بدون عنوان

للرجوع الي صفحة الكاتيل OT 992D الرئيسية اضغط هنا

mostafa7bedo

2013-04-21 (11:25:03AM)

في حد من العباقرة... عرف يعمل root للجهاز.. وما فائدته (ربما تحسين الرامات) علمًا بأنى أعلم أنه يخرجه من الضمان... لكن يقال أنه عن طريق الروت يمكنك توسيع مساحة الرامات مثلا.... أرجو الإفادة فى هذا الموضوع.. لمن له الخبرة.. وشكرًا

Mahmoudtttt

2013-04-21 (03:47:57PM)

الروت له عدة فوائد بشكل عام بيخليك تتحكم فى الموبايل بشكل كامل من خلال الترقيه الى
(Super User) وتستطيع مسح الملفات الخاصة بالنظام او نقل التطبيقات الى انت نزلتها على بطاقة الذاكرة الخارجية وكمان تفعيل بعض التطبيقات الهامة فى المتجر اللى مش بتشتغل الا بعد عمل روت لكن هو يفقد الضمان بالاضافة انه يمنع تحديث الموبايل اذا ما امكن ذلك من خلال الشركة

mostafa7bedo

2013-04-21 (04:05:18PM)

أولًا شكرًا لشرح حضرتك الميسر.... هل يزيد الروت من إمكانية الرامات مثلا أم لا... لأنى بالرغم من استخدام Ram Booster pro إلا أنه في بعض الأحيان مع كثرة عمل download والتصفح عبد الواي فاى.... أجد الرامات وصلت لدرجة ٥٠ فأضطر لإغلاق الجهاز وفتحه بعد قليل... ثانيًا هل تم عمل روت لهذا الجهاز... وهل يمكن عمل Unroot له بعد ذلك..... ثالثًا هل تتوقع تحديث لهذا الجهاز يزيد من كفائته من ناحية الرامات.... وهل يوجد حل لموضوع البوصلة أو القبلة من دون نت... وآسف على الإطالة

Mahmoudtttt

2013-04-21 (07:02:31PM)

بص هى طريقة الروت الخاصة بيه قد يكون توصل ليها البعض لكن حقيقة انا لم ابحث فى هذا الموضوع ثانيا انا وضحتلك الروت يعطى صلاحيات فى البرامج الاساسية الخاصة بالجهاز وتفعيل بعض التطبيقات اما حجم وقدرة الرمات سوف تبقى ثابتة وانصحك متعملش روت قد يتحدث من قبل الشركة فى بعض الاحيان بس حتى الان لا يوجد تحديثات متاحة اما بالنسبة لبرنامج البوصلة اى نوع من التطبيقات تستخدمة؟؟؟

MiZoSpaDe

2013-04-21 (08:07:52PM)

انا عامل روت للجهاز بتاعي .. وربنا ما يحوجنا للضمان ابدا قول آمين ^_^ ... بالنسبة لتحسين الرام انا نفسي اسأل سؤال للي بيهتم بالرام .. اول شئ الرام دا للناس اللي مش بتقفل البرامج او اللعب اللي بتشغلها .. يعني بدل ما بيدوس back علشان يخرج بيدوس Home علشان لما يفتح البرنامج او اللعبة تشتغل على طول .. لو انت مش بتعمل كدا يبقا زيادة الرام مش هتفيدك بمليم .. ثاني حاجة برامج الـ task killer او الـ ram booster كلها برامج فاشلة وبتستهلك البطارية واداء الجهاز على الفاضي .. لان البرنامج اللي بتقفله بيرجع يتفتح تاني ودا بيستهلك البطارية لان الـ loading اتقل مليون مرة من البرنامج وهو شغال وممكن تتاكد من دا بانك تشوف اسهلاك البروسيسور ساعة التحميل وبعد التحميل .. فوق دا كله الاندرويد كنظام اصلا كل لما المساحة بتاعت الرام بتقل بيفضي مكان للبرنامج او اللعبة اللي انت شغال بيها .. ودليل على دا عمرك جيت تفتح برنامج او لعبة على الموبايل قالك لا الرامات خلصانة ؟!!! معتقدش على الاقل محصلش معايا لحد دلوقتي بالرغم من اني بلعب اتقل الالعاب في الماركت زي need for speed most wanted و asphalt 7 .. من الآخر ريح دماغك من قصة الرام دي ومتبصش عليها اصلا مش هتحس بفرق .. واحذف برنامج الرام بوستر .. ولو على سؤالك آه تقريبا في الروت طريقة انك تزود الرام بس على حساب كارت الميموري .. عن طريق حاجة اسمها swap معروفة للناس اللي بتستخدم انظمة لينوكس زي الاوبنتو .. بس لازم كارت الميموري يكون class 6 او اعلى ... يعني الميموري الـ class 4 اللي اغلب المحلات بتبيعه لرخص تمنه مينفعش معاها ... اتمنى اكون رديت باستفاضة

draboeyad

2013-04-21 (10:42:07PM)

السلام عليكم............
انا معايا 997D بس حبيت اضيف حاجه بالنسبه لموضوع الرووت
فعلا الرووت بيخرج الجهاز من الضمان بس هو ميزته ان لو الموبيل نزل له روم غير رسمى فى اى وقت ممكن تنزله عادى وكمان فيه برامج على الجوجل بلاى علشان تشتغل لازم لها رووت وايضا ممكن مع الرووت تشيل كتير من البرامج اللى نازله اصلا مع الجهاز فى السوفتوير الاصلى ومش عارف تشيلها
.........................
اللى عايز اضيفه
.........................
ان الضمان مش بيروح ولا حاجه عارفين ليه ؟؟؟؟؟

لانى ممكن مع برنامج one touch upgrade موجود على صفحه الموبيل على النت
ممكن تنزل للموبيل احدث سوفتوير متوفر اصلى وبالتالى الروت هيتلغى لكن الموبيل هيرجع كانك لسه شاريه بالظبط

شكراااااااااا

MiZoSpaDe

2013-04-22 (01:42:51AM)

هو فعلا لو قدرت ترجع السوفت الاصلي يبقا خلاص ... لكن انا معنديش فكرة في الالكاتيل .. السامسونج كنت بستخدم برنامج odin وفيه موقع اسمه sammobile بنزل من عليه آخر سوفت ..

draboeyad

2013-04-22 (09:23:08AM)

فعلا والله بيرجع كانه لسه جديد بدون رووت عن تجربه

mostafa7bedo

2013-04-22 (11:27:19AM)

بعد الرد المستفيض من العباقرة والأساتذة الكرام.. وأنا عاجز عن شكركم..أرجو وضع كيفية طريقة عمل الرووت وكيفية تقسيم الملفات.. أو إضافة لينك يشرح تفصيلا لأني مش لاقي موقع بيشرح عمل روت ل992d وأغلبها مواقع روسية... أرجو وضع لينك ولو يشرح بالإنجليزية مع التفصيل إن أمكن.... ثانيًا هل يتوقع أن يتم ترقية الجهاز من قبل الشركة المصنعة إلى جيلي بين.. أم لا

تلك الخدمة مخصصة للأعضاء فقط