبل كده اما بالنسبة للاستاذ walidelsaid مشكلة البطارية صحيحة بس حدث الجهاز لحين ظهور تحديث جديد لعلاج المشكلة لأنها مش مشكلة دائمة بالنسبة لاستعمالي في التحديث ده البطارية بتقعد يوم ونص بس جاري العمل علي تحديث لعلاج المشكلة من أبل والتحديث الجديد iOS 7 هيتم الكشف عنه في ١٠ يونيو فالمشكلة بإذن الله هتتحل بس أنا أنصح حضرتك بالتحديث

walidelsaid

2013-04-28 (11:13:36AM)

شكرا جدا MR.Black Crow وان شاء الله اعمل التحديث اليوم بس استفسار تاني من فضلك 1- ايهما افضل التحديث من الموبايل نفسه عن طريق الواي فاي ام من خلال الكمبيوتر من برنامج الايتونز .

2- وياتري بعد التحديث لازم اعمل فورمات للموبايل ولا مش لازم

3- وايه هو الفرق بين 6.0.1 و 6.1.3

ولك جزيل الشكر واسف للازعاج

Black Crow

2013-04-28 (06:58:24PM)

العفو يا أستاذ وليد والأفضل إنك تعمل التحديث من الواي فاي ومش لازم تعمل فورمات والفرق ان كان في عيب في كلمة مرور الشاشة في الاصدار القديم واتعالجت في الاصدار الجديد

walidelsaid

2013-04-29 (01:49:01AM)

شكرا استاذ Black Crow علي الرد السريع وياريت لو عندك قائمة بأسماء بعض التطبيقات المجانية علي الابل ستورز يبقي كتر خيرك مع العلم ان انا بهتم بالتطبيقات العملية يعني ماليش اهتمامات بالالعاب وعشان كدة مش ناوي اعمل جيلبريك مثلا.. وشكرا مرة اخري

Black Crow

2013-04-29 (03:49:16AM)

زي حالاتي مفش إهتمامات بالألعاب :)

حضرتك ممكن تنزل facebook,twitter,yahoo messenger,youtube
ده بالنسبة للتطبيقات الخاصة بالنت وهما دول اللي أنا منزلهم

وفي Blux Camera,instagram,snapseed ده بالنسبة للتصوير

ومنزل تطبيقات دينية طبعا ديه علي حسب إهتماماتك هما دول بس اللي انا منزلهم مع العلم إني كنت منزل 51 تطبيق بس لما لقيت نفسي مش بعمل بيهم حاجة روحت ماسحهم بس هما دول الل فضلو معايا :)

omar77

2013-04-30 (02:20:50AM)

استاذ walidelsaid معلش انا بقالي كام يوم مفتحتش الموقع سامحني..بالنسبة للفرجن 6.1.3 مفيش مشاكل عندي الحمد لله انا برضو لسه شاري الموبيل من اسبوع والحمدللة البطارية استهلاكها تمام والتحديث مستقر ..

استاذ black crow متشكر لرد حضرتك وانا الحمد لله عرفت اجيب whats app من برنامج صيني كدة حملتو على الكمبيوتر اكيد حضرتك سمعت عنه اسمه kuaiyong عليه كل حاجة ببلاش زى الجليبريك بظبط بس مشكلته انه صيني والمفروض ان فيه منه نسخة انجليزي هتنزل قريب ان شاء الله

walidelsaid

2013-05-01 (01:56:20AM)

شكرا استاذ عمر وربنا يبارك لك في موبايلك وشكرا علي اهتمامك بالرد وبأذن الله سوف احدث الموبايل غدا بس برضة عايز اعرف البطارية بتقعد قد ايه في حالة فتح الواي فاي والنت وتنزيل التطبيقات وقد ايه من غير واي فاي ونت وشكرا لك مرة اخر ى وكمان شكرا للاستاذ black crow جزاكما الله خيرا

omar77

2013-05-01 (03:32:52AM)

بص انا مش من النوع اللي هو بيتقل جامد في الاستخدام بس انا مثلا بسمع شوية اغاني لمدة ساعتين مثلا في اليوم وشوية العاب على خفيف وبرنامج ال whatsapp و ال facebook وطبعا مكالمات وبتقعد يوم ..وده العادي في اى سمارت فون لازم بيتشحن كل يوم على الاقل لو من غير الحاجات دي اكيد هيقعد اكتر من كدة بكتير
واى سؤال انا تحت امرك :))

walidelsaid

2013-05-02 (01:36:02AM)

ربنا يجازيك خير يا استاذ عمر وانا حدثت الموبايل الساعة 11 ظهر اليوم 1-5 والساعة دلوقتي 12.30 صباح 2-5 يعني حوالي 12 ساعة والبطارية 67% رغم اني كنت فاتح الواي فاي للساعة 4.30 عصرا يعني معقول جدا وكل حاجة ماشية طبيعي .. شكرا لك

omar77

2013-05-02 (06:55:52PM)

طب تمام كدة الحمدلله .. وبتشكرني على ايه بس يا استاذ وليد انا معملتش حاجة
وان شاء الله كمان في شهر 6 المفروض هينزل ios7 وده اكيد هيخلى الجهاز احسن بكتير ان شاء الله

تلك الخدمة مخصصة للأعضاء فقط