بدون عنوان

للرجوع الي صفحة الكاتيل OT-997D الرئيسية اضغط هنا

moslem1

2013-03-27 (02:52:56AM)

السلام عليكم يا شباب
انا متابع الموقع ده من فترة واستفدت جداااا من اراء الاعضاء المحترمين اللى فيه واللى كان ليهم دور كبير فى معرفة مزايا وعيوب اجهزة كتير
هبدا مشاركتى بانى كنت مستنى 997d زيكم بالظبط وبعدين لما فقدت الامل فى نزولة اشتريت امبارح 992d ولسه ان شاء الله ببدا اتعامل معاه
عالعموم الاخوة اللى عايزين الموب ده هو موجود فى كذا مكان فى وسط البلد , انا اشتريتة من المهدى فى شارع شريف ب 1150 ولقيتة كمان فى كذا محل هناك بنفس السعر
بس لاحظت ان المحلات بتبدا تزود شوية شوية فى سعرة, يمكن خايفين يشح زى اللى قبلة .. الله اعلم
واخيرا انا بطلب منكم حاجة:
انا كل خبرتى فى الموبايلات كانت نوكيا, ومعرفش اى شىء عن الاندرويد او اقدر استخدمة ازاى او ايه هى البرامج اللى المفروض انزلها عشان استفيد بيها , او ايه هى وظائف البرامج اللى عالجهاز معايا
معلش انا تقلت عليكو .. وان شاء الله انا هبقى احط ملاحظاتى عالجهاز بعد ما اجربة كويس يمكن اقدر افيد حد ولو بحاجة صغنونة زى ما استفدت انا

draboeyad

2013-03-27 (10:14:43AM)

اولا...مبروك عليك الموبيل
ثانيا...لازم تعمل الاتى علشان تحدث كل برامج جهازك وتنزل البرامج اللى نفسك فيها:
تدوس على ايقونه Google play وتعمل اكونت على الgmail او لو كان لك اكونت خلاص ادخل بيه ...اول مايفتح معاك اختار top free من فوق هتلاقى برامج بالهبل ,skype,yahoo,games , viber .whatsup
وغيرهم كتييييير .اللى نفسك فيه نزله وكمان البرامج اللى موجوده اساسا عندك على الموبيل لو ليها تحديث هتلاقى مكتوب قدامها update دوس عليها وحدثها
نصيحه نزل برنامج اسمه Smart RAM Booster

ده هينضفلك الرامات اول باول ويقفل البرامج اللى شغاله فى الخلفيه اللى بتسحب من البطاريه على الفاضى
وكمان Kaspersky Mobile Security Lite

انا برضه ده كان اول اندرويد ليه بس من كتر اللعب على الموبيل هتعرف كل حاجه شويه بشويه متقلقش

moslem1

2013-03-27 (03:06:07PM)

السلام عليكم draboeyad
اشكرك جداا على ذوقك واهتمامك بالرد عليا بس انا كان ليا كذا استفسار كده
انا تقصد ادخل عالنت ازاى هل من الموب ولا النت العادى ؟ مع العلم ا انا عندى فى البيت نت عادى مش وايرلس وكمان مش مشترك فى اى باقة نت على الخط بتاعى
ثانيا : انا نزلت برنامج one touch manager عشان اقدر اتحكم فى الموبايل من خلال الكومبيوتر من خلال تنزيل برامج ونقل ملفات وكده ( زى برنامج pc suit لنوكيا ) ولكن بعد ما نزلتة وسطبتة عالكمبيوتر معرفتش اتعامل معاه خالص
ثالثا : ازاى اقدر انقل الاسماء والرسائل والملفات اللى موجوده فى العدة القديمة ( نوكيا ) للفون الجديد
رابعا : فية برنامج انتى فيروس avg جاى مع الجهاز , هل كاسبرساكى احسن منه ولا ايه , مع العلم انى سمعت ان الاندرويد مش بيتفيرس . ده صح ولا غلط ؟
اشكرك جدا مرة تانية واسف عالاطالة

draboeyad

2013-03-28 (01:46:45AM)

بالنسبه للانترنت لازم وايرلس او تشترك بباقه انترنت على شريحه الموبيل
بالنسبه لنقل الملفات على الموبيل مش لازم برنامج الكاتيل وان تاتش مانجر فقط وصل الموبيل بالكمبيوتر هيظهرلك على الموبيل 3 اختيارات اختار mount لنقل الملفات .
بالنسبه AVG كويس جدا مش لازم كاسبر .
بالنسبه لنقل الاسماء والرسائل مش عارف الطريقه والله

تلك الخدمة مخصصة للأعضاء فقط