بدون عنوان

للرجوع الي صفحة الكاتيل OT-997D الرئيسية اضغط هنا

drmohab

2013-06-22 (03:52:37PM)

ايه يا جدعان ده.انا اتصدمت.ايه الشغل العالي ده
انا لسه جايب الموبايل ده دلوقت و باكتبلكم من عليه
لا بجد ده طلع فوق التوقع.مفيش لعبة لحد دلوقت ماشتغلتش ده غير الكاميرا جميلة جدا و صوت حلو و نقي.بجد يستاهل اكتر من تمنه بس عيبه لحد دلوقت انه تقيل شوية و طبعا الاكسسوارات بلح لحد دلوقت.محدش يعرف اكسسواراته فين في اسكندرية علما باني جايبه من كارفور و ملقيتش اسكرين و ملقيتش غير جراب ضهر واحد مطاط بس لونه لبني فاقع ماعجبنيش
draboueyad انا نفسي تقع تحت ايدي علشان عايز ابوس راسك و مش عارف اشكرك ازاي

SuperStar

2013-06-22 (07:12:24PM)

الف مبروك يا باشا وربنا يحميه لك ويحافظ لك عليه

amrzamalek

2013-06-22 (08:49:52PM)

احسن من الهايسنس بتاع بيسوا الي غرق الناس فية و الف مبروك قولي اشترايتوا بكام و منين في الاسكندرية

draboeyad

2013-06-22 (09:11:52PM)

الف الف مليون مبروك يادكتورو ربنا يباركلك فيه ويحفظهولك......لو عايز الجراب بتاعي الاسود والله اجبهولك هديه بجد مش هزار.وانا تحت امركوا والله في اي حاجه هنا او علي صفحه الفيسبوك.ادعولي بس علشان مناقشه رساله الماجستير كلها ايام.

drmohab

2013-06-23 (05:03:34AM)

الله يبارك فيكم جميعا.و ربنا يكرمك يا دكتور و تناقش الرسالة و تبهر لجنة المناقشة و ان شاء الله الامتياز و مستنيين منك الدبايح بعد الامتياز.و انت يا عم عمرو رغم انك زملكاوي الا انك حبيبي برضه و حاقولك انا جبته من كارفور اسكندرية ب1599 بالضمان و الفاتورة طبعا انا جبته من كارفور و اغلي من بره حوالي 100 جنيه لاك كارفور الوحيد اللي بيديك حق استبدال عندهم مش عند الوكيل اول 14 يوم لو الجهاز فيه ﺣﺎﺟﺔ

drmohab

2013-06-23 (05:11:55AM)

و بالنسبة للهايسنس انا كنت خلاص علي وشك اني اجيب ال u4 بس فعلا لقيت الناس كلها بتشتكي من انه نازل ببطاريات معيوبه ثم ان الالكاتل راماته اعلي و فعلا كنت علي حق لما اصريت اجيب جهاز برامات عاليه و ده حسيته في ال 997 النهاردة.الجهاز فعلا طيارة و الملتي تاست فيه ممتاز.و بالنسبة ليك يا دكتوري العزيز انا مش اخد الجراب بتاعك ده انا اللي نفسي اجيبلك جراب هدية لاني بقالي اكتر من شهرين متابع الجهاز ده علي تقريبا كل مواقع النت علي مستوي العالم و كنت معجب بيه بس مقلق منه شويه لغاية ما شفت تعليقات هنا و حلولك لكل مشاكله و ده اقنعني بيه و جمد قلبي و فعلا النهارده كل ما امسكه ادعيلك.بالتوفيق و النجاح علطول ان شاء ﺍﻟﻠﻪ

تلك الخدمة مخصصة للأعضاء فقط