بدون عنوان

للرجوع الي صفحة الكاتيل OT-997D الرئيسية اضغط هنا

mgghaly

2013-05-02 (09:31:25PM)

اولا : انا سجلت مخصوص علشان اشكر السادة الاعضاءعلى التفاعل الايجابي و طبعا القائمين على الموقع.
ثانيا: احب اقولكم ان المناقشات هنا كنت احد اهم اسباب شراء الموبيل ده(OT-997D).
الموبيل معايا بقاله اسبوعين تقريبا اشتريته من دريم 2000 ب 1650 جم و ملاحظاتي حتى الان
1- البطارية بتحتاج شحن مرتين يوميا على الاقل.
2- الجهاز سريع و امكانياته هايلة بالنسبة لسعره.
3- الكاميرا بتحتاج ضبط دقيق علشان تطلع صور كويسة و طبعا اضاءة مناسبة نقدر نقول مستواها جيد.
4- مش لاقي سكرين مناسب لكن بالنسبة للجراب جبت جراب بوكت لسامسونج S2
5- الجهاز فعلا بيسخن من منتصفه (مكان البطارية) اثناء الشحن و من الثلث الاسفل (تقريبا مكان الكروت) اثناء الدخول على الانترنت , وهي دي المشكلة عندي اني ابتديت الاحظ بقع صفرا بتظهر فى الشاشة اماكن السخونة و بتختفي لما الجهاز يبرد و قلقان انها تزيد او تأثر على كفاءة الشاشة مع الوقت.
يا ريت لو حد معاه الجهاز ده يشوف نفس الملاحظة بتظهر عنده ولا لا.

Razor

2013-05-02 (09:41:07PM)

يا جماعه لو سمحتم حد ياكد الكلام ده عشان انا علي وشك اني اشتري الجهاز ده.

draboeyad

2013-05-02 (11:02:18PM)

اهلا بحضرتك:
موضوع البطاريه ده غريب اوى لان البطاريه بالعكس كويسه بتعد يوم ونص الى يومين (مكالمات و3G وواى فاى ) حوالى ساعتين كل يوم
فنصيحتى ليك كالاتى :
اقفل ال 3G متشغلهوش نهائى الا لما تستخدم النت بس .(الاعدادات-----الاتصال اللاسلكى والشبكات----المزيد-----شبكات الهاتف المحمول-----خدمه 3G-----وضع الشبكه اختار الوضع التلقائى)
ولما تخلص استخدام نت اقفله من ايقونه اتصال البيانات اللى جنب gps
لان لو سبت ال3G شغال البطاريه هتفضى فى خلال 6 ساعات بالكتير اوى
وكمان:
اقفل المزامنه (الاعدادات ------الحسابات والمزامنه)
+
استخدم برنامج لتنظيف الرامات مثلا RAM BOOSTER
+
حط الموبيل فى مكان فيه شبكه كويسه فى البيت
+
قلل سطوع الشاشه قدر المستطاع
+
لو بتلعب العاب كتير البطاريه هتفضى على طول

اما بالنسبه لسخونيه الجهاز فهو طبيعى بيسخن بالظبط زى مانت كاتب اثناء ال 3G
لكن اثناء الشحن فبيبقى سخونيه بسيطه لاتذكر واول مالشحن بيكتمل بيرجع لطبيعته
لكن مش عامله معايا اى مشكله فى الشاشه

بالنسبه للكاميرا محتاجه ثبات اثناء التصوير واضاءه كويسه وتعمل فوكس قبل ماتصور الصور هتطلع جميله ان شاء الله

AboulFotouh

2013-05-03 (06:55:44PM)

هوا موضوع الحشن ده غريب اووي ة.. واضح انك بتفتري فيه .. انما لو في العادي بيقعد 24 ساعه ولاو استدام قليل بيقعد اكتر من كده
والسخونيه دي مش بتظهر عندي بالصوره الرهيبه دي
اللازقه هتبقي بتاعه s2 وتتقص شويه .. الجراب مش لاقيه
الكاميرا جميله بس فعلا عيازلها ظبط معين عشان وهي اوتو بتطلع صوره جااامده وصوره مهزوزه

ف انت لو كده وديه الضمان مدام فيه نقط صفرا بتظهر والحاجات الغريبه دي

تلك الخدمة مخصصة للأعضاء فقط