بدون عنوان

للرجوع الي صفحة الكاتيل OT-997D الرئيسية اضغط هنا

sayedrme

2013-06-12 (02:55:46PM)

يا جماعة انا سألت على الموب ده فى رزق الله اللى فى جامعة الدول وقالى ان تمنه 1600ج فسألته ايه الفرق ان انا اشتريه من رزق الله او اشتريه من محل تانى بضمان رزق الله فقالى ومن رزق الله بيبقى بفاتورة ضريبية10% وبيقى الضمان من تاريخ الفاتورة ولكن لو اشتريته من محل تانى هيبقى من غير فاتورة ضريبية وهيبقى الضمان مش من تاريخ الشراء يعنى هيبقى اقدم شويه.

AboulFotouh

2013-06-13 (02:58:30AM)

هو عنده حق في الموضوع ده .. بس في حاجه تاني انا اخدت بالي منها .. ان الموب ده مش بيبقي ضمانه متقفل ,, يعني علبه الموب بتبقي مفتوحه عادي وممكن الراجل يطلعلك العده وتشوفها ويقفلها تاني والحياه جميله .. مش زي سامسونج وسوني اللي هو لو فتح العلبه يبقي الموب ده بقي مفتوح .. فانا لاقيت في المحلات الموبايل بيبقي مفتوح وفي الضمان نفسه الموبايل بيبقي مفتوح فقولت اشتري من الضمان اضمن ومش مهم الفرق ده

wahba1800

2013-06-13 (12:15:17PM)

الفرق كله زى ما الراجل قالك الفاتورة الضريبية من اول يوم شراء لكن الفاتورة التانية من التاريخ اللى مكتوب على شهادة الضمان ودا عن طريق تشيل اول رقمين واخر رقم حيطلعلك تاريخ الضمان بس انا عشان من الناس اللى جابته فى الاول اشتريبته من محل عادى شهر 2 والضمان كان لسة حيبدا 31 مارس :D

تلك الخدمة مخصصة للأعضاء فقط