بدون عنوان

للرجوع الي صفحة الكاتيل One Touch Idol X الرئيسية اضغط هنا

alaa9490

2013-11-22 (04:01:50AM)

اخی waleedsunny
اولا : شكرا ليك علی ردك علی استفساری بخصوص alcatel idol 6030d
ثانيا : بما انك معاك التليفون ده
وكان معاك قبله samsung core
فياريت تكلمنی اكتر عن أداؤه مقارنة بالسامسونج كور أو بالسامسونج بصفة عامة
من حيث :
الأوبشنز العام بتاع الجهاز
الأوبشنز بتاع الكاميرا وجودتها
سرعة الجهاز فی الداونلود من النت
تأثيرات الصوت فی مشغل الموسيقی ( equalizer )
وكمان ان جهازی يكون مصدر wifi
يعنی حد ينفع يفتح ال wifi بتاعه ويدخل علی النت من خلال جهازی اذا سمحتله ؟
لأن انا مسكت جهاز samsung ace 3 وعجبنی فيه كل الإمكانيات دی
بس شلته من حساباتی علشان
نوع شاشته
وشكله التقليدی
وانه منتشر وفی ايد أی حد
وانا بحب اشيل تليفون مميز ومش منتشر
فهل لو جبت التليفون ده اللی هو طبعا alcatel idol 6030d هبقی اهتميت بالشكل علی حساب المضمون ؟
ولا هلاقی فيه الإمكانيات دی
وابقی كسبت الحاجتين الإمكانيات والشكل المميز
وانا مش عاوز اصحابی يشمتوا فيا ويقولولی كنت جيب السامسونج زينا احسن
ياريت تكون فهمتنی وترد عليا ضروری ولو بشیء من التفاصيل
وانا عارف انی هتعبك معايا
بس ربنا يجازيك خير

waleedsunny

2013-11-23 (06:13:13PM)

بص السامسونج أعلى في الاكسسوارات من غير منافس
الاوبشن بتاعت سامسونج أعلى ذى تخصيص نغمة وورقة حائط ونغمة رسايل منفصلة لكل خط وتخصيص ورقة حائط لقفل الشاشة كل دى حاجات مش موجودة في الكاتيل
جودة الكاميرا من وجهة نظرى واحدة بس في الكاتيل الاوبشن اعلى في الكاتيل
تسجيل المكالمات وتشغيل المنبة والجهاز مقفول موجود في الكاتيل ومش موجود في سامسونج
شكل سامسونج اصبح تقليدى من اول البوكيت لحد ال اس4 مع اختلاف الحجم والامكانيات
الحاجة المهمة اللى خلتنى اتجه لأ لكاتيل أراء مستخدمين السامسونج في الخارج ان كلهم أجمعوا على معلومة واحدة وانا جربتها فعلا ان الجهاز اول ماتجيبه يكون صاروخ لكن مع الوقت تلاقى الجهاز بدأ في البطىء غير المبرر مع عدم تحميل برامج كتير ومستخدمين في الخارج رجحوا ان يكون الموضوع ده من رداءة المكونات المستخدمة حاليا في سامسونج لكن الموضوع ده انا ماقبلتوش في الكاتيل اللى معايا حاليا
وموضوع ان جهازك يكون مصدر واى فاى - قصدك انك تخلى جهازك رواتر لأى حد يدخل النت عن طريقك ده أوبشن في الجهاز أسمه Wi-Fi hotspot وده أنا شغال بيه علطول

تلك الخدمة مخصصة للأعضاء فقط